Jerimaia 46:11 - Edo Bible (E Baibol Ẹdo) Version 1996

¹¹ Ivbi Igipt, wa gha rrie Giliad ne uwa ya gualọ ukhunmwu, ukhunmwu uwa rhọkpa i ghi sẹ, emwi ne ọ gha sẹtin sinmwi uwa i ghi rrọọ.

Jerimaia 46:11 ပူးပေါင်းရင်းမြစ်များ

Gẹnẹsis 37:25

Ugbẹn vbe iran ghi rri evbare, iran keghi miẹn vbe ọwarọkpa emwa Ismẹl ni ke Giliad dee, iran rrie Igipt. Iran ye ekẹtẹkẹtẹ kun avbe ọmọ erhan ne a re eso kevbe ne ọ winhin, iran viọ rrie Igipt.

Gẹnẹsis 43:11

Erha iran keghi tama iran wẹẹ, “A deghẹ a i miẹn odẹ ọvbehe la vbọ, wa viọ emwi ni maa sẹẹ ne a miẹn vbe otọ na ye ẹkpo zẹ vbe emwi ihaoko gie okpia nii. Ọmọ erhan rezin, owọn kherhe, oziza, ivin urua kevbe almọnd.

Aizaia 47:1

E Nọyaẹnmwa khare wẹẹ, “E Babilọn, tuorre vbe ẹkete ruẹ ne u do tota ye ebubẹ vbe otọ. Vbe ẹghẹ ọkpa, te u te yevbe ovbialeke, ẹvbo ne a ma khọn miẹn ẹre otọ sokpan, u i ghi re ne vbukhẹ kevbe ne sọguọsọguọ ọvbehe, ọviẹn ọ re u ghi khin na.

Jerimaia 14:17

E Nọyaẹnmwa keghi yan tama mwẹ wẹ ne I ta ẹmwẹ akhiẹ mwẹ ma emwa nii, ne I tama iran wẹẹ: “Te ameve gha lẹ vbe aro mwẹ ke avan kevbe asọn I i gha dobọ eve ne I viẹ iran re yi rhunmwuda ẹwẹn ne ọ da ọ re a fian avbe emwa mwẹ re, obọ wa vbe daa iran.

Jerimaia 31:21

Viọ ama lelẹe ne u vinnọ uviẹn lele odẹ, dọlegbe gualọ odẹ ne u la kpao. Ivbi Izrẹl wa werriegbe rre, wa dọlegbe gha die ẹvbo ne uwa na kpao.

Jerimaia 31:4

I gha ye dọlegbe mu uwa agbọn mudia uhukpa, wa gha ye viọ emwi iku uwa uhukpa, wa ghi vbe gha ku vbe oghọghọ.

Jerimaia 51:8

E Babilọn de udemwẹ udomwurri, ọ keghi rẹnkhẹn uan. Wa khiẹ ọre! Wa gualọ ukhunmwu rhie ye ọre ẹwẹn, u gha ghe, ọ gha rrie.

Jerimaia 8:22

Ukhunmwu ighi rre Giliad ra? Avbe ọbo i ghi rre evba ra? Vbọ ghi zẹ ne a ma na ye mu avbe emwa mwẹ egbe rran khekherriọ?

Ezikiẹl 27:17

E Juda kevbe Izrẹl ya ọka, owọn, ofigbọn oliv kevbe oziza ha osa ye emwi ne iran gu uẹ dẹlẹ.

Maika 1:9

A i sẹtin kpe ẹwẹn e Sameria rrie, emwi vberriọ gha mian e Juda ban, ọfuan sẹ onurho e Jerusalẹm tobọ ẹre nẹ, ehe ne emwa mwẹ ye.”

Nahum 3:19

Ẹwẹn ruẹn i mwẹ ukhunmwu, a i vbe sẹtin kpe ẹwẹn ruẹn ne ọ rrie. Emwa hia ni họẹn ighe a fuẹn ruẹn uan, gha kpe obọ ne oghọghọ, ọmwa ne uyinmwẹ ekhọe dan ruẹn ne ẹ i fo la ban rrọ ra?

Matiu 5:26

Ne I tama ruẹn, u ma ha ukpogho nọdekẹe vbe igho ne a fian ruẹn re nẹ, u i ke evba ladian.