Jerimaia 43:6 - Edo Bible (E Baibol Ẹdo) Version 1996

⁶ Avbe ikpia kevbe ikhuo, ibiẹka kevbe avbe ivbi ọba nikhuo. Iran keghi viọ emwa hia ne arowa ivbiyokuo ighe Nebuzaradan te sẹrae ne Gedalaia gha gbearoghe, kpao kevbe Barọk, kevbe imẹ.

Jerimaia 43:6 ပူးပေါင်းရင်းမြစ်များ

Jerimaia 38:22

“Vbe umian nii, I keghi bẹghe vbe a viọ avbe ikhuo ne a sẹrae vbe ẹguae Juda bu ekhaẹmwẹ e Babilọn khian. Danmwehọ emwi ne iran gha ta vbe iran khian: “ ‘Avbe ọse ọba ni sikẹ ọba sẹẹ ọ re ọ bibi ẹre odẹ, iran keghi khuan ẹre ẹmwẹ uan, eban na, owẹ ọre ghi ziẹn ye uwu ọrho nẹ, avbe ọse ọre lẹẹ sẹ ọe rae.’ ”

Jerimaia 39:10

Ọ keghi sẹ usun iran ni ghi ru ivbiogue sẹẹ rae ye Juda, avbe emwa ne ẹ i mwẹ emwi rhọkpa, ọ keghi munọ ogba azara kevbe oha ne iran.

Jerimaia 40:11

Vbe ẹghẹ ne a kha na avbe ivbi Izrẹl hia ni rre Moab, Amọn, Idọm kevbe avbe ẹvbo ọvbehe keghi họọn wẹ ọba e Babilọn kue ne ivbi Izrẹl eso ye gha rre Juda, kevbe wẹ ọ ya Gedalaia ru ne ọkhaemwisẹ yan iran.

Jerimaia 40:7

Eso vbe uwu ekhaẹmwẹ kevbe ivbiyokuo e Juda ma ladian do gbe lahọ. Iran keghi họn wẹ ọba e Babilọn ye Gedalaia ru enọkhaemwisẹ otọe nii, ọ vbe maa e Gedalaia enọkhaemwisẹ yan iran hia ne a ma viọ kpao gha rrie e Babilọn, avbe emwa ni ghi ru ivbiogue sẹẹ vbe otọe nii.

Jerimaia 41:10

Iyekọnii, ọ keghi viọ avbe ivbi ọba nikhuo oghunmwu, deba avbe emwa ni ghi dekẹe vbe Mizpa, avbe emwa ne Nebuzaradan ne arowa ivbiyokuo viọ ne Gedalaia ne ọ gha gbearoghe. Ismaẹl keghi viọ ehia oghunmwu, ọ na de yan okhian ghe odẹ otọ Amọn.

Jerimaia 43:3

E Barọk ne ovbi e Neria ọ re ọ kpe ekpe ruẹ ye ima egbe, ne obọ ivbi e Babilọn miẹn ehe na ke okhunmwu ne ọghe ima ne a miẹn wẹ adeghẹ iran ma ghi gbele ima an, iran ghi viọ ima gha rrie Babilọn.”

Jerimaia 45:1

Vbe ukpo ne ogienẹ ne Jehoiakim ne ovbi e Josaia yae vbe ọba e Juda, e Barọk keghi gbennẹẹn avbe ẹmwẹ ne I talọ ma rẹn yotọ. Ẹre I na tama rẹn.

Jerimaia 52:10

Vbe Ribla, rẹn keghi gbele ivbi e Zedekaia a vbene Zedekaia na wa ghe ẹre, ọ na vbe wẹ ne iran giagia iran uhunmwu kua ighẹ avbe ekhaẹmwẹ e Juda.

Eve Orriara 3:1

Ọmwa ne ọ rẹn emwi ne ọ khin vbe Osanobua a rri ọmwa oya, ọ re imẹ khin.

Iyẹn ne ọ Maan Ọghe Jọn 21:18

Ne I te ẹmwata ma ruẹn, ẹghẹ ne u na gha rre igbama, wẹ ọre ọ te tobọ ruẹ rhie ugbẹkun gba, u ghi gha rrie ehe ne ọ khọn ruẹn. Sokpan, u gha ghi khian ọmaẹn nẹ, u ghi nien obọ ruẹ ladian, ọmwa ọvbehe ghi gba ẹe, ọ ghi siọ gha rrie ehe ne ọ ma te khọn ruẹn.”