Jerimaia 46:16 - Edo Bible (E Baibol Ẹdo) Version 1996

¹⁶ Ivbiyokuo uwa hia rrua owẹ, iran dele edọmwadẹ ọghọe gha tama ogieva ẹre wẹẹ, ‘Ẹgiẹgiẹ! Gie ima bu emwa ima gha rrie owa ne a lẹfe vbe obọ umozo avbe eghian.’

Jerimaia 46:16 ပူးပေါင်းရင်းမြစ်များ

Jerimaia 46:21

Uhin avbe ivbiyokuo ne ọ ve ẹre igho viọ ba egbe, egbe wọ ehia yotọ nẹ zẹ vbe ivbi ẹkhuia ẹmila. Iran ma kpaegbe ne iran gbinna iran hia fi iyeke gbe, iran na lẹẹ ẹdẹ ne iran ra khian rhie sotọ nẹ, ẹdẹ ne iran ra la ọrhiae rrie.

Jerimaia 46:6

Iran ni sẹtin rhulẹ i ra lẹ fe, avbe ivbiyokuo i ra sẹtin lẹ fe, vbe odẹ okuọ vbe ọkpẹn Yufretes, iran rrua owẹ, iran keghi dele.

Jerimaia 50:16

“Wa ghẹ gie a ghi kọ vbe ẹvbo nii, a ma wẹ te a ghi ra rhọ. Ohan ivbiyokuo ni ra do khọn ẹvbo nii gha mu avbe erhunmwuyẹn ni rrọ sẹrriọ wẹ iran ghi werriegbe gha rrie ẹvbo iran.”

Jerimaia 51:9

Avbe orhunmwuyẹn ni rre evba khare wẹẹ, ‘Ma te ra ye Babilọn obọ, sokpan, ẹghẹ la nẹ. Wa gie ima kpao nian ne a gha rrie owa. Osanobua ya ẹtin ẹnrẹn hia rrii e Babilọn oya, ọ vbe fuẹn ọnrẹn uan fẹẹrẹ.’ ”