Jerimaia 45:5 - Edo Bible (E Baibol Ẹdo) Version 1996

⁵ Te uwẹ ghi ho ne a ya obọ ughaẹn kpataki mu mwẹ ra? Ghẹ danmwẹ ọẹn ghe, te I ra gie ọkhọ rruan emwa nagbọn hia, sokpan, vbene ọ rhirhi a gha ye hẹ, wẹ gha miẹn uhunmwu wẹ kevbe ikpakpa uhunmwu ruẹn okpa vbe ehe ne u rrie, Mẹ ne Nọyaẹnmwa ọre ọ taa ẹe.”

Jerimaia 45:5 ပူးပေါင်းရင်းမြစ်များ

Gẹnẹsis 6:12

Osanobua ghi tọn aro mu ghe agbọn, ọ keghi miẹn wẹ ọ ghe ọkhọ nọ, rhunmwuda emwa ke wa gha re emwa dan fẹfẹẹfẹ.

I Ọba 3:11

Ọ keghi tama rẹn wẹẹ, “Vbe ne a na miẹn wẹ ẹwaẹn ne u gha ya gha gbearoghe emwa ẹse ọ re u nọ rẹn, u ma nọ wẹ ne a guẹ tọ ra ne u fe ra ne eghian ruẹn wulo,

I Ọba 3:9

Rhunmwuda ọnii, rhie ẹwaẹn mẹ ne I ya gha gbearoghe emwa na vbe ne a na ta ẹmwata kevbe ne a na rẹn emwi ne ọ maa hin ne ẹ i maa rre. A deghẹ ẹ i re erriọ, vbe I a gha ya gbearoghe okpe emwa ruẹn na hẹ?”

II Ọba 5:26

Sokpan Elaisia tama rẹn wẹẹ, “Orhiọn mwẹ ma gu uwẹ mudia vbe evba ra vbe ẹghẹ ne okpia nii na tuorre vbe ikẹkẹ okuo ẹre ne ọ do khian vba ruẹ? Ọ na i re ẹghẹ ne a ya miẹn emwa igho, ukpọn ofigbọn oliv kevbe ebe ẹre, ogba azara, ohuan kevbe ẹmila kevbe eguọmwadia.

Psalm 131:1

E Nọyaẹnmwa, mẹ mu itengbemu mwẹ fua nẹ, I i ghi mwẹ obọ vbe avbe ẹmwẹ ni kọnkọn ra avbe irẹnmwi ni wegbe sẹ mwẹ.

Aizaia 66:16

Erhẹn kevbe umozo ẹre ọ ra ya rri avbe emwa nagbọn hia ne ọ miẹn abe vbe obọ ẹre oya, a gha gbele nibun uan.

Jerimaia 21:9

Ọmwa ikọmwa ne ọ rre ore ẹvbo, okuo gha gbe ẹe ra ohanmwẹ ra emianmwẹ. Sokpan, ọmwa ikọmwa ne ọ ladian, ọ na wa tobọ ẹre bu ivbi e Babilọn gha khian, iran ni wa khọn ẹvbo na khian na, a i ra gbe ẹe rua, ọ gha miẹn ikpakpuhunmu ẹnrẹn rhie ladian, ọ ghi baa, ọ ghi khọ.

Jerimaia 25:15

E Nọyaẹnmwa ne Osanobua Izrẹl keghi tama mwẹ wẹẹ, “Ghe ukpu ayọn ne ọ vuọn ne ohu mwẹ vbe emwa na, mu ẹẹn bu avbe uhunmwu ẹvbo ne I giọ bu hia gha khian, ne u ya ne iran da vbọ.

Jerimaia 25:16

Iran gha da vbọ, iran ghi gha dobidokpannọ khian, iran ghi vbe kiza rhunmwuda okuo ne I ra gie bu iran gha dee.”

Jerimaia 25:31

Ulamwẹ ọnrẹn ghi mi igboo ya sẹ ehe ne agbọn sẹe. E Nọyaẹnmwa mwẹ ẹzọ ne ọ gu avbe uhunmwu ẹvbo gui ọ gha viọ emwa hia la erhan ẹzọ, ọ ghi gbele avbe emwa dan an. E Nọyaẹnmwa tae nẹ.’ ”

Jerimaia 38:2

e Nọyaẹnmwa khare wẹẹ, “Ọmwaikọmwa ne ọ tota ye ẹvbo na, okuo, ra ohanmwẹ ra emianmwẹ gha gbe ẹe sokpan, ọmwaikọmwa ne ọ ladian, ọ na ya rhie egbe ẹre ye ivbi e Babilọn obọ, a i ra gbe ẹe rua, ọ gha ghi ba gbe, ọ gha miẹn uhunmwu, rẹn vbe ikpakpauhunmwu ẹnrẹn okpa kẹkan.”

Jerimaia 39:18

I gha degue ruẹ, ai ra gbe uẹ ua. U gha miẹn uhunmwu rhunmwuda u mu ẹtin ruẹn yan mwẹ. Mẹ ne Nọyaẹnmwa ọ re ọ taa ẹe.”

Zẹfanaia 3:8

E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.

Ebe ne Pọl gbẹẹn gie emwa Rom 12:16

Gha ya obọ ọkpa mu emwa hia, ghẹ gha tọn egbe mu, gha rhan obọ miẹn iwinna ne ọ ma te khẹke ukpo ne u ye. Wa ghẹ gha ka egbe uwa ye umẹwaẹn.

Hibru 13:5

Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”