Jerimaia 44:7 - Edo Bible (E Baibol Ẹdo) Version 1996

⁷ Rhunmwuda ọnii nian, te imẹ ne Nọyaẹnmwa ne Oghodua ne Osanobua Izrẹl ghi nọ nian wẹ, vbọzẹ ne uwa na ru egbe uwa emwi oya vbenian yi. Te uwa ho ne ọkhọ rruan ikpia kevbe ikhuo emọ obọ kevbe emọ owẹ, vbene a gha na miẹn wẹ, ẹ i ghi zẹdẹ kẹe vbe emwa uwa?

Jerimaia 44:7 ပူးပေါင်းရင်းမြစ်များ

Itan 1:18

Sokpan, emwa vberriọ egbe iran ọ re iran rhuẹ ifi khẹ, ifi ne iran ra wulo yi.

Itan 15:32

U gha he iruẹmwi, egbe ruẹ ọ re u ru khọ. U gha rhan obọ miẹn aguọmwagui, u ghi do gha wan sayọ.

Itan 5:22

Orukhọ ne ọmwa dan ru ifi ọ re nọ. Ọgua ọghe orukhọ ẹre ghi vbe muẹn.

Itan 8:36

Ọmwa ne ọ ma gualọ mwẹ miẹn te ọ kuan egbe ẹre ọmwa ne ẹmwẹ mwẹ sọnnọ, ẹmwẹ uwu ọ re ọ yẹ ọre.”

Jerimaia 25:6

Iran tama uwa ne uwa ghẹ gho ra ne uwa ga avbe ẹbọ ọvbehe, kevbe ne uwa ghẹ ye ohu mu e Nọyaẹnmwa vbekpa ne uwa gha na gha gho avbe amazẹ ne uwa maẹn. Akpawẹ te uwa họn ẹmwẹ ne Nọyaẹnmwa, ẹ i ghẹ rri uwa oya.

Jerimaia 25:7

Sokpan, e Nọyaẹnmwa tobọ ẹre khare wẹ wa he ne uwa danmwehọ irẹn, wa keghi ya ẹmwẹ amazẹ uwa ya ẹe mu ohu, wa keghi ya obọ uwa sii ẹe rrie egbe ighẹ oya ne ọ rrii uwa ẹre.

Jerimaia 26:19

E Hẹzekaia kevbe ivbi e Juda ma gbe Maika ua sokpan, e Hẹzekaia keghi gha mwẹ e Nọyaẹnmwa ọghọ, ọ na gha ho ne ọ miẹn aro nọ maa vbe obọ ẹre. E Nọyaẹnmwa keghi fi ekhọe werriẹ vbekpa ọkhọ ne ọ te wẹ ne ọ rruan iran. Ghe nian, ma ra ye obọ ima si ọkhọ rri egbe ima uhunmwu.”

Jerimaia 3:24

Sokpan, e Baal ne ẹbọ emwiekhue ne ima gha gho, wa miẹn ima emwi hin obọ rre, avbe oghẹn ohuan, ẹmila emọ ikpia, emọ ikhuo, avbe emwi hia ne avbe erha ima odede wa miẹn ẹsọn yi ke ẹkpo nẹdẹ gha dee.

Jerimaia 38:17

Ẹre I na tama e Zedekaia wẹ e Nọyaẹnmwa ne Oghodua, ne Osanobua Izrẹl khare wẹẹ, “U gha tobọ rhie egbe ruẹ ne avbe ekhaẹmwẹ e Babilọn, ai ra gbe uẹ ua, ai ra vbe giẹn ẹvbo na sotọ. Ke uwa kevbe ẹgbẹe ruẹ, a i ra gbele uwa a.

Jerimaia 42:20

Ighẹ uwu abakuru nọkhua ọ re uwa wa ye na. Wa ọ re ọ tama mwẹ ne I na erhunmwu ghe e Nọyaẹnmwa ne Osanobua ima ne uwa, wa na vbe yan wẹ, emwi ne ọ rhirhi a khama uwa ne uwa ru, wa gha ru ẹe.

Jerimaia 44:14

Avbe ivbi e Juda ne a sẹrae, ni vbe dọlegbe gha die Igipt, okpa ne ọ ra miẹn uhunmwu i rrọọ. Ọkpa ne ọ gha werriegbe rrie Juda i rrọọ, ehe ne ọ te khọn iran ne iran dọlegbe ya yin nii. Ọmwa okpa ne ọ gha dọlegbe rre i rrọọ gberra omwa ibọzẹghẹ ni lẹ hin owa rre do lẹre vbe evba.”

Jerimaia 44:8

“Vbọzẹ ne uwa na ya ẹmwẹ ẹbọ ne uwa gho ya ohu mu mwẹ yi, kevbe ne uwa na zọ ese ghe avbe ẹbọ ọvbehe vbe Igipt vbe emwa na, ehe ne uwa do yin? Te uwa ru ọna ra ne uwa wa ya fuẹn egbe uwa a, ne avbe uhunmwu ẹvbo ni rre otọ agbọn gha ya uwa gbe ogie ne a vbe gha ya uwa tie ihẹn?

Jerimaia 51:22

ne I ya gbele ikpia kevbe ikhuo, ne I gbele eniwanrẹn kevbe ibiẹka, ne I gbele ibiẹka ikpia kevbe ibiẹka ikhuo,

Jerimaia 7:19

Sokpan mẹ ọ re iran gele ye ohu mu ra. Ẹn o, egbe iran ọ re iran ru khọ, iran na vbe gha fa egbe iran an.

Jerimaia 9:21

Uwu la ewindo ima la owa nẹ, ọ keghi la avbe ẹguae ima ọ gbele emọ negiẹrẹ vbe orere mwa kevbe avbe igbama vbe ẹki.

Eve Orriara 2:11

Aro mwẹ so oze ba ẹmwẹ eve, orhiọn mwẹ vbe rre uwu obalọ nọkhua. Akhiẹ ugbelemwẹ emwa mwẹ gbe mwẹ fi otọ. Ke emọ obọ kevbe emọ owẹ ehia gha sahẹ vbe adesẹ ore ẹvbo.

Eve Orriara 2:22

Wẹ ọ re ọ gie ne a tie avbe eghian mwa ne iran do do ugie iba ne ọ mu ohan, lẹga mwẹ orhiọnkpa i rrọ ne ọ miẹn uhunmwu vbe ẹdẹ ne ohu mu uwẹ. Iran gbele mwẹ emọ ne I ho ẹmwẹ ọnrẹn ne imẹ koko wan nẹ.

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Ezikiẹl 9:6

Wa gbele avbe ediọnmwa, kevbe avbe edede, igbama kevbe ivbialeke, iye emọ kevbe emọ. Sokpan, wa ghẹ ya obọ kan emwa ne ama rre ọre uharo. Wa wa suẹn vbe Ọgua Osa mwẹ vbe emwa na.” Rhunmwuda ọnii, iran keghi wa ye avbe ọkaolotu ni mudia vbe Ọgua Osa vba suẹn.

Habakọk 2:10

Sokpan, uma ne uwa si si efa ye ẹgbẹe uwa egbe nẹ. Rhunmwuda, ne uwa na dunmwu uhunmwu ẹvbo ni bun uan, te uwa si ọfuan ye egbe uwa egbe.

Nọmbas 16:38

Iran khian emwi iruemwi vbe a viọ iran gha die aka e Nọyaẹnmwa. Rhunmwuda onii viọ ọkpan ọghe avbe emwa na ne a gbele ye ẹmwẹ orukhọ iran, dunmwu ẹn ya khian avbe ọkpan fẹrhẹfẹrhẹ ne u yae gha gue aka. Ọ na ghi gha re ne a miẹn wan ne ivbi Izrẹl.”

Diuteronomi 32:25

Okuo gha gbele emwa ye ughe, ugborrirri ghi gbele emwa ye uwowa avbe igbama kevbe ivbialeke gha wulo, kevbe emọ obọ kevbe avbe ọmaẹn, ne a ra sẹrae i rrọọ.

Jọsua 6:21

Iran keghi ya umozo iran gbele emwa hia ni rre ẹvbo nii uan ikpia kevbe ikhuo, ọmaẹn kevbe ẹghele. Iran keghi vbe gbele avbe ẹmila, avbe ohuan kevbe avbe ekẹtẹkẹtẹ.

Giọgis 21:11

Wa ghi ru ọna: Wa gbele ikpia kevbe ikhuo ni rẹn okpia nẹ.”

I Samuẹl 15:3

Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”

I Samuẹl 22:19

E Sọl kevbe gie ne a gbele emwa ọvbehe ni rre Nob ne ẹvbo avbe ohẹn ikpia kevbe ikhuo, emobọ kevbe emowẹ, ẹmila, ẹsin kevbe ohuan, a keghi wa gbele ehia a.