Jerimaia 46:14 - Edo Bible (E Baibol Ẹdo) Version 1996

¹⁴ “Ya kha vbe ore ẹvbo Igipt, vbe Migdọl, Mẹmfis kevbe Tapanhes wẹẹ, ‘Wa mu egbe ne uwa ya gbinna ne egbe uwa; emwi ne uwa mwẹ, a gha fuẹn ehia vbe okuo!

Jerimaia 46:14 ပူးပေါင်းရင်းမြစ်များ

II Samuẹl 2:26

Abna keghi datie Joab wẹẹ, “Igbinna ọre a ghi wa gha gbinna khian ẹdẹ ra? Wẹ ma rẹn wẹ ọ ma ọkpa ne a ra miẹn gberra a khọ ẹko egbe i rrọọ? Ivbi ẹvbo ọkpa ma gba khin. Vbe ọ khian kpẹe sẹ hẹ u ke tama emwa ruẹn ne iran ghẹ ghi khu ima?”

Ẹksọdọs 14:2

“Tama ivbi Izrẹl wẹ ne iran fi ọdelegbe ne iran ya yakọ vbe odaro Pi-Hahirọt, vbe ẹkpo Migdọl kevbe Okun Nọbaa vbe odaro Balzẹfọn, Wa bu agọ.

Aizaia 1:20

sokpan, u gha yagha mwẹ, uhunmwu ọ re u ya khiẹ ọre, mẹ ne Nọyaẹnmwa ọre ọ tae.”

Aizaia 19:13

Ọzuọ ọ re avbe ọkaolotu ni rre Zoan kevbe Mẹmfis khin. Te a te wẹ ne iran su ẹvbo nii sokpan iran de ẹre odẹ.

Aizaia 31:8

A gha fuẹn Asiria a vbe okuo, sokpan ẹ i re ẹtin ọmwa nagbọn ọ re ọ ra ru ẹe. Ivbi Asiria gha lẹkua vbe okuo, a ghi munọ avbe igbama iran oghunmwu.

Aizaia 34:6

Esagiẹn kevbe efun egbe iran gha gba umozo ẹre aro kevbe iyeke, zẹvbe esagiẹn kevbe efun ivbiohuan kevbe ẹwe ne a ya zọ ese. E Nọyaẹnmwa gha zọ ese na vbe Bozra; ọ gha ru ẹe ne obọ ugbemwẹ ọnrẹn dotọ ẹsẹse vbe otọe Idọm.

Jerimaia 12:12

Emwa wa fian uhunmwu oke ato ni rra do fu emwi hẹ, I gie okuo ne ọ ya fuẹn otọe nii hia a, ọmwa ne ọ ra gha rre ọfumwegbe i rrọ.

Jerimaia 2:16

Ẹn, ivbi e Mẹmfis kevbe Tapanhes guọghọ ẹre ugboloko uhunmwu.

Jerimaia 2:30

I rrii uwa oya, sokpan, ọ ma gbe emwi rhọkpa, wa iho ne I gbe uwa hin ọkhọ rre. Wa gbele avbe akhasẹ uwa zẹ vbe oduma ne ọ tu.

Jerimaia 44:1

E Nọyaẹnmwa keghi gunmwẹ guaan vbekpa ivbi Izrẹl ni rre Igipt, ni rre avbe ẹvbo na ighe Migdọl, Tapanhes, kevbe Mẹmfis kevbe obọ ne ọ laghe odẹ ekẹn vbe ẹvbo nii

Jerimaia 46:10

Ẹdẹ Osanobua ne Udazi ne Oghodua ọ na khin ẹdẹnẹrẹ na, ọ ra kioya ẹdẹnẹrẹ na, ọ gha rria avbe eghian rẹn ikhi. Umozo ẹre gha rri iran ne ẹko vuọn ẹẹn ọ gha vbe wọn esagiẹn iran ẹko te do vuọn ẹẹn. Ẹdẹnẹrẹ na ọ re Oghodua ra ye avbe oghunmwu ẹnrẹn zọ ese vbe odẹ okuọ, vbe ọkpẹn e Yufretes.

Jerimaia 46:19

Wa mu egbe ne a ra ya viọ uwa oghunmwu gha rrie, wa ne ivbi Igipt! A gha ye Mẹmfis khian ato, itowa ne ọmwarhọkpa i ye.

Jerimaia 46:2

Ọ na suẹn ọnrẹn vbe egbe Igipt. Ẹmwẹ ne ọ tae vbekpa ivbiyokuo e Nẹko ne ọba Igipt ẹre ọ na khin, ọmwa ne Nebukiadneza ne ọba e Babilọn khọn mu Kakẹmis vbe ọkpẹn Yufretes ne Ẹzẹ vbe ukpo ne ogienẹ ne Jehoiakim yae vbe ẹkete e Juda:

Ezikiẹl 21:28

“Ovbi ọmwa, guan zẹvbe akhasẹ, ta ẹe ladian wẹ mẹ ne Nọyaẹnmwa ne Udazi ọ re ọ tama ivbi Amọn ni kpa unu ghe Izrẹl, tama iran wẹẹ, ‘Umozo mu egbe nẹ ọ ra ya fuẹn emwi. A kpee ẹe nẹ ọ gha gbe emwi, ne ọ gha fi wain zẹ vbe ayan,

Ezikiẹl 30:13

E Nọyaẹnmwa ne Udazi khare wẹẹ, “I gha guọghọe rua ighe avbe amazẹ kevbe avbe ẹbọ ohoghe ni rre Mẹmfis. A i ghi ra miẹn ọmwa ne ọ gha khaemwisẹ yan Igipt, I gha vbe runran avbe emwa nii hia.

Hozia 9:6

Ọkhọ gha ghi rruan iran nẹ, ighe avbe emwa ni hia vbe zagha kua, ivbi Igipt gha si iran koko iran ghi si iran koko ne iran ya re iran vbe Mẹmfis! Emwi ẹfe esiliva ne iran mwẹ, kevbe ehe ne owa te gha ye vbe ẹghẹ ọkpa, irunmwu kevbe igban, ọ re ọ gha zọọ gue ehia.

Nahum 2:13

Nọyaẹnmwa ne Oghodua khare wẹẹ, “Oghian uwa ọ re I khin. I gha giẹn avbe ikẹkẹ okuo uwa a. A gha gbele avbe ivbiyokuo uwa vbe okuo. I gha vbe viọ emwi hia ne uwa miẹn emwa ọvbehe re gha rrie. A i ghi dọlegbe họn ẹmwẹ ukọ ruẹ ọvbehe.”

Diuteronomi 32:42

Esagiẹn iran gha ke ifẹnmwẹ mwẹ lẹ ye otọ, umozo mwẹ gha gbele iran hia ighẹ iran ni gbe odan ghe mwẹ, mẹ i ra fan emwa ni gun mwẹ gbinna fua. Uhin ighẹ iran ni miẹn ikuanegbe kevbe eseghan gha wulo.’