Jerimaia 44:22 - Edo Bible (E Baibol Ẹdo) Version 1996

²² Vbe ẹdẹnẹrẹ na nian, ẹvbo uwa khian itowa, ọmwarhọkpa i ghi vbe rrọọ. Ọ khian emwi ne ọ mianmwẹ ughe, te emwa ghi vbe ye eni ẹnrẹn tie ihẹn, rhunmwuda, e Nọyaẹnmwa ma ghi sẹtin fi aro ua ye uyinmwẹ dan, kevbe emwi dan hia ne uwa ru.

Jerimaia 44:22 ပူးပေါင်းရင်းမြစ်များ

Gẹnẹsis 19:13

Rhunmwuda ma ra fuẹn emwa na an. E Nọyaẹnmwa họn iyẹn dan ne a na vbekpa iran na, ọ keghi gie ima ne a do fuẹn Sọdom ruan.”

Gẹnẹsis 6:3

Ẹre Nọyaẹnmwa na kha wẹẹ, “I i ghi kue ne emwa wa gha rre agbọn ẹdẹdẹmwẹdẹ rhunmwuda emwi ne ọ sẹtin wu ọre iran khin. Ke eban kpao iran i ghi ra gha ya gberra ukpo iyehan (120) vbe agbọn.”

II Ọba 17:15

Iran na vbe yangbe obọ ne ọ ya sẹ ekhae, iran na ya gha gho ẹbọ ni kẹkẹ ua, iran tobọ iran kevbe khian emwa ni kẹkẹ ua, iran keghi ru emwi uyinmwẹ ọmotọ ọghe ẹvbo ni lẹga iran, vbene iran ma na zẹ ye ẹmwẹ ne Nọyaẹnmwa khare wẹ ne iran ghẹ ye egbe ta iran.

Aizaia 1:24

Rhunmwuda ọnii nian, danmwehọ vbene ọ kha hẹ ighe e Nọyaẹnmwa ne Oghodua, Osanobua ne ọ mwẹ ẹtin ọghe Izrẹl: “I gha rria uwa ikhi, wa ne eghian mwẹ, wa i ghi ra gha kpokpo mwẹ ọvbehe.

Aizaia 43:24

Wa ma dẹ eturari mẹ, a ma ghi wẹ wa gha ya ẹvbi aranmwẹ vuọn mwẹ ẹko, sokpan, wa keghi ya ẹmwẹ orukhọ uwa mu ihẹ mẹ. Wa ya ẹmwẹ abakuru uwa wọọ mwẹ egbe. Wa keghi ya ẹmwẹ orukhọ ne uwa ru wiẹn mwẹ uan.

Aizaia 7:13

Ẹre Aizaia ghi na wanniẹn wẹẹ, “Banbanna nian, danmwehọ, wa ne ivbi uniẹn e Devid. Emwi dan wa nọ ne uwa gha ya emwi wọ emwa nagbọn egbe, te uwa ghi ra vbe yae wọ Osanobua egbe ra?

Jerimaia 15:6

Wa he mwẹ nẹ, wa keghi vbe fi iyeke gbe mwẹ, rhunmwuda ọnii, ọ re I na niẹn obọ ya rẹnkhẹn uwa a. Rhunmwuda, I ma ghi sẹtin ziengbe ohu ne ọ mu mwẹ.

Jerimaia 18:16

Iran ye otọe nii khian ọghe ohan ne a ra gha zan ẹdẹdẹmwẹdẹ emwa ni lae gberra hia gha miẹn emwi ne ọ gha ye izegbe zẹ iran vbọ ọ gha yan iran unu uan, iran ghi gha fieghe uhunmwu.

Jerimaia 23:2

Vbenian, ọ re Nọyaẹnmwa ne Osanobua Izrẹl khare vbekpa ọkaolotu ne ọ te kei ne ọ gha gbearoghe emwa rẹn: “Wa ma gbearoghe emwa mwẹ, wa zagha iran an, wa keghi khulo iran kua. Banbanna nian, I ra do rri uwa oya ye emwi dan ne uwa ru.

Jerimaia 24:9

I gha gie ẹe sẹ vberriọ wẹ ẹvbo uhunmwu otọ agbọn hia gha runran. Emwa gha ya iran gbogiẹ, ya iran gbe ọdẹn a ghi vbe gha ya eni iran tie ihẹn vbe eheikehe ne I zagha iran gha rrie.

Jerimaia 25:11

A gha ya otọe na hia khian itowa, ọ ghi vbe gha re ughe ne ọ ye egbe ku ọmwa ohiọnhiọn, avbe uhunmwu ẹvbo ni diake ẹe, gha ya ga ọba e Babilọn la ukpo ekigbe siyenẹ.

Jerimaia 25:18

E Jerusalẹm kevbe avbe okpẹvbo e Juda hia, deba avbe ọba kevbe ọkaolotu iran, a ke ghi ya ne iran da vbọ, ne iran hia miẹn ehe na khian ato, ughe dan ne ọ ye egbe ku ọmwa ohiọnhiọn, ne eni iran khian na a ya tie ihẹn ne ọmwa zẹ vbene ọ ye ye do sẹ ẹdẹnẹrẹ na.

Jerimaia 25:38

E Nọyaẹnmwa hee emwa rẹn yotọ nẹ zẹ vbe oduma ne ọ kpao vbe uvun okuta ẹre rre. Orrirri okuo kevbe ohu ọbanabe ọghe Nọyaẹnmwa ya ẹvbo nii, khian ato.”

Jerimaia 26:6

Wa gha wa yin ehọ khian vberriọ, vbene I ru e Siailo ọ re I ra vbe ru Ọgua Osa na avbe uhunmwu ẹvbo ni rre otọe agbọn na hia ghi gha ya eni ẹvbo na tie ihẹn.”

Jerimaia 29:18

I gha ya okuo ohanmwẹ kevbe emianmwẹ khulo iran, agbọn ẹvbo ni rre agbọn gha runran ye emwi ne iran miẹn. Ehe hia ne I zagha iran gha rrie, emwi ne ọ sunu vbe egbe iran na gha yan emwa hia ni rhirhi miẹn iran unu an. Emwa gha ya iran gha gbogiẹ, a ghi vbe gha ya eni iran tie ihen.

Jerimaia 29:19

Ena gha sunu vbe egbe iran rhunmwuda, iran ma ya ẹmwẹ iran ru emwi ighe avbe eguọmwadia mwẹ ne akhasẹ ne I wa gha gie gie iran. Iran keghi wa he ne iran danmwehọ.

Jerimaia 30:14

Avbe enida uwa hia he uwa yotọ, iran i ghi zẹdẹ zẹ ye uwa ẹre. Mẹ gu uwa gbinna zẹ vbe eghian mwẹ oya ne ọ wegbe ọ re a rrii uwa re rhunmwuda orukhọ uwa bun, uyinmwẹ dan uwa vbe kpọlọ.

Jerimaia 34:22

I gha tae, iran ghi werriegbe gha di ẹvbo na. Iran ghi dekun ẹnrẹn, iran ghi khọn mu ẹẹn, iran ghi giẹn ọnrẹn sotọ. I gha ye avbe ore nọkhua ni rre Juda khian emwi ne ọ ye vbe ato, ehe ne ọmwarhọkpa i ye. Mẹ ne Nọyaẹnmwa taa ẹe nẹ.”

Jerimaia 4:4

Wa ya ile ne uwa gu imẹ ne Nọyaẹnmwa uwa ta gha ru emwi, ne uwa ye egbe uwa fiohan mẹ, wa ne ivbi e Juda kevbe ivbi e Jerusalẹm. Adeghẹ wa ma ru vberriọ, ohu mwẹ gha vẹn zẹ vbe erhẹn rhunmwuda emwi dan hia ne uwa he ru. Ọ gha vẹn, orhunmwu ọkpa ne ọ gha dọ ẹre yọ irrọọ.”

Jerimaia 42:18

“E Nọyaẹnmwa ne Osanobua Izrẹl khare wẹẹ, ‘Zẹ vbe ne a hihiẹẹ izohu kevbe okuosu mwẹ yan ivbi e Jerusalẹm erriọ zẹ ọ re a gha hihiẹ okuosu mwẹ yan uwa adeghẹ wa kpao gha rrie Igipt. Wa gha khian ne ọmianmwẹ ughe, emwa gha ye uwa gha gbogiẹ, wa ghi khian ne a ya tie ihẹn ne ọmwa. Wa ighi dọlegbe ye aro uwa kan emwana ọvbehe.’ ”

Jerimaia 44:12

Zẹvbe ọghe ivbi e Juda ni ghi kee, ni vbe muegbe ne iran kpao gha rrie Igipt ne iran ya yin odọ nii, I gha miẹn wẹ a fuẹn iran hia a. Iran fẹẹrẹ, ke ni kpọlọ kevbe ni kanmwa, ehia gha wulo vbe Igipt, okuo ma ghi gbele iran an, iran gha khian emwi ne ọ mianmwẹ ughe, emwa gha ya iran gbogiẹ a ghi gha ya eni iran tie ihẹn.

Jerimaia 44:2

E Nọyaẹnmwa ne Oghodua ne Osanobua Izrẹl wẹẹ, “Aro uwa tobọ uwa sẹ ọyanroua ne I ru e Jerusalẹm re, kevbe avbe okpẹvbo ọvbehe ni rre Juda. ye do sẹ wanwanna, itowa ọ re ehia ye khin, ọmwa rhọkpa i vbe rrọọ.

Jerimaia 44:6

“Rhunmwuda ọnii, I ke hihiẹẹ ohu kevbe okuosu mwẹ yan avbe ẹvbo ni rre Juda, kevbe avbe idunmwu ni rre Jerusalẹm I na rhu erhẹn ye ehia. A keghi ya ehia khian itowa kevbe ne ọ ghi mianmwẹ ughe, zẹ vbene iran ye ẹdẹ nẹrẹ na.

Jerimaia 48:9

Wa mu okuta ayere yotọ ne Moab ẹ i ghi rrei a fuẹn ọnrẹn uan ban. A gha ya avbe ẹvbo ni rrọọ khian itowa, a i ghi miẹn ọmwa ne ọ gha yin ẹnrẹn ọvbehe.”

Jerimaia 5:9

Ọ ma kei ne I rri iran oya ye emwi na ra, ne I vbe rria ẹvbo nii ikhi ye emwi vbenian?

Ezikiẹl 39:23

Avbe uhunmwu ẹvbo gha vbe rẹn wẹ orukhọ ne ivbi Izrẹl ru ghe mwẹ ọ re ọ sii ẹe ne iran na gha rrie iwe. Mẹ fi iyeke gbe iran, I keghi gie avbe eghian khọn iran, iran na vbe gbele iran an vbe okuo.

Ezikiẹl 5:13

“Wa gha họn ẹmwẹ obọ ohu kevbe okuosu mwẹ vbe egbe, a te do miẹn wẹ ẹko ẹre vuọn mwẹ. Ena hia ghẹ ghi sunu nẹ, wa ghi do rẹn wẹ te imẹ ne Nọyaẹnmwa gu uwa guan rhunmwuda ohu mu mwẹ ye uyinmwẹ a ma guobọ ọmwa uwa.

Daniẹl 9:11

Izrẹl hia rraa uhi ruẹ, iran ma vbe danmwehọ ẹmwẹ ne uwẹ tae. Ma rukhọ ghe ruẹ, wẹ keghi gie ihen ne a tie ye Uhi e Mosis ne ọguọmwadia ruẹ sẹ ima egbe.

Daniẹl 9:12

U ru avbe emwi ne u khare ighe u gha ru ima kevbe iran ni mwẹ asẹ vbe uhunmwu ima re. U rrii e Jerusalẹm oya ne obọ da ẹe sẹe vbene u he ru ẹvbo ọvbehe ne ọ rhirhi a gha khin vbe otọ agbọn re.

Emọs 2:13

Banbanna nian, te I ra piẹnpiẹn uwa mu otọ zẹ vbe okotọ ne a ya kun ọka.

Malakai 2:17

Te egbe etalọ ne uwa talọ ghi wọ e Nọyaẹnmwa. Sokpan, wa ghi vbe nọ wẹẹ, “Vbe ima ya ya egbe wọ ẹre hẹ yi?” Vbe ekpa ne uwa na kha wẹẹ, “E Nọyaẹnmwa ne Oghodua ro wẹ emwa esi ọre emwa hia ni ru; emwi dan khin, vbe ẹmwata, ọ wa ho ẹmwẹ iran.” Ra ne uwa na kha wẹẹ, “Rẹn ghi vbo yi ighẹ nene Osanobua ne a wẹ ẹmwata nọ?”

Ebe ne Pọl gbẹẹn gie emwa Rom 9:22

Erriọ emwi ne Osanobua ru wa vbe ye zẹẹ. Ọ ho ne ọ rhie ohu ẹre maa kevbe ne ọ vbe rhie iwegbe ẹre ladian ne a miẹn. Ọ keghi wa kakabọ ziengbe ya mu ẹmwẹ iran ne ohu ẹre muẹn woo egbe, emwa ne ọ te kei ne a rẹnkhẹn uan.