Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jerimaia 43:12 - Edo Bible (E Baibol Ẹdo) Version 1996

12 I gha mu erhẹn ye avbe, owa ẹbọ ni rre Igipt, a deghẹ ọba e Babilọn ma ghi giẹn iran ẹbọ rua, ọ gha hẹ iran gha rrie. Zẹ vbene ọsuohuan rhọ imi hin ukpọn rẹn rre fẹẹrẹ, erriọ ọ re ọba e Babilọn ra rhọ otọ Igipt fo, ọ ghi kpao ke irẹn kevbe akhọnmiotọ.

အခန်းကိုကြည့်ပါ။ ကော်ပီ




Jerimaia 43:12
36 ပူးပေါင်းရင်းမြစ်များ  

Ivbi e Filistia keghi lẹ sẹ avbe ẹbọ iran rae ye evba, e Devid kevbe emwa rẹn keghi viọ gha rrie.


U ghi wẹ ne ọkpa vbe uwu iran ne ukpo ẹre yo sẹẹ vbe ekhaẹmwẹ ruẹn ya mu ọmwa na egbe, ne a ya ẹsin na mu ẹẹn ya lẹga vbe ore ẹvbo. Ọkhaẹmwẹ ni ghi tae vbe iran a gha khian wẹ, ‘Wa ghe vbene ọba san ọmwa ne ọ ho ne ọ mu uyi ye ọre egbe ẹse hẹ!’ ”


“Adeghẹ erriọ nọ, kpaegbe vbe ọghọ kevbe ekpẹn ne egbe ruẹ, u ghi ya ohan ọba kevbe uyi han ye egbe.


Wẹ ye uwanmwẹ gue egbe ruẹ hia, u tan ẹrinmwi zẹ vbe ibọkpọ.


I gha fiangbe emwi ne avbe ohẹn ni rrọ ru hia, avbe emwa rẹn ghi gha wee, iran ghi gha so ihuan oghọghọ.


I gha ye ekhue gbe avbe eghian rẹn egbe sokpan arriọba ẹre gha dunna ọ ghi vbe gha muan yọ.”


“Vbe asọn nii, I gha la otọ Igipt gberra, I ghi gbele emọ ọdiọn ni re ikpia hia vbe otọe nii, kevbe ọghe emwa nagbọn kevbe ọghe emwirri. I gha rri avbe ẹbọ nii rre Igipt oya. Mẹ ọrọre Nọyaẹnmwa.


Uhunmwu ne a gie rre vbe ekpa Igipt ọ re ọna khin. E Nọyaẹnmwa die Igipt, okuku amẹ ọ re ọ zabọ hin dee. Avbe amazẹ Igipt gha guọ zẹzẹzẹ vbe odaro ẹre, udu ivbi Igipt ghi vbe kpaẹn fi ẹko.


Wa ghe vbe iran wa dee nian ighẹ avbe ikpia ni hin ẹsin, ni vbe rre uviẹn eveva, odibo ne ọ bodẹ nii ọ re ọ kha vberriọ, “E Babilọn de guọghua, avbe ẹbọ ne iran gho hia wa rre otọ bẹẹrẹ, ehia rẹnkhẹn uan.”


“Ufomwẹ avbe ẹbọ e Babilọn ọ re ọna khin! A te ka gha gho Bẹl kevbe Nebo yi, banbanna nian, te a ghi kun iran yan ekẹtẹkẹtẹ ihẹ Vbe iyeke aranmwẹ ne egbe wọre.


Avbe amazẹ ne ẹ i sẹtin miẹn egbe iran fan a khọn munọ iran hẹ gha rrie. Ufomwẹ avbe ẹbọ e Babilọn ọ re ọna khin!


Tọn aro mu ghe lẹga, ne u miẹn emwi ne ọ sunu! Emwa ruẹn gha si egbe koko, iran die owa omwa vbene aro na dae i ghẹ me ọ re Osanobua ne ọ rrọọ, wẹ gha ya emwa ruẹn hio zẹ vbene ovbiọha ye ikpẹrọnmwọ itegbe ẹre hio.


Jerusalẹm, wegbe ne u vbe dọlegbe gha kpolo! Ẹvbo nọhuanrẹn ọghe Osanobua, ya ose yọ egbe ruẹ ẹwu. Avbe ni ma yayi i ghi dọlegbe fi owẹ la onurho ruẹ ọvbehe.


Ọ gha mu ẹmwata yọ zẹ vbe ẹwu ematọn okuo, kevbe akhọnmiotọ zẹvbe ẹrhu ẹgere. Ọ gha ye amuegbe ne a ya dọlọ emwi hia yi yọ egbe ẹre ẹwu kevbe ne a ya rri emwa oya ne a ya rria ikhi ye emwi dan ne a ru emwa ẹre.


Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.


Wa ne emwa mwẹ, avbe ọrriọvbe gha ga uwa, iran gha gbearoghe avbe ohuan uwa. Iran gha gbe ugbo rua, iran ghi gha gbe iku ye ugbo azara rua.


(Ọ kere ne uwa tama iran wẹ avbe ẹbọ ni i re ni yii otọ vbe ukhunmwu, a gha guọghọ iran an. Iran i ghi khian gha rrọ vbe ehe rhọkpa vbe agbọn na.)


Iran i mwẹ esa ne iran ye, te ọ kere ne a gha zan iran, a gha fuẹn iran an, vbe Nọyaẹnmwa a ghi fi iran emwi.


Eni avbe emwa ọvbehe ni gha da vbe ukpu ni ọ re ena khin: ọba Igipt, avbe ekhaẹmwẹ kevbe avbe ọkaolotu ẹre, avbe ivbi Igipt hia kevbe avbe erhunmwuyẹn ni rre otọ Igipt hia, avbe ọba ni rre otọe Uz hia, avbe ọba ẹvbo e Filistin hia ighe avbe Askẹlọn, e Gaza, Ẹkrọn kevbe ne ọ ghi dekẹe vbe Asdọd, ivbi Idọm hia, e Moab kevbe Amọn, avbe ọha e Taia kevbe Saidọn, avbe ọba otọe e Meditẹrrenian hia, avbe ore nọkhua Dedan, e Tema kevbe Buz, avbe emwa ni gbe eto iran sikẹ otọ, avbe ọba Arebia hia, avbe ọba ẹwae ni rre ato hia, avbe ọba e Zimri, Ẹlam kevbe Midia, avbe ọba odẹ okuọ hia, ni sikẹ emwa, kevbe ni rrei vbe emwa, ọsegbe ọsegbe, te avbe uhunmwu ẹvbo ni rre otọ agbọn hia gha da vbọ, vbe okiekie ehia, ọba e Babilọn ghi do da vbọ.


Ọ gha guọghọ okuta ne a ma ẹẹn ọghe ighobioye ne ọ rre Heliopolis vbe Igipt, ọ ghi giẹn avbe aro ẹbọ ni rre Igipt sotọ.’ ”


E Nọyaẹnmwa ne Oghodua, ne Osanobua Izrẹl wẹẹ, “I gha rria Amọn ikhi, ẹbọ ne Tẹbes gho, ke ẹe kevbe Igipt, deba avbe ẹbọ ẹre kevbe avbe ọba ẹre. I ra mu ọba Igipt kevbe iran ni mu ẹtin ya rẹn.


“E Moab, ẹtin ruẹn ọ re u mu ẹtin yan kevbe ẹfe ruẹ, sokpan, banban, uhin ighẹ te a ra khọn ruẹn, e Kemọs ne ẹbọ ruẹ gha yo iwe ọ ghi lele ivbi ọba kevbe avbe ohẹn ọnrẹn gha khian.


I gha mu erhẹn ye ekẹn e Damaskọs, I ghi vbe giẹn ẹguae e Bẹnhadad na. Mẹ ne Nọyaẹnmwa ne Oghodua taa ẹe nẹ.”


“Na iyẹn ni ma avbe uhunmwu ẹvbo hia! Ya ẹe go! Mu igiemwi ẹnrẹn ladian ne u vbe ya ẹe na iyẹn! Ghẹ rhie ẹre lẹre zẹ vbe emwi oro! E Babilọn dee guọghua nẹ! E Madok ne ẹbọ ne ọ gho, a duẹ ọre ua nẹ! A fa iran an ighẹ avbe amazẹ e Babilọn! Avbe emwi ne a mannọẹn ne ọ hu ọmwa ẹko, a dunmwu ehia a!


I gha rri e Bẹl ne ẹbọ e Babilọn oya, I ghi ru ẹe ne ọ viọ avbe emwi ne ọ do hẹ ladian. Avbe uhunmwu ẹvbo i ghi ra dọlegbe gho ẹre ọvbehe. “Ekẹn e Babilọn dele.


Ọmwa nagbọn ra aranmwẹ oha ighi ra dọlegbe khian lae gberra. Emwi rhọkpa i ra vbe gha rre evba la ukpo iyeva.


Rhunmwuda ọnii nian, vbenian ọre imẹ ne Nọyaẹnmwa ne Oghodua khare: I ra mu otọ Igipt ne Nebukiadneza ne ọba. Ọ ghi viọ iran emwi, ọ ghi vbe fu iran emwi viọ, ọ ghi viọ ẹfe hia ni rre otọe Igipt zẹ vbe emwi ne a ya ha osa ne ivbiyokuo ẹre.


E Nọyaẹnmwa ne Udazi khare wẹẹ, “I gha guọghọe rua ighe avbe amazẹ kevbe avbe ẹbọ ohoghe ni rre Mẹmfis. A i ghi ra miẹn ọmwa ne ọ gha khaemwisẹ yan Igipt, I gha vbe runran avbe emwa nii hia.


Ọ gha viọ amazẹ avbe ẹbọ iran gha rrie Igipt, deba avbe emwi ne a ya igoru kevbe esiliva ru ne a ya gho avbe ẹbọ nii.


E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.


Asọn ye egbe khian buan nẹ, te ẹdẹ ghi ra gbe. Wa gie ima viọ emwi igbinna ne a ya gbinna vbe uwu uwanmwẹ mwẹ obọ.


Wa ghi mu ẹn yọ ighẹ egbe ọgbọn nii ne a yi zẹ vbe ama ọghe Osanobua, ne ọ vbe rhie egbe ma vbe a rrọọ ọghe ẹmwata ne ọre ne ọ mudia ẹse kevbe ne ọ huanrẹn.


Viọ emwi igbinna okuo ne Osanobua hẹ nuẹn hia ye egbe, ne egbe ruẹ miẹn ehe na rrọọ emwi ero ne Esu ru.


Emwa Osanobua ọre uwa khin, ọ ho ẹmwẹ uwa, ọ keghi vbe hannọ uwa zẹ ne ọ ya ru ọghọe, rhunmwuda ọnii, wa gha mwẹ ekhọe agiẹngiẹn, itohan imuegberriotọ, ọmẹhẹ, ufumwẹ kevbe iziengbe.


Wa ghi rhie ba ena hia, aho ẹmwẹ ọmwa ne ọ re ọza ne ọ gba emwi hia kugbe vbe akugbe ne ọ gbae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ