Jerimaia 42:10 - Edo Bible (E Baibol Ẹdo) Version 1996

¹⁰ ‘A deghẹ wa ho ne uwa ye gha rre otọe na, ẹghẹ nii, I gha dọlọ uwa yi. I i ghi ra vbe rhia uwa a. I gha mu uwa mudia, I i ra silo uwa vbọlọ. Ọkhọ ne I gie ẹe rruan uwa, wa ya ẹko mwẹ rhiaa ẹsẹse.

Jerimaia 42:10 ပူးပေါင်းရင်းမြစ်များ

II Samuẹl 24:16

Ugbẹn vbe odibo e Nọyaẹnmwa ghi te ra fuẹn Jerusalẹm rua, e Nọyaẹnmwa keghi fi ekhọe werriẹ vbe oya ne ọ te rhie emwa ni re, ọ keghi tama odibo Osa nii ne ọ te gbele iran wẹẹ, “Dobọyi! Ọnii sẹe!” Ehe ne odibo Osa nii gha ye keghi re isi okọ ọghe Arauna ne ovbi e Jebus.

Psalm 102:16

Ẹghẹ ne Nọyaẹnmwa gha na dọlegbe bọ e Zaiọn, ọ gha rhie ukpọlọmwẹ irẹn maa.

Psalm 106:45

Ọ rhunmwuda iran ye ile ẹre rre, rhunmwuda ne ọ na kakabọ ho ẹmwẹ iran ọ keghi gbe ibiẹ rriẹ.

Psalm 37:3

Mu ẹtin yan e Nọyaẹnmwa ne u gha ru emwi ẹse, vbe gha yin otọe nii vbe ne ai na mwẹ ẹbe.

Psalm 69:35

Ọ gha miẹn Jerusalẹm fan, ọ ghi dọlọ ẹvbo ni rre Juda bọlọ. Emwa rẹn ghi gha rre evba, iran ghi yan otọe nii, ivbi uniẹn eguọmwadia ẹre gha rri oẹ vbe ukhu.

Ẹksọdọs 32:14

Ẹre Nọyaẹnmwa na fi ekhọe ẹre werriẹ ọ ma ghi gie ẹbe ne ọ te mwamwa khẹ emwa rẹn sunu vbe egbe iran.

Jerimaia 24:6

I gha gbearoghe iran, I ghi vbe viọ iran werriegbe gha die otọe na. I gha mu iran kpaegbe, I i ra vbe siẹn iran kua. I gha gbọ iran, I i ra vbe silo iran vbọlọ.

Jerimaia 26:19

E Hẹzekaia kevbe ivbi e Juda ma gbe Maika ua sokpan, e Hẹzekaia keghi gha mwẹ e Nọyaẹnmwa ọghọ, ọ na gha ho ne ọ miẹn aro nọ maa vbe obọ ẹre. E Nọyaẹnmwa keghi fi ekhọe werriẹ vbekpa ọkhọ ne ọ te wẹ ne ọ rruan iran. Ghe nian, ma ra ye obọ ima si ọkhọ rri egbe ima uhunmwu.”

Jerimaia 27:11

Sokpan ẹvboikẹvbo ne ọ kue ne ọ gha ga gie ọba Babilọn, ọ na gele gha ga ẹe, I gha kue ne ọ gha rre otọ ẹre tobọ ẹre, ne ọ gha gbe ugbo vbe evba, ne ọ vbe gha rre evba. Mẹ ne Nọyaẹnmwa ọre ọ tae.”

Jerimaia 31:28

Zẹ vbene I wa mu aro yọ ne I vbọlọ kua, ne I siẹn gbotọ, ne I sua guọghua, ne I fuẹn ọnrẹn uan kevbe ne I rẹnkhẹn iran, erriọ ọ re I gha wa vbe mu aro yọ ne I kọ iran kevbe ne I bọlọ iran.

Jerimaia 33:7

I gha ya Juda kevbe Izrẹl khian ne agbọn marẹn ẹsẹse, I ghi dọlọ iran bọ ne iran do gha ye vbene iran ka gha ye ẹghẹ ne ọ gberra.

Jerimaia 43:4

Rhunmwuda ọnii, ke Johanan kevbe avbe ọkaokuo, kevbe emwa nii, ne ọ ghi zẹye ẹmwẹ ne Nọyaẹnmwa tae wẹ ne iran gha rre otọ e Juda, ẹ ighi rrọọ.

Ezikiẹl 36:36

Ẹghẹ nii, avbe ẹvbo ni yin lẹga ẹre, ni miẹn uhunmwu vbọ gha rẹn wẹ, mẹ ne Nọyaẹnmwa, sẹtin dọlọ ẹvbo ne a rẹnkhuan bọ, I ghi vbe ye otọe ne a mu rhia gbe ugbo. Mẹ ne Nọyaẹnmwa tae nẹ wẹ I gha ru emwi na, te I ra gele ru ẹe.”

Hozia 11:8

“Vbe I a ghi ra he uwẹ fua hẹ Izrẹl? Vbe I a ghi ra sẹtin fi iyeke gbuẹ hẹ? Mẹ gha sẹtin fuẹn uwẹ ua zẹ vbe Adma ra? Ra ne I ru uẹ vbene I ru Zẹboim? Ekhọe i sẹ mwẹ ya ru ẹe ahoẹmwọmwa mwẹ ghe ruẹ kpọlọ gbe.

Joẹl 2:13

“Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Emọs 7:3

E Nọyaẹnmwa keghi fi ekhọe werriẹ, ọ keghi kha wẹẹ, “Emwi ne u miẹn i ghi ra sunu.”

Emọs 7:6

E Nọyaẹnmwa keghi vbe fi ekhọe werriẹ ọ wẹẹ, “Ọna i ghi ra vbe sunu.”

Jona 3:10

Osanobua keghi miẹn emwi ne iran ru, ọ miẹn wẹ iran mu uyinmwẹ dan iran fua. Rẹn keghi rhunmwuda ọnii fi ekhọe werriẹ, ọ ma ghi rri iran oya vbene ọ te wẹ rẹn gha ru.

Jona 3:4

E Jona keghi gha la ẹvbo ni khian, Ọ ghi khian okhian ẹdẹ hoho nẹ, ọ wẹẹ, “Vbe ọ te sẹ ikpẹdẹ iyeva, a gha fuẹn Ninevi ua!”

Jona 4:2

Rẹn keghi rhunmwuda ọnii na erhunmwu wẹẹ, “E Nọyaẹnmwa, I ma ta ẹmwẹ na vbe I te kpao vbe owa wẹ erriọ u ra ru emwi na. Ọnii ọ si ẹe ne I na hia vbe odẹikodẹ ne I lẹ gha rrie Spen. I rẹnrẹn ighe Osanobua ne ọ mwẹ aho ẹmwẹ ọmwa kevbe itohan ọre uwẹ khin, u vbe zin egbe, u vbe mwẹ ẹnina, u vbe mu egbe vbe ẹghẹ hia ne u ya fi ekhọe werriẹ ne u ghẹ rri ọmwa oya.

Iwinna 15:16

“ ‘Vbe iyeke ọnọna, I gha werriegbe rre, erriọ Nọyaẹnmwa khare. I gha mu owa Devid ne ọguọghọe kpao, I ghi dọlọ ehe ne ọ na rhia yi, I ghi dọlegbe bọ ẹe.

Diuteronomi 32:36

E Nọyaẹnmwa gha miẹn emwa rẹn fan, vbe ọ gha miẹn wẹ ẹtin fo iran nẹ, ọ gha tohan iran ni ga ẹe, vbe ọ gha miẹn ibozẹghẹ ọ re ọ ghi ke ẹe.

Giọgis 2:18

Ẹghẹikẹghẹ ne Nọyaẹnmwa ya rhie ọkaolotu ne iran, ọ ghi yi ẹre obọ, ọ ghi miẹn emwa rẹn fan vbe obọ avbe eghian iran vbe ẹghẹ ne ọkaolotu gha ya vbe agbọn. E Nọyaẹnmwa keghi tohan iran rhunmwuda, iran da tie ẹre vbe ẹghẹ oya kevbe ukpokpo.