Jerimaia 44:17 - Edo Bible (E Baibol Ẹdo) Version 1996

¹⁷ Emwi ne ima khare ighe ma ra ru hia ọ re ima ra ru. Ma gha zọ ese ghe avbe ẹbọ nokhuo ọghe ima ighe Ọba okhuo ne Ẹrinmwi, ma gha vbe gha sa ayọn ye otọ ne ẹẹn, zẹ vbene ima kevbe avbe erha mwa odede, avbe ọba ima kevbe avbe ọkaolotu ima ka ru ẹe dee yi vbe avbe ẹvbo e Juda, kevbe vbe adesẹ idunmwu ni rre Jerusalẹm. Vbe ẹghẹ nii, evbare keghi maa ne ima ọghe ọkpọkua, te agbọn wa gha maa ima ẹghẹ nii, ma ma vbe gha mwẹ ọlọghọmwa.

Jerimaia 44:17 ပူးပေါင်းရင်းမြစ်များ

II Ọba 17:16

Iran keghi rra uhi e Nọyaẹnmwa ne Osanobua iran hia, iran na ya ematọn ru ẹkhuia ẹmila eva ne iran gha ghoo. Iran kevbe ma amazẹ Asiẹrra ne ẹbọ ne okhuo, iran kegha gho avbe orhọnmwẹ, iran na gha ga avbe ẹbọ e Bal.

II Ọba 22:17

Iran fi iyeke gbe mwẹ, iran keghi ya gha zọ ese ghe avbe ẹbọ ọvbehe, iran keghi rhunmwuda ọnii ya emwi ne iran ru hia gha ya ohu mu mwẹ. Ohu e Jerusalẹm mu mwẹ nẹ, ẹ i ghi dọyọ.

II Krọnikol 28:23

Ọ keghi zọ ese ghe avbe ẹbọ e Siria ni khọn miẹn irẹn otọ, ọ na kha wẹẹ, “Avbe ẹbọ ivbi e Siria ọ re ọ ye Siria obọ, rhunmwuda ọnii, a dẹghe mẹ zọ ese ghe iran, ughaghe iran gha vbe yọ mwẹ obọ.” Ọna keghi si ọfuan ye irẹn kevbe ẹvbo ẹre egbe.

Nehimaia 9:34

Avbe erha mwa odede, avbe ọba mwa, ọkaolotu kevbe avbe ohẹn, ne ọ rhie Uhi ruẹ mwẹ i rrọ. Iran ma danmwehọ Uhi kevbe ibude ruẹ.

Psalm 106:6

Ma rukhọ, zẹ vbene avbe erha mwa odede vbe ru, ma ru emwi dan, ma vbe mwẹ ekhọe dan.

Psalm 12:4

“Ẹmwẹ unu ima ọ re ima ya miẹn emwi nẹ ima ho. Emwi ne ọ khọn ima ọre ima ra gha ta. Ọmwa ne ọ gha sẹtin gbe eta ye ima unu, ẹi rrọọ.”

Ẹksọdọs 16:3

Iran wẹẹ, “E Nọyaẹnmwa wa gbele ima ye Igipt ọre ọ te maa sẹ. Evba ma gha na te gha tota ke ọkpan emiowo, ma ghi vbe gha rri evbare vbene ọ khọn mwa sokpan wa viọ ima la uwu ato na ne uwa do ya ohanmwẹ gbele ima an.”

Aizaia 48:5

Ọ re I na tae yotọ ke ẹkpo nii gha dee vbene ẹdẹ agbọn uwa ra gha ye hẹ, a ghi taa emwi yotọ ọ ke do sunu, ne uwa ghẹ miẹn ehe na kha ighe amazẹ kevbe ẹbọ uwa ọ re ọ ru ẹe ne iran na sunu.

Jerimaia 1:16

I gha rri avbe emwa mwẹ oya rhunmwuda iran ru orukhọ ne, iran he mwẹ yotọ. Iran zọ ese ghe avbe ẹbọ ọvbehe, iran mannọ avbe amazẹ, iran keghi gha gho iran.

Jerimaia 11:12

Ẹghẹ nii, ivbi e Juda kevbe Jerusalẹm ghi tulo bu avbe ẹbọ ne iran zọ ese ghe ne iran do yi iran obọ. Sokpan, avbe ẹbọ ni i ra sẹtin miẹn iran fan vbe ọfuan ni a rre.

Jerimaia 18:15

Sevba, emwa mwẹ mianmian mwẹ, iran gha giẹn eturari ne avbe amazẹ. Iran rrua owẹ vbe odẹ ne ọ te kei ne iran la iran i ghi lele odẹ nẹdẹ, odẹ ne a ma gbẹn ọre iran ghi la.

Jerimaia 19:13

Avbe owa ni rre Jerusalẹm, avbe owa avbe ọba ni rre Juda, vbe ẹmwata avbe owa hia ne a ghi na gien eturari vbe ẹrhunrhun owa ẹre ne avbe orhọnmwẹ, kevbe avbe owa ne a ghi na sa ayọn kua zẹ vbe emwi izọ ese ghe avbe ẹbọ ọvbehe, ehia ọ re ọ gha khian ne awua ye zẹ vbe Tofẹt.”

Jerimaia 44:21

“Zẹ vbe ese ne uwa kevbe avbe erha uwa odede, avbe ọba uwa kevbe avbe ọkaolotu uwa, kevbe avbe emwa ni rre otọe nii zọre vbe avbe ẹvbo ni rre Juda, kevbe avbe idunmwu ni rre Jerusalẹm, te uwa ro ighe e Nọyaẹnmwa ma rẹn ra, ra te uwa ro ighe ọ mianmian nẹ?

Jerimaia 44:9

Wa wa mianmian emwi dan hia ne iran ru vbe avbe ẹvbo e Juda nẹ ra, kevbe vbe adesẹ ore e Jerusalẹm ighe avbe erha mwa odede kevbe avbe ọba e Juda kevbe avbe amwẹ iran, kevbe uwa kevbe avbe amwẹ uwa.

Jerimaia 7:17

Wa ma bẹghe emwi ne iran ru vbe Juda kevbe ore Jerusalẹm ra?

Jerimaia 7:18

Avbe ibiẹka ghi ya ho erhan rre, avbe ikpia ni wan nẹ ghi hie erhẹn, avbe ikhuo ni rrọ ghi gbe irhuarhua ne iran ya fian eka ne ẹbọ ne iran tie ẹre Oloi Ẹrinmwi, iran ghi vbe sa ayọn ne avbe ẹbọ ọvbehe, ne iran miẹn ehe na ya mwẹ mu ohu.

Ezikiẹl 20:32

Wa tae mu olọ yan rẹn nẹ wẹ te uwa ra gha yevbe avbe ẹvbo nekpa, zẹvbe emwa ni rre ẹvbo ọvbehe, iran ni gho erhan kevbe okuta. Sokpan, ọnii i gba hiehiere.

Ezikiẹl 20:8

sokpan, iran yagha mwẹ, iran ma danmwehọ, iran ma viọ amazẹ osọnnọ iran kua ra ne iran sẹ avbe ẹbọ Igipt rae. Mẹ keghi te wa mu egbe ne iran họn ẹmwẹ obọ ohu ne ọ mu mwẹ vbe egbe vbe Igipt vbe odọ niii.

Ezikiẹl 23:41

Iran ghi tota ye aga nekhuẹrhẹ ne ọ mose, iran ghi mu eteburu ne a viọ emwi ni maa hia yi ye odaro iran vbe uwu ne eturari kevbe ẹvbi oliv ne I viọ ne iran ye.

Ezikiẹl 8:16

Ọ na rhie mwẹ gha rrie ọgua ne ọ ke uwu ẹre vbe Ọgua Osa. A ghi do ghe ikpia isẹn yan ugie mudia ye ẹkpo onurho ne a la la uwu ehe nọhuanrẹn kevbe ogiukpo. Iran viọ iyeke da ehe nọhuanrẹn. Iran wa kakabọ ghughẹrre ghe odẹ ahọ, iran gha ga owẹn ne ọ da yan rre dee.

Habakọk 1:16

Uhin ighe te iran wa gho ọga iran, iran ghi vbe gha zọ ese ne iran, rhunmwuda, ọga iran ọ re ọ rhie emwi ne ọ ghi maa sẹ ne iran vbe emwi hia.

Nọmbas 30:12

Sokpan adeghẹ ọdọ ẹre ma kue ne ọ mu eyan nii sẹ vbe ọ họn ẹẹn, a i ghi vbe wẹ ne ọ ru ẹe. Ọdọ ẹre ọre ọ ma gie ẹe mu eyan ni sẹ. E Nọyaẹnmwa gha ya bọ ẹe.

Nọmbas 30:2

Ọmwa gha ve emwi wẹ rẹn gha rhie emwi ne Nọyaẹnmwa, ra te ọ vẹn ihẹn wẹ rẹn gha zobọ vbe emwi eso, ọ ghẹ rhie obọ gberra eyan ne ọ yan rẹn nii, sokpan ọ ghi ru emwi hia vbene ọ kha re wẹ rẹn ra gha ru.

Iyẹn ne ọ Maan Ọghe Mak 6:26

Ẹko ọba keghi wa rhia ba ẹmwẹ na, sokpan ọ ma gi ẹe he rhunmwuda ihẹn ne ọ sirra iran ne ọ tie sẹ owa vẹn.

Diuteronomi 23:23

Sokpan, u gha ghi ya ekhọe obọ ru ẹe ve emwi nẹ, gie a miẹn wẹ u muẹn sẹ.

Filipai 3:19

Ẹrinmwi erhẹn ọre iran ra na mu omẹ, orriarria egbe iran ọrọre ẹbọ ne iran gho, emwi ne ọ kere ne ekhue ẹre gha mu iran ọre iran ya ghagha, ẹmwẹ emwi agbọn na ọkpa ọre iran mu roro.

I Pita 1:18

Rhunmwuda wa rẹn osa ne a hae ya dẹ uwa hin obọ ẹre rre ighẹ uyinmwẹ ne ẹ i mwẹ ere, ne uwa miẹn vbe obọ avbe erha uwa odede. Ẹ i re avbe emi ne ọ fafaa, vbe ne avbe igoru vbe esiliva ye.

Giọgis 11:36

Ọmọ okhuo nii keghi wanniẹn tama rẹn wẹẹ, “A deghẹ u yan ma e Nọyaẹnmwa ru mwẹ emwi ne u khare ighẹ u gha ru. E Nọyaẹnmwa rria emwa Amọn ne avbe eghian ruẹn ikhi nẹ.”