Jerimaia 44:26 - Edo Bible (E Baibol Ẹdo) Version 1996

²⁶ Sokpan, wa danmwehọ nian, eyan ne imẹ ne Nọyaẹnmwa, ya eni mwẹ nọkhua yan ma uwa ne ivbi Izrẹl ni rre Igipt wẹẹ, ‘Mẹ i ghi ra dọlegbe gie ọmwaikọmwa vbe uwu uwa ya eni mwẹ yan emwi wẹ I ya eni e Nọyaẹnmwa ne Udazi ne ọ rrọọ vinhẹn.’

Jerimaia 44:26 ပူးပေါင်းရင်းမြစ်များ

Gẹnẹsis 22:16

“I ye eni mwẹ yan, Nọyaẹnmwa ọre ọ guan na, wẹẹ I gha fiangbuẹ ẹsẹse rhunmwuda emwi ne u ru na ne u ma na gun mwẹ sinmwi ovbuẹ,

Psalm 50:16

Sokpan, Osanobua tama emwa dan wẹẹ, “Vbọzẹ ne u wa na guan kan ile mwẹ?

Psalm 89:34

Mẹ i ra so ile ne I guẹe ta gọ, ra ne I kie werriegbe vbe emwi ne I ve ẹre re.

Aizaia 62:8

E Nọyaẹnmwa yan eyan akekhọerre nẹ ọ gha ya ẹtin irọẹn mu ẹẹn sẹ, “Ọka ruẹ i ghi re ne avbe eghian ruẹn gha ya gha koko egbe iran. Avbe ọrriọvbe i ghi ra dọlegbe gha rhie ayọn ruẹn da.

Jerimaia 22:5

“Sokpan, a deghẹ wa ma ghi rhie ẹmwẹ ne I tae, I wa vẹn ihẹn ya tae ma uwa wẹ, ẹguae na gha khian itowa. Mẹ ne Nọyaẹnmwa ọ re ọ taa ẹe.

Jerimaia 24:8

“Zẹ vbe ọghe Zedekaia ọghe Juda, iran ni gbinna igbinna ẹvbo ni lẹga ẹre, kevbe emwa nekpa ni rre Jerusalẹm, ni rre otọe na ra ni kpao gha rrie Igipt, Mẹ ne Nọyaẹnmwa gha ru iran zẹ vbe avbe ohọ nii ni i maa, ne ẹ i gia re.

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Jerimaia 44:11

“Rhunmwuda ọnii nian, mẹ ne Nọyaẹnmwa ne Oghodua, ne Osanobua Izrẹl gha mu aro aa uwa, I ghi fuẹn e Juda hia a.

Jerimaia 44:14

Avbe ivbi e Juda ne a sẹrae, ni vbe dọlegbe gha die Igipt, okpa ne ọ ra miẹn uhunmwu i rrọọ. Ọkpa ne ọ gha werriegbe rrie Juda i rrọọ, ehe ne ọ te khọn iran ne iran dọlegbe ya yin nii. Ọmwa okpa ne ọ gha dọlegbe rre i rrọọ gberra omwa ibọzẹghẹ ni lẹ hin owa rre do lẹre vbe evba.”

Jerimaia 44:24

I keghi tama avbe emwa nii hia, kpataki, avbe ikhuo ni rrọọ, vbene e Nọyaẹnmwa ne Oghodua ne Osanobua Izrẹl tama ivbi e Juda ni rre Igipt hẹ wẹẹ, “Ke uwa kevbe avbe amwẹ uwa gba gu Ọba okhuo ne Ẹrinmwi kee ọta nẹ. Wa yan rẹn ighẹ wa gha zọ ese ghe ẹre, wa gha vbe sa ayọn imuohan yotọ ne ẹẹn, wa keghi gele mu ẹẹn sẹ zẹ vbene uwa yan rẹn. Ọ wa ma ẹsẹse khekherriọ! Wa gha mu eyan uwa sẹ! Wa gha ha emwi ne uwa ve!

Jerimaia 46:18

Mẹ ne Nọyaẹnmwa ne Oghodua ọrọre ọba. Mẹ ọrọre Osanobua ne ọ rrọọ, zẹ vbene oke Tabọ ghe avbe oke hia ginna otọ, vbene Oke Kamẹl yo gberra uhunmwu okun, erriọ ọ re ẹtin ẹnrẹn khian gha ye ighe ọmwa ne ọ do gu uwa gbinna.

Jerimaia 49:13

“Mẹ tobọmwẹ vẹn ihẹn ne wẹ e Bozra gha khian ne ọ mianmwẹ ughe, ọ ghi vbe khian ato, emwa gha yae gha gbogiẹ, a ghi ya ẹe gha tie ihẹn. Avbe igue ni lẹga ẹre hia gha khian itowa ẹdẹdẹmwẹdẹ. Mẹ ne Nọyaẹnmwa ọ re ọ taa ẹe.”

Jerimaia 5:2

A gha rhe miẹn wẹ wa kha wẹ wa ga e Nọyaẹnmwa, ọdẹn ọ re uwa ya ẹe gbe kẹkan.

Jerimaia 51:14

Nọyaẹnmwa ne Oghodua ọ re ọ tobọ ẹre ya arrọọ irẹn tobọ ẹre vẹn ihẹn wẹ, rẹn gha viọ emwa nibun rre ne iran do gu e Babilọn gbinna zẹ vbe irhiso, iran gha vbe we uwemwẹ akhọnmiotọ.

Jerimaia 7:9

Wa rha, wa do izigha, wa ghẹ, wa vẹn ihẹn re, wa zọ ese ghe Baal, wa keghi vbe gho ẹbọ ne uwa ma ka rẹn de yi.

Ezikiẹl 20:39

E Nọyaẹnmwa ne Udazi khare wẹẹ, “Banbanna nian, wa ne ivbi Izrẹl, wa gie ẹe gua uwa egbe ro! Wa gha khian ne uwa ya ga ẹbọ uwa. Sokpan, I tama uwa yotọ nian wẹ vbe iyeke ọnọna, te uwa gha họn ẹmwẹ mẹ, wa ghi dobọ eni mwẹ nọhuanrẹn ne uwa yagha yi, ne uwa na ya gha ye imuohan gie avbe ẹbọ.

Hozia 4:15

“A gha rhe miẹn wẹ wa ne ivbi Izrẹl ma guobọ mwẹ, a i gha miẹn egbọre vbe obọ e Juda. Wa ghẹ ghi ga vbe Bẹtẹl ra Gilgal ra ne uwa ye gha ya eni e Nọyaẹnmwa ne ọ rrọ yan eyan vbe evba.

Emọs 6:10

Ọtẹn ọmwa ne ọ wu, ne ọ vbe yan irorinmwi, ọ re ọ ra dada ikun orinmwi ni hin uwowa rre. Ọtiọnrẹn ni ghi vbe nọ ọmwa ne ọ rhirhi ghi kẹe vbe owa ni wẹẹ, “Wẹ vbe ọmwarhọkpa gba rre evba ra?” Ọmwa ni ghi wanniẹn wẹẹ, “Ẹn o!” Ọtiọnrẹn ni ghi kha wẹẹ, “Gia họn ẹmwẹ! Te ima gha mwẹ ẹwaẹn ne a ghẹ vbe ya gbe unu ye eni e Nọyaẹnmwa.”

Emọs 6:8

Udazi ne Nọyaẹnmwa ne Oghodua ọ re ọ tua unu mu ẹmwẹ na taa ẹe wẹẹ, “Uhiomwẹ ne ivbi Izrẹl hio wa sọnnọ mwẹ, ẹko i rhiẹnrhiẹn mwẹ ye owa nekhua ọghe ọkpọkua ne iran bọlọe. I gha mu igiogbẹ ẹvbo iran, kevbe emwi ni rre uwu ẹre hia ne avbe eghian.”

Emọs 8:7

E Nọyaẹnmwa ne Osanobua Izrẹl vẹn ihen nẹ wẹẹ, “Mẹ i ra mianmian emwi dan ne iran ru.

Nọmbas 14:28

Banbanna nian, rhie ewanniẹn na ne iran. ‘Ugbẹn vbe a miẹn wẹ mẹ rrọọ, te I wa vẹn ihẹn wẹ vbene uwa nọ rẹn ọre I ra ru uwa hẹ. Mẹ ne Nọyaẹnmwa tae nẹ.

Hibru 3:18

Ẹghẹ ne Osanobua na yan wẹ, “Iran i ra la owa do gun mwẹ kẹtin,” de emwa ne ọ kha yi? Iran ni sọtẹ ọre ọ kha.

Hibru 6:13

Ẹghẹ ne Osanobua na ve Ebraham emwi ọ keghi yan wẹ, rẹn gha ru vbene irẹn ve. Ugbẹn vbe a miẹn wẹ, ọmwa ne ọ kpọlọ sẹ irẹn i ghi rrọọ, ọ keghi ye eni egbe ẹre yan nene eyan.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.