Jerimaia 43:9 - Edo Bible (E Baibol Ẹdo) Version 1996

⁹ “Munọ avbe okuta ni kọnkọn eso ne u tọnnọ iran ye uwu ehe ne a ya owẹ la vbe onurho ne a la ghe owa enọkhaemwisẹ vbe ore ẹvbo na, u ghi vbe gie eso vbe avbe ivbi Izrẹl bẹghe ruẹ vbe u a gha ru ẹe.

Jerimaia 43:9 ပူးပေါင်းရင်းမြစ်များ

II Samuẹl 12:31

ọ viọ emwa ni rrọ, ọ na viọ ọsara ye iran obọ ne iran ya gha winna, ẹguẹ ematọn, kevbe ughanmwa, ọ na ya iran gha mannọ ibiriki. Erriọ ọ re ọ wa vbe ru emwa ẹvbo ni rre Amọn hia. Iyeke ọnii, rẹn kevbe emwa rẹn kegha die Jerusalẹm.

Ẹksọdọs 1:14

Iran keghi ya ẹdagbọn iran khian ọghe orriara vbe ne iran na ya iran gha mannọ obuẹ kevbe ibiriki, deba iwinna a gha wu a rrie ni ghi rre ugbo hia. Iran keghi ya ẹtin munọ iran gha miẹn ẹsọn ike ẹsọn ne ọ rhirhi gha khin. Iran ma vbe mwẹ itohan ghe ivbi Izrẹl.

Jerimaia 25:19

Eni avbe emwa ọvbehe ni gha da vbe ukpu ni ọ re ena khin: ọba Igipt, avbe ekhaẹmwẹ kevbe avbe ọkaolotu ẹre, avbe ivbi Igipt hia kevbe avbe erhunmwuyẹn ni rre otọ Igipt hia, avbe ọba ni rre otọe Uz hia, avbe ọba ẹvbo e Filistin hia ighe avbe Askẹlọn, e Gaza, Ẹkrọn kevbe ne ọ ghi dekẹe vbe Asdọd, ivbi Idọm hia, e Moab kevbe Amọn, avbe ọha e Taia kevbe Saidọn, avbe ọba otọe e Meditẹrrenian hia, avbe ore nọkhua Dedan, e Tema kevbe Buz, avbe emwa ni gbe eto iran sikẹ otọ, avbe ọba Arebia hia, avbe ọba ẹwae ni rre ato hia, avbe ọba e Zimri, Ẹlam kevbe Midia, avbe ọba odẹ okuọ hia, ni sikẹ emwa, kevbe ni rrei vbe emwa, ọsegbe ọsegbe, te avbe uhunmwu ẹvbo ni rre otọ agbọn hia gha da vbọ, vbe okiekie ehia, ọba e Babilọn ghi do da vbọ.

Jerimaia 43:10

Ẹghẹ nii, u ghi ya tama iran wẹẹ, ‘Mẹ ne Nọyaẹnmwa ne Oghodua, ne Osanobua Izrẹl, I gha rhie ẹre gha dee ighe e Nebukiadneza ne ọguọmwadia mwẹ, ọba e Babilọn, ọ ghi gha die emwana, ọ gha mu ẹkete ẹre yan avbe okuta ne u tọnnọ ye evba, ọ ghi vbe tan owa ukpọn ọghe ọba yan rẹn.

Jerimaia 43:8

Evba nii, ọre Nọyaẹnmwa na tama mwẹ wẹẹ,

Jerimaia 44:30

I gha rhie Hofra ne ọba Igipt ye avbe eghian rẹn obọ, iran ni ho ne iran gbe ẹe rua zẹ vbene I rhie Zedekaia ne ọba e Juda ye Nebukiadneza ne ọba e Babilọn obọ, ọmwa ne ọ gha re eghian rẹn ne ọ ho ne ọ gbẹe rua.”

Ezikiẹl 4:1

Osanobua keghi kha wẹẹ, “Ovbi ọmwa mu ibiriki ọkpa, mu ẹẹn ye odaro ruẹ ne u vinnọ emwi lelẹe ne a ya ẹe gie ore Jerusalẹm.

Hozia 12:10

“I gu avbe akhasẹ guaan, I keghi ya umian nibun ne iran miẹn, I keghi vbe la unu avbe akhasẹ bu emwa mwẹ ude yotọ khẹ ọ dee.

Nahum 3:14

Sa amẹ ye otọ, ne u mu egbe khẹ okuo ne ọ ra ghae ga ruẹ. Vbe ya si avbe ogba ne u gba ga egbe tua. Rri ekẹn ya ru ibiriki, ne u vbe viọ avbe ibiriki nii u mannọẹn mu egbe ye otọ.

Iwinna 21:11

Ọ keghi bu ima gha dee, ọ keghi rhie ugbẹkun e Pọl, ọ keghi yae gba egbe ẹre obọ vbe owẹ, ọ wẹẹ, “Orhiọn Ne Ọ Huanrẹn wẹ, ‘Vbe nian ọre avbe Ju khian mu ọmwa ne ọ yan ugbẹkun na gba vbe Jerusalẹm, iran ghi mu ẹn gie avbe emwa ne ẹ i re Ju.’ ”

Arhie Maan 18:21

Ẹghẹ nii ọre odibosa nọkhua ọkpa na tọn okuta ne ọ kpọlọ vbe olọ nọkhua mu, ọ keghi fi ẹe fi uwu okun, ọ wẹẹ, “Erriọ ọre a ra rhie Babilọn ne ẹvbo nọkhua fian mwẹ otọ, a i ghi ra vbe dọlegbe miẹn ọẹn ọvbehe.