Jerimaia 42:6 - Edo Bible (E Baibol Ẹdo) Version 1996

⁶ Adeghẹ ọ yẹ ima ra ọ ma yẹ ima, ma gha ru vbene Nọyaẹnmwa Osanobua mwa khare ọmwa ne ima wẹ ne u na erhunmwu ghe ne ima. Emwi hia gha ma ima, adeghẹ ma họn ẹmwẹ ne ẹẹn.”

Jerimaia 42:6 ပူးပေါင်းရင်းမြစ်များ

Psalm 128:2

Iwinna ruẹn gha rhie emwi ne u gha re nuẹn, ẹko gha rhiẹnrhiẹn ọn, agbọn gha vbe ma ruẹn.

Psalm 78:36

Sokpan, ohoghe ọ re ẹmwẹ iran hia khin, ẹmwẹ ne iran ta okpa ne ọ sẹ otọ ẹko i rrọ.

Ẹksọdọs 24:7

Ẹre ọna mu ebe ile, ọ na tie ẹre ladian ye emwa nii hia ehọ, iran na kha wẹẹ, “Ma gha ru zẹ vbe iyi hia ne Nọyaẹnmwa yi, ma gha họn ẹmwẹ nẹẹn,”

Aizaia 3:10

Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Jerimaia 22:15

U gha bọlọ owa isida, ne ọ mose sẹ ọghe emwa ọvbehe. Onii gha ya uwẹ khian ọba ne ọ maa sayọ ra? Te erha a wa rrii orhiẹnrhiẹn agbọn rẹn sẹ omwa. Te irẹn wa gha taa ẹmwata, ọ vbe gha ru emwi vbene ọ kei yi, emwi ne ọ ru hia, te ehia wa dunna ne ẹẹn.

Jerimaia 43:4

Rhunmwuda ọnii, ke Johanan kevbe avbe ọkaokuo, kevbe emwa nii, ne ọ ghi zẹye ẹmwẹ ne Nọyaẹnmwa tae wẹ ne iran gha rre otọ e Juda, ẹ ighi rrọọ.

Jerimaia 7:23

Sokpan, I wa tama iran wẹ ne iran gha họn ẹmwẹ mẹ, ne I miẹn ehe na gha ru Osanobua iran, kevbe ne iran vbe gha re emwa mwẹ. I keghi vbe tama iran wẹ ne iran gha ru vbene I tama iran, ne emwi miẹn ehe na gha dunna ne iran.

Ebe ne Pọl gbẹẹn gie emwa Rom 7:13

Ọnii rhie maa wẹ, te emwi ne ọ ma ghi gbe mwẹ uan ra? Hiehiere. Orukhọ ọre ọ ruẹe. Orukhọ keghi ya rhie emwi ne ọ maa mwẹ obọ, ya rhie uwu bu mwẹ gha dee, ne vbene ọ ye hẹ ne a na gha tie ẹre orukhọ, miẹn ehe na vẹ ne agbọn rẹn. Erriọ a miẹn ọẹn wẹ uhi ọre ọ ghi ruẹe, ne orukhọ na dọlegbe khian ne ọ kakabọ re orukhọ sẹ ayọ.

Ebe ne Pọl gbẹẹn gie emwa Rom 7:7

Vbe a ghẹ ghi ta ẹ hẹ yi khekherriọ? We nene Uhi tobọ ẹre ighẹ emwi orukhọ nọ ra? Hiehie re. sokpan nene Uhi ọre ọ ma mwẹ emwi ne ọ re orukhọ, rhunmwuda mẹ i ghẹ te rẹn emwi ne ọ re a ya aro ye emwi ẹrrẹ, akpawẹ nene Uhi ma kha wẹẹ, “Ghẹ ye aro ye emwi ẹrrẹe.”

Ebe ne Pọl gbẹẹn gie emwa Rom 8:7

Rhunmwuda ọnii, a deghẹ egbe zẹ vbene a yiẹe ọre ọ gie odẹ emwi ne ọmwa gha ru ma ọmwa, ọmwa ni khian oghian Osanobua nẹ, rhunmwuda, ẹ i ghi zẹ ye vbene uhi Osanobua kha re, vbe ẹmwata, rẹn i ghi vbe sẹtin zẹ yọ.

Diuteronomi 5:27

Dọlegbe gha khian e Mosis, ne u danmwẹ ehọ ẹmwẹ hia ne Nọyaẹnmwa Osanobua mwa gha ta. U ghi dọlegbe bu mwa gha dee do tama mwa, ma gha danmwehọ ne a vbe ya ẹe gha ru emwi.’

Diuteronomi 5:29

Vbọ rrọọ nian akpawẹ erriọ ekhọe iran ra gha ye ẹdẹ, vbọrrọ akpawẹ iran gha lohan mwẹ ne iran vbe gha rhie uhi mwẹ mwẹ! Ne agbọn miẹn ehe na ma iran kevbe uniẹn ivbi iran ẹdẹdẹmwẹdẹ.

Diuteronomi 5:33

Gha ye ehia ru emwi, ne agbọn miẹn ehe na ma uwa, wa ghi miẹn ehe na gha rre otọ ne uwa ra ya yin khian rhinrin.

Jọsua 24:24

Emwa nii keghi khama e Jọsua wẹẹ, “Ma gha ga e Nọyaẹnmwa Osanobua mwa, ma gha vbe ya uhi ẹre gha ru emwi.”