Jerimaia 44:21 - Edo Bible (E Baibol Ẹdo) Version 1996

²¹ “Zẹ vbe ese ne uwa kevbe avbe erha uwa odede, avbe ọba uwa kevbe avbe ọkaolotu uwa, kevbe avbe emwa ni rre otọe nii zọre vbe avbe ẹvbo ni rre Juda, kevbe avbe idunmwu ni rre Jerusalẹm, te uwa ro ighe e Nọyaẹnmwa ma rẹn ra, ra te uwa ro ighe ọ mianmian nẹ?

Jerimaia 44:21 ပူးပေါင်းရင်းမြစ်များ

I Ọba 17:18

Okhuo nii keghi tama Elaija wẹẹ, “Ọmwa Osanobua, vbu a ghi na ru mwẹ emwi vbenian hẹ yi? Te u rre do ye Osanobua orukhọ mwẹ rre ra, ne u gbe mwẹ ọmọ uan?”

Psalm 79:8

Ghẹ rri ima oya ye orukhọ avbe erha mwa odede, tohan mwa, egbe wọ ima nẹ.

Aizaia 64:9

rhunmwuda ọnii, ghẹ mu ohu mwa gberra uwu, ra ne u gha ka orukhọ mwa yi ima owẹ ẹdẹdẹmwẹdẹ. Emwa ruẹn ma khin, tohan mwa.

Jerimaia 11:13

Vbene avbe okpẹvbo ne ivbi e Juda mwẹ bun sẹ, ọ re ẹbọ ne iran mwẹ vbe bun sẹ, iran ni rre Jerusalẹm, vbene idunmwu ne iran mwẹ bun sẹ, ọ re avbe Ogiukpo ne iran na zọ ese ghe ẹbọ osọnnọ nii ighe Baal vbe bun sẹ.

Jerimaia 14:10

E Nọyaẹnmwa keghi kha vbekpa avbe emwa na wẹẹ, iran ho ne iran gha lẹ mẹ, iran i sẹtin mu egbe iran yọghọ rhunmwuda ọnii, ẹko iran i rhiẹnrhiẹn mwẹ. I gha ye avbe amaruẹse iran rre, I gha rri iran oya ye orukhọ iran.’ ”

Jerimaia 32:32

Rhunmwuda emwi dan ne ivbi e Juda kevbe ivbi e Jerusalẹm he ru, iran kevbe avbe ọba kevbe avbe olotu iran, avbe ohẹn kevbe avbe akhasẹ iran.

Jerimaia 44:17

Emwi ne ima khare ighe ma ra ru hia ọ re ima ra ru. Ma gha zọ ese ghe avbe ẹbọ nokhuo ọghe ima ighe Ọba okhuo ne Ẹrinmwi, ma gha vbe gha sa ayọn ye otọ ne ẹẹn, zẹ vbene ima kevbe avbe erha mwa odede, avbe ọba ima kevbe avbe ọkaolotu ima ka ru ẹe dee yi vbe avbe ẹvbo e Juda, kevbe vbe adesẹ idunmwu ni rre Jerusalẹm. Vbe ẹghẹ nii, evbare keghi maa ne ima ọghe ọkpọkua, te agbọn wa gha maa ima ẹghẹ nii, ma ma vbe gha mwẹ ọlọghọmwa.

Jerimaia 44:20

Ẹre ima na tama avbe ikpia kevbe avbe ikhuo ni rhie ewanniẹn na mẹ wẹẹ,

Jerimaia 44:9

Wa wa mianmian emwi dan hia ne iran ru vbe avbe ẹvbo e Juda nẹ ra, kevbe vbe adesẹ ore e Jerusalẹm ighe avbe erha mwa odede kevbe avbe ọba e Juda kevbe avbe amwẹ iran, kevbe uwa kevbe avbe amwẹ uwa.

Ezikiẹl 16:24

lele ọkpẹn odẹ hia, ne u na gha gho ẹbọ kevbe ne u miẹn na gha gbe igberagia.

Hozia 7:2

Ọ ma vbe la iran uhunmwu wẹ, I gha ye avbe emwi na rre, sokpan orukhọ iran gba ogba ga iran, ẹ i mwẹ mẹ ma bẹghe ẹre.”

Emọs 8:7

E Nọyaẹnmwa ne Osanobua Izrẹl vẹn ihen nẹ wẹẹ, “Mẹ i ra mianmian emwi dan ne iran ru.

Diuteronomi 32:19

“Ugbẹn vbe Nọyaẹnmwa ghi miẹn ọna, ohu mu ẹẹn, ọ na he ivbi ẹre ne ikpia kevbe ne ikhuo.

Diuteronomi 32:34

“E Nọyaẹnmwa rẹn emwi ne eghian iran ru, rẹn mudia khẹ ẹghẹ ne ọ kere ne a ya rri iran oya.

Arhie Maan 16:19

A keghi wa ẹvbo nọkhua nii ye ihe eha, okpẹvbo ni rre uhunmwu ẹvbo otọ agbọn hia keghi fuẹn uan. Osanobua keghi ye Babilọn rre, ọ keghi ya nẹẹn da vbe ayọn ne ọ rre ukpu ẹre, ayọn ọghe izohu ọhanabe ẹre nii.

Arhie Maan 18:5

Rhunmwuda, a si orukhọ ẹre gbo o yo sẹ iso, Osanobua keghi ya emwi dan ne ọ ru hia rre.

I Samuẹl 15:3

Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”