Jerimaia 40:8 - Edo Bible (E Baibol Ẹdo) Version 1996

⁸ Ẹre Ismaẹl ne ovbi e Natanaia, e Johanan ne ovbi e Karea, e Seraia ne ovbi e Tanhumet, avbe ivbi Efaia ni ke Nẹtofa rre, kevbe Jezenia ne ọ ke Maaka rre na bu e Gedalaia gha rrrie Mizpa.

Jerimaia 40:8 ပူးပေါင်းရင်းမြစ်များ

II Samuẹl 10:6

Ivbi Amọn wa rẹn wẹ te iran ho e Devid ẹmwẹ, iran na ya viọ ivbiyokuo arriaisẹn ugie (20,000) vbe Siria kevbe Betrehob kevbe Zọba, arriaisẹn iweva (12,000) vbe Tob deba ọba Maaka ke ẹe kevbe ivbiyokuo arriaisẹn (1,000).

II Samuẹl 10:8

Ivbi Amọn keghi ladian, iran na ya ghae ye onurho Raba ne igiogbe ẹvbo nii, vbene iran ni dekẹe, avbe ivbi e Siria kevbe Tob kevbe Maaka na ya ghae ye ehe ni vbẹ aro lẹga ẹvbo nii.

II Ọba 25:23

Ugbẹn vbe ivbi iyokuo e Juda ni ma viọ egbe iran yan iran obọ, kevbe avbe ọkaokuo ghi họn, iran keghi ya deba e Gedalaia vbe Mizpa iran na kegha re Ismaẹl ne ovbi e Nẹtanaia, Johanam ne ovbi e Karea, Seraia ne ovbi e Tanhumet ne ovbi ẹvbo ne a tie ẹre Nẹtofa, kevbe Jezenia ne ọ ke Maaka rre.

II Ọba 25:25

Sokpan, ọ ghi sẹ uki ne ogihinrọn ọghe ukpo nii, Ismaẹl ne ovbi e Nẹtanaia kevbe eyẹ Elisiama ne ọ vbe re usun ivbi ọba, keghi viọ arhin igbe mwẹ obọ gha rrie Mizpa, iran keghi dekun e Gedalaia, iran na gbe ẹe rua. Ọ kevbe gbele ivbi Izrẹl kevbe ivbi e Babilọn ni gu ẹe gha rre evba.

I Krọnikol 2:48

E Kelẹb kevbe zẹ ọse ọvbehe ne a tie ẹre Maaka, ọ na biẹlẹ emọ ikpia eva ne ẹẹn, ena ọ re Siẹba kevbe Tehana.

I Krọnikol 2:54

E Saima ne ọ bu e Bẹtlẹhẹm ọ re ọ vbe re erha odede ọghe emwa Netofat, Atrọt Bẹt Joab kevbe emwa Zorit ne vbe re ọkpa vbe uwu ẹwae eva ni gha rre Manahat.

Ẹzra 2:2

Avbe ọkaolotu iran kegha re Zerubabẹl, e Jọsua, Nehimaia, Seraia, Rilaia, e Modekai, e Bilsian, e Mispa, e Bigvai, e Rehum kevbe Baana. Eni avbe uniẹn ivbi Izrẹl, deba eni emwa nii, kevbe dọmwadẹ uniẹn ni ke iwe rre.

Nehimaia 7:26

Emwa eso ne avbe erha iran odede yin avbe ẹvbo na, vbe rre: E Bẹtlẹhẹm kevbe Nẹtofa — iweva irrọvbe uri (188) Anatọt — erẹnrẹn yan iyehan (128) Bẹt Azmavẹt — evayan iyeva (42) E kirriat Jearim, Kiefira kevbe Beẹrọt — eha yan ikiọkhọe yan arriaeha (743) E Rama kevbe Geba — ọkpa yan ugie yan arria eha (621) E Mikmas — evayan iyehan (122) E Bẹtẹl kevbe Ai — eha yan iyehan (123) E Nibo nọkpa — eva yan ekigbesiyeha (52) Ẹlam nọkpa — enẹ yan ekigbesiyeha yan arria ehan (1,254) E Harim — iyehan yan uri (320) E Jẹriko — isẹn yan ikiọkhọe yan uri (345) E Lọd, e Hadid kevbe Ono — ọkpa yan iyehan yan arriaehan (721)

Jerimaia 37:15

Ohu mwẹ keghi wa mu iran hia ẹsẹse, iran na giee ne a gbe mwẹ, iran na ya mu mwẹ khui ye owa e Jonatan ne ọgbenbe ẹguae, ne a ghi ya owa ẹre ru ẹwẹdọ.

Jerimaia 37:20

Banbanna nian, lahọ danmwehọ mwẹ Umogun, ne u vbe ru vbene I ra tama ruẹn. Lahọ ghẹ ghi rhie mwẹ werriegbe gha rrie eghan ne ọ rre owa e Jonatan. U gha rhie mwẹ gha khian, I gha wu ye evba.”

Jerimaia 38:26

U ghi tama iran wẹ te u gha rinmwian mwẹ ne I ghẹ dọlegbe rhie ruẹ gha rrie ẹwẹdọ ne u ya wu ye evba.”

Jerimaia 40:11

Vbe ẹghẹ ne a kha na avbe ivbi Izrẹl hia ni rre Moab, Amọn, Idọm kevbe avbe ẹvbo ọvbehe keghi họọn wẹ ọba e Babilọn kue ne ivbi Izrẹl eso ye gha rre Juda, kevbe wẹ ọ ya Gedalaia ru ne ọkhaemwisẹ yan iran.

Jerimaia 40:13

Vbe iyekọna, e Johanan kevbe avbe ọkaolotu ivbiyokuo ni ma rinmwian, keghi bu e Gedalaia gha dee.

Jerimaia 40:14

Iran tama rẹn wẹẹ, “U ma rẹn nian wẹ e Balis ne ọba Amọn gie Ismaẹl wẹ ne ọ do gbe uẹ ua.” Sokpan, e Gedalaia ma yayi.

Jerimaia 40:15

Ẹre Johanan na hẹko tama rẹn wẹẹ, “Gun mwẹ ya gbe Ismaẹl rua, ọmwarhọkpa i vbe rẹn ọmwa ne ọ ru ẹe. Vbọzẹ ne a gha na rhie otọ ne ẹẹn ne ọ ya gbe uẹ ua. Ọnii gha zagha avbe Ju ni te do lẹga ruẹ na hia kua, ọ ghi vbe si ọfuan gie emwa hia ni rre Juda.”

Jerimaia 40:6

I keghi bu e Gedalaia vbe Mizpa, I na gu avbe emwa ni ghi kẹe vbe ẹvbo nii tota.

Jerimaia 41:1

Vbe uki ne ogihinrọn ọghe ukpo nii, Ismaẹl ne ovbi e Natanaia kevbe eyẹ Elisiama, okpa vbe uniẹn ivbiọba, kevbe okpa vbe uwu avbe ekhaẹmwẹ nekhua ọghe ọba, keghi viọ arhingbe ba egbe ne iran ya miẹn e Gedalaia ne Nọkhaemwisẹ. Ehe ne iran hia na wa gha rri evbare nii.

Jerimaia 41:11

E Johanan kevbe avbe ọkaokuo ni gu ẹe rre evba keghi họn uza ne Ismaẹl do.

Jerimaia 41:2

Ismaẹl kevbe arhingbe ni gu ẹe rre evba nii keghi yuolo umozo iran ladian, iran na gbe Gedalaia a.

Jerimaia 42:1

Ẹre avbe ọkaokuo hia, deba ẹ Johanan ne ovbi e Karea kevbe Azaraia, ne ovbi e Hosiaia na viọ emwa ughughan ni rre ukpo ughughan gha dee,

Jerimaia 42:8

Rhunmwuda ọnii, I keghi tie Johanan, avbe ọkaokuo hia ni gu ẹe rrọọ kevbe emwa nekpa hia.

Jerimaia 43:2

Ẹre Azaraia ne ovbi e Hosiaia, kevbe Johanan ne ovbi e Karea, kevbe avbe emwa nii hia nekpa fẹẹrẹ na tama mwẹ wẹẹ, “Ohoghe ọ re u ta, e Nọyaẹnmwa ne Osanobua mwa ma gie uẹ ne u tama ima wẹ ne ima ghẹ gha rrie Igipt ne a ya yin odọ nii.

Jerimaia 43:5

Rhunmwuda ọnii, e Johanan, kevbe avbe ọkaokuo keghi viọ emwa ni ghi kẹe vbe Juda gha rrie Igipt, deba avbe emwa ni ke dọmwadẹ uhunmwu ẹvbo ne a zagha iran kui gha dee.

Diuteronomi 3:14

E Jea ne ovbi ẹwae Manasẹ keghi mu iwewe Agọb hia, ọnii nọ wẹ e Basian rhinrin ya sẹ uwu ọghe Gẹsiọ kevbe Maaka, ọ keghi he avbe igue ni rrọọ hia eni gi egbe irẹn, igue Jea ọ re a ye tie iran do sẹ ẹdẹnẹrẹ na.)

Jọsua 12:5

Otọ arriọba ẹre keghi sẹ Oke Hẹmọn, Saleka kevbe Basan hia, rhinrin ya sẹ Gẹsiọ kevbe uwu avbe Maka deba obọkpa vbe Giliad rhinrin ya sẹ otọ Saihọn ne ọba Hesbọn.