Jerimaia 46:1 - Edo Bible (E Baibol Ẹdo) Version 1996

¹ E Nọyaẹnmwa keghi gunmwẹ guaan vbekpa avbe uhunmwu ẹvbo.

Jerimaia 46:1 ပူးပေါင်းရင်းမြစ်များ

Gẹnẹsis 10:5

Iran ọre erha odede ọghe iran ni yin eghute kevbe otọ ne amẹ lẹga vbe okun. Iran na ọrọre uniẹn Jafẹt ni vbe rre dọmwadẹ ogbẹ iran kevbe ẹvbo iran, ne dọmwadẹ ọghọe na vbe zẹ ẹvbo iran.

Jerimaia 1:10

Vbe ẹdẹnẹrẹ na, I rhie asẹ ne uẹn yan uhunmwu avbe uhunmwu ẹvbo kevbe avbe otọe arriọba, ne u ya gha silo emwi vbọ kevbe ne u ya gha siẹn emwi sotọ, ne u ya gha rẹnkhẹn emwi uan kevbe ne u ya gha dunmwu emwi uan, ne u ya gha bọ kevbe ne u ya gha kọ.”

Jerimaia 4:7

Zẹvbe oduma ne ọ ke ehe ne ọ lẹre yi dee. Onii ne ọ rẹnkhẹn ẹvbo ua la odẹ nẹ. Ọ dee do rẹnkhẹn e Juda. Te a ra ye avbe ẹvbo ni rre Juda khian itowa ọmwa ne ọ gha yin ẹnrẹn i ghi rrọọ.

Jerimaia 43:11

E Nebukiadneza gha rre do khọn Igipt. Iran ne a kha re ighe emianmwẹ ọ ra gbele iran, emianmwẹ gha gbele iran, iran ne a wẹ te a ra munọ iran oghunmwu gha rrie, a gha munọ iran oghunmwu gha rrie, iran ne a khare ighe te a ra gbele iran vbe okuo, a gha gbele iran vbe okuo.

Ezikiẹl 29:1

Vbe ikpẹdẹ ne ogiweva ọghe uki ne ogigbe vbe ọ rre ukpo igbe ne ima ke gha rre iwe, e Nọyaẹnmwa keghi gunmwẹ guan wẹẹ:

Ezikiẹl 30:1

E Nọyaẹnmwa keghi vbe dọlegbe gu mwẹ guan wẹẹ,

Ezikiẹl 31:1

Vbe ikpẹdẹ n okaro ọghe uki nogieha ukpo ne ogiowọrọ ne ima kegha rre iwe, e Nọyaẹnmwa keghi gunmwẹ guan wẹẹ,

Ezikiẹl 32:1

Vbe ikpẹdẹ n okaro ọghe uki ne ogiweva vbe ukpo ne ogiweva ne ima kegha rre iwe, e Nọyaẹnmwa keghi gunmwẹ guan wẹẹ,

Habakọk 1:17

Te iran ra wa gha fi umozo iran rhinrin ẹdẹ ra, ne iran vbe dunmwu agbọn ẹvbo rua vbe ne a i na mwẹ itohan?

Zẹkaraia 2:8

Ọmwaikọmwa ne ọ fi uwa emwi, emwi ne ọre eghẹnghẹn mẹ, ọre ọ fi ẹre emwi.” Rhunmwuda ọnii, e Nọyaẹnmwa ne Oghodua keghi gie mwẹ uhunmwu na bu avbe uhunmwu ẹvbo ni fu emwa rẹn emwi viọ gha rrie wẹẹ,

Nọmbas 23:9

I gha ke uhunmwu oke ni yo bẹghe iran. I gha sẹtin ke uhunmwu oke ne giẹre rhie aro lele iran. Ẹvbo ne irẹn ọkpa vbe ẹhi ẹre rrọ iran khin. Irẹnrẹn i ghẹ afiangbe iran sẹ avbe ẹvbo ọvbehe.

Ebe ne Pọl gbẹẹn gie emwa Rom 3:29

Ra ne ne Osanobua, Osanobua ọ ghe avbe Ju ọkpa nọ ra? Ẹ i re rẹn ọre ọ vbe re Osanobua avbe iran ne ẹ i re Ju ra? Ẹsẹse, rẹn vbe nọ.