Jerimaia 40:10 - Edo Bible (E Baibol Ẹdo) Version 1996

¹⁰ Mẹ tobọmwẹ gha mudia vbe Mizpa ne I gha ta ne unu uwa vbe ivbi e Babilọn a rre. Sokpan, wa sẹtin gualọ ayọn gha viọ hin rre, kevbe emwiokọ kevbe ofigbọn oliv, ne uwa vbe yin avbe igue ne uwa ye.”

Jerimaia 40:10 ပူးပေါင်းရင်းမြစ်များ

II Samuẹl 16:1

Ugbẹn vbe Devid ghi ya ekherhe gberra ehe ne oke nii na yo sẹ nẹ, e Ziba ne ọguọmwadia e Mẹfibosiẹt keghi do vba ẹre vbe udomwurri, ọ keghi ya ẹsin eva mu ududu ebrẹd uri gha dee ke ẹe kevbe ititi ọmọ erhan ne a kare iyisẹn, ititi ọmọ erhan ne a ma ka iyisẹn, kevbe ọgọ ayọn ohian ọkpa.

I Ọba 10:8

U miẹn uhunmwu esi ne ikhuo ne u viọre mwẹ! U miẹn uhunmwu esi ne iran mwẹ ighẹ avbe eguọmwadia ruẹ ni mudia ke uẹ ne iran gha họn ẹmwẹ ẹwaẹn ne u ta vbe ẹghẹ hia.

Itan 22:29

Ma mwẹ ọmwa ne ọ winna iwinna rẹn ẹse, I gha vbe ma ruẹn ọmwa ne ọ maa sẹẹ emwa nibun kevbe ọmwa ne ọ sẹe ne ọ gha gu ọba tota.

Itan 27:25

U ghẹghi gia irunmwu ẹsin nẹ, u ghi gbẹn irunmwu ni rre ọkpẹn oke vbene avbe irunmwu ẹsin ni wa vbe ya wan dee.

Aizaia 16:9

Banbanna nian, I viẹ ugbo azara e Sibma, I vbe viẹ Jazẹ. Ameve rhọ vbe aro mwẹ ne Hesbọn kevbe Elealẹ rhunmwuda, emwiorhọ i rrọọ ne ọ gha ya ẹko avbe emwa nii gha rhiẹnrhiẹn.

Jerimaia 35:19

Rhunmwuda ọnii mẹ ne Nọyaẹnmwa ne Oghodua ne Osanobua Izrẹl vbe yan nẹ wẹ a i ra miẹn ẹdẹ we ovbi e Rekab ne okpia ma gha rrọ ne ọ gha ga mwẹ.”

Jerimaia 39:10

Ọ keghi sẹ usun iran ni ghi ru ivbiogue sẹẹ rae ye Juda, avbe emwa ne ẹ i mwẹ emwi rhọkpa, ọ keghi munọ ogba azara kevbe oha ne iran.

Jerimaia 40:12

Iran keghi rhunmwuda ọnii kpao vbe avbe ehe ne iran te ka zagha lele, iran na werriegbe gha die Juda. Iran keghi bu e Gedalaia gha die Mizpa, iran keghi si ayọn kevbe emwiokọ ọrhẹnrhẹn gbo vbe evba.

Jerimaia 40:6

I keghi bu e Gedalaia vbe Mizpa, I na gu avbe emwa ni ghi kẹe vbe ẹvbo nii tota.

Jerimaia 43:5

Rhunmwuda ọnii, e Johanan, kevbe avbe ọkaokuo keghi viọ emwa ni ghi kẹe vbe Juda gha rrie Igipt, deba avbe emwa ni ke dọmwadẹ uhunmwu ẹvbo ne a zagha iran kui gha dee.

Jerimaia 48:32

I gha viẹ ivbi e Sibma, sẹẹ ivbi Jaza. Orẹ nọkhua e Sibma, te u yevbe azara ne abọ ẹre niẹn fian Okun Nọbaa rraa, rhinrin ya sẹ Jaza. Sokpan, banbanna nian, a fuẹn ọnrẹn uan ighe ọmọ ne u mọ vbe ẹghẹ uyunmwu deba alimo ruẹ hia.

Maika 7:1

Ẹ i zẹdẹ maa, hiehie re! Te I ghi wa ye vbe ọmwa ne ohanmwẹ gbe ne ọ ma miẹn ọmọ erhan vbe uhunmwu erhan ra alimo ayọn vbe uhunmwu azara. Alimo ayọn hia kevbe avbe ọmọ erhan ni rhiẹnrhiẹn, iran kọlọ ehia fo nẹ.

Iyẹn ne ọ Maan Ọghe Luk 21:36

Wa gha begbe, wa gha na erhunmwu ne uwa miẹn orhiọn ya ye egbe miẹn emwi na hia ni ra sunu, ne uwa vbe mudia vbe odaro Ovbi Ọmwa.”

Diuteronomi 1:38

Sokpan e Jọsua ne ovbi Nọn ne ọ yuẹ obọ gha sẹ ọe. U ghi rhie igiọdu ne Jọsua, ọ gha su ivbi Izrẹl ne iran ya yin otọe nii.’

Diuteronomi 16:13

“Wa ghẹ ghi rhọ ọka uwa fo nẹ, ighẹ wa vbe ru ẹmwẹ alimo fo nẹ, wa ghi ya ikpẹdẹ ihinrọn ru Emwiukpo Irhu.