Jerimaia 4:31 - Edo Bible (E Baibol Ẹdo) Version 1996

³¹ I họn urhu eve ọkpa, ọ yevbe ọghe okhuo, ne emwi ubiẹmwẹ ru, vbe ọ khian biẹ ọmọ okaro. Utumwẹ e Jerusalẹm nọ, ọ gha hẹwẹ ukuke, o nien obọ ladian gha kha wee, “I wiri! Iran ra do gbe mwẹ uan.”

Jerimaia 4:31 ပူးပေါင်းရင်းမြစ်များ

Gẹnẹsis 27:46

Ribẹka keghi tama Aizik wẹẹ. “Egbe ikhuo eghọẹn ne Isọ viọre wọ mwẹ, ẹtin iran fo mwẹ. A i ghẹ miẹn wẹ te Jekọb ghi vbe rhie vbe ivbi e Hiti na, ọnii ọre I ghi na wu!”

Job 10:1

“Agbọn khan mwẹ nẹ, Danmwehọ ẹzọ orriara ne I gui.

Psalm 120:5

A gha gu uwa yin te ọ yevbe ne ọmwa rre Mẹsiẹk ra ne a rre uwu ẹbu avbe ivbi e Keda.

Aizaia 1:15

“Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Aizaia 13:8

Ehia gha runran, obalọ ghi la iran egbe, zẹ vbe obalọ okhuo ne emwi ubiẹmwẹ ru. Iran gha ya ohan tanro ye egbe egbe, ekhue ghi giẹn iran aro hia a.

Aizaia 21:3

Emwi ne I họẹn kevbe ne I miẹn vbe umian nii, sii ohan kevbe obalọ yọmwẹ egbe, obalọ ne ọ yevbe ọghe okhuo ne emwi ubiẹmwẹ ru.

Aizaia 26:17

Nọyaẹnmwa, wẹ ọ re ọ ya ima tu ladian zẹ vbene okhuo ne emwi ubiẹmwẹ ru tu ladian vbe obalọ.

Aizaia 42:14

Osanobua khare wẹẹ, “Ọ kpẹre ne I ghi hunwan, I ma zẹ ye emwa mwẹ ẹre. Eban nian, ọ sẹe ne I gha ya guan yọ ọ I datu zẹ vbe okhuo ne emwi ubiẹmwẹ ru.

Aizaia 6:5

Mẹ keghi kha wẹẹ, “I wiri! Ọghomwẹ fo nẹ, rhunmwuda ẹmwẹ ne ọ rhirhi ke akhuarhamwunu mwẹ ladian, orukhọ nọ, uwu ẹbu emwa ne ẹmwẹ ne iran guan hia wa vbe re orukhọ ọ re I ye. Sevba, mẹ keghi ye aro mwẹ bẹghe Ọba, e Nọyaẹnmwa ne Oghodua.”

Jerimaia 10:19

Ivbi e Jerusalẹm keghi datu wẹẹ, “A kuan mwa, obọ da mwa ẹsẹse! Ẹwẹn ima i ra rrie! Ma te gha ro ighe emwi ne egbe mwa gha rrọ ọ re ọna khin.

Jerimaia 13:21

A deghẹ avbe emwa ne u tie ẹre ọse ruẹ ghi khọn ruẹn, iran na gha khaemwisẹ yan ruẹn, vbe u a ra kha hẹ. U ghi do gha rre uwu obalọ, zẹ vbe okhuo ne emwi ubiẹmwẹ ru.

Jerimaia 14:18

I gha la uwu oha, I ghi gha miẹn ikun emwa ne a gbele vbe okuo, I gha la adesẹ ore, I ghi gha miẹn emwa ne ohanmwẹ ghi ra ghe ua. Avbe akhasẹ kevbe avbe ohẹn wa winna iwinna iran khian, sokpan, iran ma rẹn emwi ne iran ru.”

Jerimaia 15:18

De emwi ne I rrioya khian ba? Vbọzẹ ne ẹwẹn mwẹ i na mwẹ ukhunmwu? Vbọzẹ ne iran i na rrie? Te uwẹ ho ne u hiẹ mwẹ ra zẹ vbe ẹzẹ ne ọ kae vbe ẹghẹ uyunmwu?”

Jerimaia 18:21

Sokpan, banbanna nian Nọyaẹnmwa gie ohan gbele ivbi iran an, gie okuo gbele iran. Gie ọdọ wulo avbe ikhuo ni rrọọ, kevbe emọ. Gie emianmwẹ gbele avbe ikpia ni rrọọ, ne avbe igbama ni rrọọ wulo ye okuo.

Jerimaia 22:23

Ẹkun te wa sẹ uẹ otọ vbe uwu ẹbu sida ne a viọ ke Lebanọn rre sokpan, nian, ọ so uẹ vbe obalọ a vba ruẹ, obalọ ne ọ yevbe ọghe okhuo ne emwi ubiẹmwẹ ru.

Jerimaia 30:6

Banbanna nian, wa mudia ne uwa ro iro. Okpia gha hanmwa ọmọ biẹ ra? Vbọzẹ ne I na bẹghe avbe ikpia yi ni viọ obọ yan ẹko iran, vbe okhuo ne emwi ubiẹmwẹ ru? Vbe ehia ghi na fua banbanban hẹ?

Jerimaia 45:2

Wẹ e Nọyaẹnmwa ne Osanobua Izrẹl khare wẹẹ, “Barọk.

Jerimaia 48:41

A ghi vbe khọn mu avbe okpẹvbo kevbe ehe ne a gbe odin gaa ni rrọ hia. Vbe ẹdẹ ne ẹdẹrriọ, avbe ivbiyokuo e Moab ghi gha guọ zẹzẹzẹ vbe okhuo ne emwi ubiẹmwẹ ru.

Jerimaia 49:22

Avbe eghian gha hẹrhu e Bozra zẹ vbe oghohọn ne ọ vin ghe otọ kẹe ke ifuẹn ne a rhanrẹn vbe ẹdẹ ne ẹdẹrriọ, ivbiyokuo Idọm ghi gha guọ zẹzẹzẹ zẹvbe okhuo ne emwi ubiẹmwẹ ru.”

Jerimaia 49:24

Te ivbi e Damaskọs ghi mitan, iran ye afianma lẹ kua. Iran rre uwu obalọ kevbe omanọ, zẹvbe okhuo ne emwi ubiẹmwẹ ru.

Jerimaia 50:43

Ọba e Babilọn họn ẹmwẹ na, obọ ẹre keghi luẹluẹ, akhiẹ dan dekun ẹnrẹn obalọ ne ọ yevbe ọghe okhuo ne ọ ra biẹ.

Jerimaia 6:2

Ore nọkhua ighe Zaiọn wa mose sokpan a gha dunmwu ẹẹn ruan.

Eve Orriara 1:17

“I niẹn obọ ladian, sokpan, a ma miẹn ne ọ yọmwẹ obọ. E Nọyaẹnmwa tie oguo avbe eghian yọmwẹ egbe vbe igienenẹ; iran keghi ru mwẹ emwi oya vbe ekẹkhẹrhẹ.

Eve Orriara 1:20

“E Nọyaẹnmwa, ghe obalọ ne I ye, ghe obalọ ekhọe mwẹ, ẹkoko udu mwẹ vua ba akhiẹ, ne I khiẹ ye orukhọ. Iran wa do izigha vbe adesẹ ore ẹvbo, a gha sẹ uwu owa, uwu vbe rre evba.

Eve Orriara 2:21

Ke ibiẹka kevbe eniwanrẹn, ehia wulo lele otọ vbe adesẹ ore ẹvbo. Avbe igbama kevbe ivbialeke ne umozo avbe eghian gbele ua. Ẹdẹ ne ohu mu uwẹ u keghi rẹnkhẹẹn iran an vbe ne a i na mwẹ itohan.

Hozia 13:13

Ẹghẹ te wa gha rrọ ne Izrẹl gha na miẹn uhunmwu, sokpan ukọnmwẹ ma gie ẹe lo ẹre, ọ yevbe ọmọ ne a ra biẹ ne ọ wẹ rẹn ighi ke ẹko ladian.

Maika 4:10

Wa gha mannọ egbe ne uwa gha rriakọn, zẹ vbe okhuo ne ọ ra biẹ, wa ne ivbi e Jerusalẹm, rhunmwuda, te uwa ghẹ ghi kpao hin adesẹ ore rre, ne uwa ya di oha ya. Te uwa ghẹ ghi yo e Babilọn nian, sokpan, evba nii ọ re Nọyaẹnmwa ra na ya fannọ uwa ye otọ vbe ohọ eghian uwa.

Maika 4:9

Vbọzẹ ne u na go gboo vberriọ yi? Vbọzẹ ne u na rri oya zẹ vbe okhuo ne emwi ubiẹmwẹ ru? Rhunmwuda ighe wa i mwẹ ọba nọ ra, kevbe wẹ avbe iran ni gu uwa zẹ iro vbe wulo?

Maika 7:1

Ẹ i zẹdẹ maa, hiehie re! Te I ghi wa ye vbe ọmwa ne ohanmwẹ gbe ne ọ ma miẹn ọmọ erhan vbe uhunmwu erhan ra alimo ayọn vbe uhunmwu azara. Alimo ayọn hia kevbe avbe ọmọ erhan ni rhiẹnrhiẹn, iran kọlọ ehia fo nẹ.

Matiu 21:5

“Wa khama Zaiọn ne okpẹvbo, ọba ruẹ bu ruẹ dee nian. Ọmẹhẹ ne ọ hin ekẹtẹkẹtẹ, ọ hin ekẹtẹkẹtẹ ne aranmwẹ ne a ya kun ihẹ ke ovbi ekẹtẹkẹtẹ ne sọguọsọguọ.”

I Kọrinti 9:16

Ẹ i re ukpo mwẹ ne I gha rhuọ, rhunmwuda ighẹ I ghi he kpe orhu iyẹn ne ọ maa, ugbẹn vbe a miẹn wẹ, te a ya gie mwẹ uhunmwu ne I gha ru ẹe. Ọ gha ba so mwẹ gbe a deghẹ I ma kpe orhu iyẹn ne ọ maa.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.