Jerimaia 40:11 - Edo Bible (E Baibol Ẹdo) Version 1996

¹¹ Vbe ẹghẹ ne a kha na avbe ivbi Izrẹl hia ni rre Moab, Amọn, Idọm kevbe avbe ẹvbo ọvbehe keghi họọn wẹ ọba e Babilọn kue ne ivbi Izrẹl eso ye gha rre Juda, kevbe wẹ ọ ya Gedalaia ru ne ọkhaemwisẹ yan iran.

Jerimaia 40:11 ပူးပေါင်းရင်းမြစ်များ

Gẹnẹsis 36:8

Ẹre Isọ ghi na ya yin ẹvbo oke ọghe Idọm.

Aizaia 11:14

Iran gha koko dekun e Filistia ni rre odẹ ọlarrie owẹn, iran ghi vbe fu iran ni rre odẹ ahọ emwi viọ. Iran gha khọn ivbi Idọm kevbe Moab, ivbi Amọn ghi gha họn ẹmwẹ ne iran.

Aizaia 16:4

Gie ima di otọ uwa ya. Wa degue ima ne obọ iran ni ho ne iran fuẹn ima an ghẹ gba ima.” (A zẹ ọmwa kpokpo kevbe ọfuan gha sẹ ufomwẹ, iran ni vbe mu ẹvbo rhia gha kpao).

Jerimaia 24:9

I gha gie ẹe sẹ vberriọ wẹ ẹvbo uhunmwu otọ agbọn hia gha runran. Emwa gha ya iran gbogiẹ, ya iran gbe ọdẹn a ghi vbe gha ya eni iran tie ihẹn vbe eheikehe ne I zagha iran gha rrie.

Jerimaia 41:10

Iyekọnii, ọ keghi viọ avbe ivbi ọba nikhuo oghunmwu, deba avbe emwa ni ghi dekẹe vbe Mizpa, avbe emwa ne Nebuzaradan ne arowa ivbiyokuo viọ ne Gedalaia ne ọ gha gbearoghe. Ismaẹl keghi viọ ehia oghunmwu, ọ na de yan okhian ghe odẹ otọ Amọn.

Jerimaia 43:5

Rhunmwuda ọnii, e Johanan, kevbe avbe ọkaokuo keghi viọ emwa ni ghi kẹe vbe Juda gha rrie Igipt, deba avbe emwa ni ke dọmwadẹ uhunmwu ẹvbo ne a zagha iran kui gha dee.

Jerimaia 43:6

Avbe ikpia kevbe ikhuo, ibiẹka kevbe avbe ivbi ọba nikhuo. Iran keghi viọ emwa hia ne arowa ivbiyokuo ighe Nebuzaradan te sẹrae ne Gedalaia gha gbearoghe, kpao kevbe Barọk, kevbe imẹ.

Ezikiẹl 25:12

E Nọyaẹnmwa ne Udazi khare wẹẹ, “Ivbi Idom wa rria ivbi e Juda ikhi dan, irria ikhi Ọ re ọ ghi ya ivbi Idọm khian ne ọ rriabe kpee vbotọ.

Ezikiẹl 25:2

“Ovbi ọmwa. Ta ku ẹvbo nii ighe Amọn.

Ezikiẹl 25:6

“Vbenian ọre Nọyaẹnmwa ne Udazi khare: Wa kpee obọ, wa na san ghe ukhunmwu ne oghọghọ. Wa keghi zan otọe Izrẹl.

Ezikiẹl 25:8

E Nọyaẹnmwa ne Udazi keghi kha wẹẹ, “Rhunmwuda ne Moab na kha wẹ te Juda vbe yevbe avbe uhunmwu ẹvbo nekpa.

Ezikiẹl 34:6

Avbe ohuan mwẹ kegha zozo lele avbe oke ni yo hia kevbe avbe oke nekhua, a zagha iran gba otọe hia, a ma miẹn ọmwa ne ọ gualọ iran, ra ne ọ gualọ iran miẹn.’

Ezikiẹl 35:15

zẹ vbene uwẹ vbe ghọghọ ye ọfuan ọghe Izrẹl ne emwi obọ mwẹ. E Sẹa ne oke nọkhua, ẹn, kevbe otọe Idom hia gha dihoi rua. Ẹghẹ nii, emwa hia gha do rẹn ighe mẹ ọrọre Nọyaẹnmwa.”

Ezikiẹl 35:5

“Oghian ne ẹ i mwẹ erọkhọrọkhọ ọ re uwa gha khin Izrẹl re, wa keghi gie emwa gha lọkọ emwa rẹn vbe ẹghẹ odekun ẹrhia; ẹghẹ ne a na rria ẹre ikhi ọfovbotọ ye orukhọ ne ọ ru.

Ezikiẹl 5:12

A gha wa uwa ye ihe eha, ohanmwẹ kevbe emianmwẹ gha gbele obọkpa vbọ ye adesẹ ore ẹvbo, a gha ya umozo giagia obọkpa vbọ ye vbe a ladian ore ẹvbo ne, I gha zagha obọkpa ne ọ ghi kẹe vbọ ku ẹhoho, I ghi ya umozo gha khulo iran khian.

Ezikiẹl 5:3

Viọ eto eso kherhe hin rre, u ghi rri ẹe ye abọ ukpọn ruẹn.

Nọmbas 22:1

Ivbi Izrẹl ghi si okhian, iran na ya yakọ vbe otọ ne ọhẹnhẹn ọghe Moab, vbe odẹ ahọ ọghe Jọdan ne ọ mu aro da Jẹriko.

Nọmbas 25:1

Ivbi Izrẹl ghi bu agọ ye Ehanhan Akesia, ikpia ni rrọ kegha gu avbe ikhuo e Moab ni rre evba ru emwi.

Nọmbas 25:2

Avbe ikhuo na keghi wẹ ne avbe ikpia na do tuẹ iran vbe emwiukpo izọese, ehe ne iran na gho ẹbọ Moab. Avbe ivbi Izrẹl keghi rri evbare nii, iran na vbe ga nene ẹbọ,

I Samuẹl 11:1

Ọ ghi rre uki ọkpa, e Nahas ne ọba Amọn keghi mu okuo gie Jabẹs ne ọ rre otọ Giliad. Ivbiyokuo ẹre keghi lẹga ẹvbo nii, ọ re ivbi e Jabẹs na khama Nahas wẹẹ, “Gie ima do gba ta ẹe kugbe, ma gha kue ne u gha khaemwisẹ yan ima.”

I Samuẹl 12:12

Wa ghi vbe miẹn wẹ e Nahas ne ọba Amọn mu egbe ne ọ gu uwa gbinna, wa keghi he e Nọyaẹnmwa zẹ vbe ọba uwa, wa keghi tama mwẹ wẹẹ,