Jerimaia 44:13 - Edo Bible (E Baibol Ẹdo) Version 1996

¹³ I gha rri iran ni rre Igipt oya, zẹ vbene i vbe ya okuo, ohanmwẹ kevbe emianmwẹ rri e Jerusalẹm oya.

Jerimaia 44:13 ပူးပေါင်းရင်းမြစ်များ

Jerimaia 11:22

Rhunmwuda ọnii, e Nọyaẹnmwa ne Oghodua ke kha wẹẹ, “I gha rri iran oya! A gha gbele avbe igbama iran vbe okuo; ohanmwẹ gha gbele ivbi iran an.

Jerimaia 21:9

Ọmwa ikọmwa ne ọ rre ore ẹvbo, okuo gha gbe ẹe ra ohanmwẹ ra emianmwẹ. Sokpan, ọmwa ikọmwa ne ọ ladian, ọ na wa tobọ ẹre bu ivbi e Babilọn gha khian, iran ni wa khọn ẹvbo na khian na, a i ra gbe ẹe rua, ọ gha miẹn ikpakpuhunmu ẹnrẹn rhie ladian, ọ ghi baa, ọ ghi khọ.

Jerimaia 24:10

I gha ya okuo ohanmwẹ kevbe emianmwẹ gu iran khọn a te miẹn wẹ okpa ma ghi kẹe vbe uwu iran vbe otọ nii ne I mu ne iran kevbe avbe erhan iran odede.”

Jerimaia 24:9

I gha gie ẹe sẹ vberriọ wẹ ẹvbo uhunmwu otọ agbọn hia gha runran. Emwa gha ya iran gbogiẹ, ya iran gbe ọdẹn a ghi vbe gha ya eni iran tie ihẹn vbe eheikehe ne I zagha iran gha rrie.

Jerimaia 42:16

Ẹghẹ nii, okuo ne uwa mu ohan rẹn gha khu uwa mu, ohanmwẹ ne uwa mu ohan rẹn gha lele uwa, Igipt vbe odọ niii ọ re uwa ra wulo yi.

Jerimaia 42:17

Emwa hia ni wa kha ighe Igipt iran ra ya dia, okuo ọ re ọ ra gbele iran, ra ohanmwẹ ra emianmwẹ. Ọkpa ne ọ ra miẹn uhunmwu i rre uwu iran, ọkpa ne ọ gha lẹ ọkhọ ne I ra we ne ọ do rruan iran fe, ẹ i rrọọ.’

Jerimaia 42:18

“E Nọyaẹnmwa ne Osanobua Izrẹl khare wẹẹ, ‘Zẹ vbe ne a hihiẹẹ izohu kevbe okuosu mwẹ yan ivbi e Jerusalẹm erriọ zẹ ọ re a gha hihiẹ okuosu mwẹ yan uwa adeghẹ wa kpao gha rrie Igipt. Wa gha khian ne ọmianmwẹ ughe, emwa gha ye uwa gha gbogiẹ, wa ghi khian ne a ya tie ihẹn ne ọmwa. Wa ighi dọlegbe ye aro uwa kan emwana ọvbehe.’ ”

Jerimaia 43:11

E Nebukiadneza gha rre do khọn Igipt. Iran ne a kha re ighe emianmwẹ ọ ra gbele iran, emianmwẹ gha gbele iran, iran ne a wẹ te a ra munọ iran oghunmwu gha rrie, a gha munọ iran oghunmwu gha rrie, iran ne a khare ighe te a ra gbele iran vbe okuo, a gha gbele iran vbe okuo.

Hozia 9:6

Ọkhọ gha ghi rruan iran nẹ, ighe avbe emwa ni hia vbe zagha kua, ivbi Igipt gha si iran koko iran ghi si iran koko ne iran ya re iran vbe Mẹmfis! Emwi ẹfe esiliva ne iran mwẹ, kevbe ehe ne owa te gha ye vbe ẹghẹ ọkpa, irunmwu kevbe igban, ọ re ọ gha zọọ gue ehia.