Jerimaia 43:7 - Edo Bible (E Baibol Ẹdo) Version 1996

⁷ Iran keghi fieghe uhunmwu ye ẹmwẹ e Nọyaẹnmwa, iran kegha rrie Igipt, iran na la uwu ẹre ya sẹ Tapanhes.

Jerimaia 43:7 ပူးပေါင်းရင်းမြစ်များ

II Ọba 25:26

Ẹre ivbi Izrẹl kevbe ni fe kevbe ivbiogue, deba avbe ekaokuo, na kpao, iran na gha rrie Igipt, rhunmwuda afianma ivbi e Babilọn kegha fian iran.

II Krọnikol 25:16

Amezaia keghi gbe eta ye ọre unu wẹẹ, “De ẹdẹ ne ima ghi vbe zẹ uwẹ iguọbaziro yi? Gue unu uẹn vba ne u ghẹ ya ye uhunmwu tae.” Vbe akhasẹ ni ghi te gue unu ẹnrẹn, ọ tama rẹn wẹẹ, “I rẹnrẹn wẹ Osanobua tae nẹ ne irẹn fuẹn ruẹn uan, rhunmwuda ne u na ru avbe emwi na hia kevbe ne u ma na rhie ude ne I bu ruẹ re.”

Aizaia 30:2

Iran kpao gha rrie Igipt, vbe ne iran ma na nọ mwẹ vbene I roro ẹe hẹ. Iran ho ne Igipt degue iran, rhunmwuda ọnii, ọba Igipt ọ re iran mu ẹtin yan.

Aizaia 30:4

A gha rhe miẹn wẹ emwa ne iran ya zẹ ihe egbe sẹ Zoan kevbe Hanẹ ni re okpẹvbo vbe Igipt nẹ,

Jerimaia 2:16

Ẹn, ivbi e Mẹmfis kevbe Tapanhes guọghọ ẹre ugboloko uhunmwu.

Jerimaia 41:17

Ohan ivbi e Babilọn kegha mu iran rhunmwuda Ismaẹl gbe ẹe rua ighe Gedalaia ne ọba e Babilọn ya maa enọkhaemwisẹ ye otọe nii rhunmwuda ọnii, iran keghi ya gbe odẹ Igipt ne iran miẹn ehe na lẹ fe vbe obọ ivbi e Babilọn. Iran ghi khian nii, iran keghi yakọ vbe Kimham vbe ọkpẹn e Bẹtlẹhẹm.

Jerimaia 42:21

Banbanna nian, I tama uwa nẹ sokpan, wa wa fieghe uhunmwu ye emwi hia ne Nọyaẹnmwa ne Osanobua ima giee mwẹ wẹ ne I tama uwa.

Jerimaia 44:1

E Nọyaẹnmwa keghi gunmwẹ guaan vbekpa ivbi Izrẹl ni rre Igipt, ni rre avbe ẹvbo na ighe Migdọl, Tapanhes, kevbe Mẹmfis kevbe obọ ne ọ laghe odẹ ekẹn vbe ẹvbo nii

Jerimaia 44:24

I keghi tama avbe emwa nii hia, kpataki, avbe ikhuo ni rrọọ, vbene e Nọyaẹnmwa ne Oghodua ne Osanobua Izrẹl tama ivbi e Juda ni rre Igipt hẹ wẹẹ, “Ke uwa kevbe avbe amwẹ uwa gba gu Ọba okhuo ne Ẹrinmwi kee ọta nẹ. Wa yan rẹn ighẹ wa gha zọ ese ghe ẹre, wa gha vbe sa ayọn imuohan yotọ ne ẹẹn, wa keghi gele mu ẹẹn sẹ zẹ vbene uwa yan rẹn. Ọ wa ma ẹsẹse khekherriọ! Wa gha mu eyan uwa sẹ! Wa gha ha emwi ne uwa ve!

Jerimaia 46:14

“Ya kha vbe ore ẹvbo Igipt, vbe Migdọl, Mẹmfis kevbe Tapanhes wẹẹ, ‘Wa mu egbe ne uwa ya gbinna ne egbe uwa; emwi ne uwa mwẹ, a gha fuẹn ehia vbe okuo!

Ezikiẹl 30:18

Ebiebi gha so yan e Tapanhes vbe I a ghi guọghọ ẹtin Igipt, I ghi kie ẹre ukpẹ ighe ẹtin ne iran ya ghagha. Amẹ ne ọ bi gha degue Igipt. Emwa ni rre avbe okpẹvbo ẹre hia ghi khian ne a viọ ẹre oghunmwu.