Jerimaia 44:15 - Edo Bible (E Baibol Ẹdo) Version 1996

¹⁵ Vbe iyekọnii, avbe ikpia hia ni rẹnrẹn ighe avbe amwẹ iran zọ ese ghe avbe ẹbọ ọvbehe, deba avbe ikhuo ni mudia vbe evba, kevbe avbe ivbi Igipt ni rre odẹ ekẹn ọghe Igipt, emwa ni wa bun ẹsẹse, iran keghi tama mwẹ wẹẹ,

Jerimaia 44:15 ပူးပေါင်းရင်းမြစ်များ

Gẹnẹsis 19:4

Vbe ọ te sẹ ẹghẹ ne avbe orhunmwuyẹn nii ya lovbiẹ, emwa Sọdom keghi ghae ga owa nii. Ikpia nii rre ẹvbo nii hia keghi wa gha rre evba ibiẹka kevbe eniwanrẹn.

Nehimaia 13:26

I keghi tama iran wẹẹ, “Ikhuo ẹvbo ọvbehe ọ re ọ si e Solomọn la orukhọ na ru. Ghe okpia na ne ọ te kpọlọ sẹ avbe ọba ẹvbo ọvbehe hia fẹẹrẹ. Osanobua ho ẹmwẹ ọnrẹn ọ kevbe ya ẹe rrioba yan ivbi Izrẹl, sẹ evba ọ keghi ye de ye orukhọ na.

Itan 11:21

Wẹ rẹnrẹn wẹ ẹ i mwẹ a ma rria ọmwa dan ikhi, sokpan, emwa esi gha lẹ fe.

Aizaia 1:5

Vbọzẹ ne uwa na sọtẹ khian vberriọ yi? Te uwa ho ne a ye rri uwa oya sẹẹ ọna ra? Izrẹl, ghe vbe ẹtẹ gba uwa uhunmwu hia. Orhiọn kevbe ekhọe uwa khuọnmwi.

Aizaia 48:5

Ọ re I na tae yotọ ke ẹkpo nii gha dee vbene ẹdẹ agbọn uwa ra gha ye hẹ, a ghi taa emwi yotọ ọ ke do sunu, ne uwa ghẹ miẹn ehe na kha ighe amazẹ kevbe ẹbọ uwa ọ re ọ ru ẹe ne iran na sunu.

Jerimaia 44:1

E Nọyaẹnmwa keghi gunmwẹ guaan vbekpa ivbi Izrẹl ni rre Igipt, ni rre avbe ẹvbo na ighe Migdọl, Tapanhes, kevbe Mẹmfis kevbe obọ ne ọ laghe odẹ ekẹn vbe ẹvbo nii

Jerimaia 44:19

Avbe ikhuo ni keghi vbe rhie te ẹe wẹẹ, “Ẹghẹ ne ima na gha fian eka ne a mannọẹn khọ Ọba okhuo ne Ẹrinmwi, a na vbe zọ ese ghe ẹre, ẹko avbe ọdafẹn ima rhiẹnrhiẹn ye emwi ne ima gha ru.”

Jerimaia 44:24

I keghi tama avbe emwa nii hia, kpataki, avbe ikhuo ni rrọọ, vbene e Nọyaẹnmwa ne Oghodua ne Osanobua Izrẹl tama ivbi e Juda ni rre Igipt hẹ wẹẹ, “Ke uwa kevbe avbe amwẹ uwa gba gu Ọba okhuo ne Ẹrinmwi kee ọta nẹ. Wa yan rẹn ighẹ wa gha zọ ese ghe ẹre, wa gha vbe sa ayọn imuohan yotọ ne ẹẹn, wa keghi gele mu ẹẹn sẹ zẹ vbene uwa yan rẹn. Ọ wa ma ẹsẹse khekherriọ! Wa gha mu eyan uwa sẹ! Wa gha ha emwi ne uwa ve!

Ezikiẹl 29:14

I gha vbe gie iran yin odẹ ekẹn Igipt ne ọ wa re owa iran dee ẹdẹdẹmwẹdẹ. Iran ghi gha rre evba zẹ vbe ẹvbo ne mitanmitan.

Ezikiẹl 30:14

I gha ya odẹ ekẹn Igipt khian ne ọ dihoi rua, I ghi mu erhẹn ye Zoan ne ẹvbo nii ne odẹ okuọ. I gha vbe rri e Tẹbes ne igiogbe oya.

Matiu 7:13

“Wa la onurho ne wẹnrẹn la owa, rhunmwuda, te onurho ẹrinmwi erhẹn ye gbodoo, odẹ ne a la sọe vbe rriẹ, emwa ni lae wa vbe bun.

Diuteronomi 13:7

Ọkpa vbe uwu iran sẹtin gha kọe ye uwẹ ekhọe ne u gha gho avbe ẹbọ emwa ne uwa gba yin kegbe ra ne ọ rre urria.