Jerimaia 43:10 - Edo Bible (E Baibol Ẹdo) Version 1996

¹⁰ Ẹghẹ nii, u ghi ya tama iran wẹẹ, ‘Mẹ ne Nọyaẹnmwa ne Oghodua, ne Osanobua Izrẹl, I gha rhie ẹre gha dee ighe e Nebukiadneza ne ọguọmwadia mwẹ, ọba e Babilọn, ọ ghi gha die emwana, ọ gha mu ẹkete ẹre yan avbe okuta ne u tọnnọ ye evba, ọ ghi vbe tan owa ukpọn ọghe ọba yan rẹn.

Jerimaia 43:10 ပူးပေါင်းရင်းမြစ်များ

I Ọba 20:12

Ehe ne Benhadad kevbe avbe ihua ẹre na da ayọn vbe uwu agọ ukpọn rẹn, ọ re iran na do na iyẹn na ma rẹn. Ọ keghi tama emwa rẹn ne iran ya khọn ẹvbo nii, edọmwadẹ ọghọe keghi mudia ye ihe ẹre.

I Ọba 20:16

Ẹghẹ ogiavan ọre igbinna ya suẹn vbe Benhadad kevbe iran eva yan ọgban ni deba ẹre da ayọn gbe egbe vbe agọ ukpọn iran.

Psalm 18:11

Ọ ya ebiebi gue egbe ẹre, ikpakpa iso ne ọ mwẹ imi kevbe ne ọ vuọn ne amẹ, keghi lẹga ẹre.

Psalm 27:5

Ọ gha degue mwẹ vbe ẹghẹ ibaro ọ gha rhie mwẹ lẹre vbe uwu Ọgua Osa ẹre, vbe ne ai na mwẹ ẹbe. Ọ ghi vbe gie ẹkun sẹ mwẹ otọ vbe uhunmwu okuta ne ọ yo.

Psalm 31:20

U viọ iran lẹre ye ẹbe fo, ọghe ehe ne uwẹ ye hin uma ne emwa si rre. U viọ iran lẹre ye irhu ne ẹi mwẹ ẹbe hin ihẹn ne avbe eghian iran tie rre.

Aizaia 44:28

I tama Sairọs wẹẹ, ‘Wẹ ọrọre ọmwa ne ọ gha ya gha khaemwisẹ mẹ; u gha ru vbene I ho ne u ru: U gha tae wẹ ne a dọlọ bọ Jerusalẹm kevbe wẹ ne a gbe ẹyotọ ọgua Osa.’ ”

Aizaia 45:1

E Nọyaẹnmwa zẹẹ Sairọs nẹ ne ọ rriọba. Ọ vbe zẹẹ ọe nẹ ne ọ gha khọn avbe uhunmwu ẹvbo miotọ; ọ gie ẹẹ ne ọ ya bannọ ẹtin hin obọ avbe ọba rre e Nọyaẹnmwa gha kie urho avbe okpẹvbo ne ẹẹn. E Nọyaẹnmwa tama Sairọs wẹẹ,

Jerimaia 1:15

Rhunmwuda te imẹ ghi tie avbe uhunmwu ẹvbo hia ni rre odẹ okuọ wẹ ne iran gha dee. Avbe ọba iran ghi mu ẹkete iran gbọọ ye onurho e Jerusalẹm, kevbe lẹga ekẹn ne a gbe lẹga ẹre, kevbe yan avbe ẹvbo ni dekẹe vbe Juda.

Jerimaia 43:9

“Munọ avbe okuta ni kọnkọn eso ne u tọnnọ iran ye uwu ehe ne a ya owẹ la vbe onurho ne a la ghe owa enọkhaemwisẹ vbe ore ẹvbo na, u ghi vbe gie eso vbe avbe ivbi Izrẹl bẹghe ruẹ vbe u a gha ru ẹe.

Jerimaia 46:13

E Nebukiadneza ne Ọba e Babilọn ghi mu okuo gha die Igipt, e Nọyaẹnmwa keghi gu mwẹ guaan. Ọ wẹẹ,

Jerimaia 49:38

I gha fuẹn avbe ọba kevbe olotu iran an fẹẹrẹ, I ghi do mu ẹkete mwẹ gbọ ye evba.

Ezikiẹl 5:12

A gha wa uwa ye ihe eha, ohanmwẹ kevbe emianmwẹ gha gbele obọkpa vbọ ye adesẹ ore ẹvbo, a gha ya umozo giagia obọkpa vbọ ye vbe a ladian ore ẹvbo ne, I gha zagha obọkpa ne ọ ghi kẹe vbọ ku ẹhoho, I ghi ya umozo gha khulo iran khian.

Daniẹl 2:21

Rẹn ọ re ọ kha yan ẹghẹ kevbe ukpo; rẹn ọ re ọ ma ọba, rẹn ọ vbe ya iran owẹ yotọ, rẹn ọ re ọ rhie ẹwaẹn kevbe irẹnmwi ne ọmwa.

Matiu 22:7

Ohu keghi mu ọba ni, ọ na gie ivbiyokuo ẹre, iran na ya gbele avbe izigha ni uan, iran na giẹn ẹvbo iran muotọ.