Jerimaia 4:30 - Edo Bible (E Baibol Ẹdo) Version 1996

³⁰ E Jerusalẹm, ọwuẹ fo! Vbe u a ghi na ya ododo han hẹ yi? Vbe u a na viọ ikpẹrọnmwọ ye egbe hẹ? Ne u na vbe ba itiro? Te u wa te egbe ne u ba gha mose kẹkan, avbe enida ruẹ hee uẹ yotọ ne, iran ho ne iran gbuẹ ua.

Jerimaia 4:30 ပူးပေါင်းရင်းမြစ်များ

II Ọba 9:30

E Jehu keghi sẹ Jezrẹl. E Jezibẹl ghi họn emwi ne ọ sunu, ọ keghi ba itiro, ọ na dọlọ eto ẹre yi ẹse, ọ keghi mudia ye ewindo ẹguae ke evba gha ghe adesẹ ore.

Itan 6:25

Ghẹ gie ose iran viẹn ye uẹ aro, ghẹ gie aro iran ne wẹnwẹnwẹn khuẹn ifi mu ẹẹn.

Itan 7:10

Ẹre okhuo na na do dekun ẹnrẹn, okhuo na keghi mu egbe vbe igberagia, ọ kegha kun emwi okhian yotọ.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Aizaia 20:6

Ọ gha sẹ ẹghẹ nii, iran ni yin lele eghute ọghe Filistia gha kha wẹẹ, ‘Wa ghe emwi ne ọ sunu vbe egbe emwa ne ima rhie aro yi ighẹ ọ gha miẹn ima fan vbe obọ ọba Asiria, vbe ima ra ya miẹn uhunmwu hẹẹ?’ ”

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Jerimaia 13:21

A deghẹ avbe emwa ne u tie ẹre ọse ruẹ ghi khọn ruẹn, iran na gha khaemwisẹ yan ruẹn, vbe u a ra kha hẹ. U ghi do gha rre uwu obalọ, zẹ vbe okhuo ne emwi ubiẹmwẹ ru.

Jerimaia 22:23

Ẹkun te wa sẹ uẹ otọ vbe uwu ẹbu sida ne a viọ ke Lebanọn rre sokpan, nian, ọ so uẹ vbe obalọ a vba ruẹ, obalọ ne ọ yevbe ọghe okhuo ne emwi ubiẹmwẹ ru.

Jerimaia 30:14

Avbe enida uwa hia he uwa yotọ, iran i ghi zẹdẹ zẹ ye uwa ẹre. Mẹ gu uwa gbinna zẹ vbe eghian mwẹ oya ne ọ wegbe ọ re a rrii uwa re rhunmwuda orukhọ uwa bun, uyinmwẹ dan uwa vbe kpọlọ.

Jerimaia 5:31

Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Eve Orriara 1:19

“I kegha datie iran ni ima gba ru, sokpan, iran hee ne iran do yọmwẹ obọ Avbe ohẹn kevbe avbe ọkaolotu emwa keghi wulo lele adesẹ ore; Vbe iran te gualọ evbare ne iran gha ya do orhiọn yi.

Eve Orriara 1:2

Te ọ wa viẹ ne ẹdẹ gbe ameve ghi gha rhọ kua vbe aro ẹre. A ma miẹn ne ọ ghi kẹe ne ọ do fu ẹre ẹko rre vbe uwu avbe ọse ne ọ te ka mwẹ. hia. Iran ni te ga gie ẹe hia hiẹ ọre te ehia ghi mu aro da irẹn na.

Eve Orriara 4:17

Ma rhie aro ye odẹ rhinrin egbe ẹre te wọ mwa ighe iyobọ nẹ a khẹ ne ẹ i dee. Ma na gha khẹ iyohọ vbe obọ uhunmwu ẹvbo, ne ẹ i mwẹ iyobọ okpa ne ọ gha sẹtin ru.

Ezikiẹl 28:13

U kegha rre Idẹni ne ogba Osanobua, u kegha yọ ukpọn Ikpẹrọnmwọ ughughan kevbe edaiamọn; avbe topaz, e beri, e kanelian kevbe jaspa; e safaia, emrald kevbe garnet. U kegha mwẹ emwi itegbe ọghe igoru. Ẹdẹ ne a yi uwẹ tobọ ruẹ ọ re a ru avbe emwi na nuẹn vbe ẹdẹ ne a wa yi uẹ.

Ezikiẹl 28:9

U gha ghi mudia ye odaro avbe iran ni ra gbe uẹ ua nẹ, u ghi do gha re ọmwa ne ọ sẹtin wu, u i ghi re ẹbọ hiehiere.

Obedaia 1:7

Iran nii ne uwa gba ye egbe khian hiẹ ruẹ. Iran khu ẹ hin ẹvbo ruẹ rre, iran ne uwa te gba rrọ kugbe vbe ọfumwegbe, ọ re ọ ghi do khọn ruẹn mu otọ. Avbe esiọ ne uwa gba rri evbare ọ re ọ ghi khuẹn ifi khẹ ruẹ. Ẹmwẹ ne iran ghi ta vbe ekpa ruẹ ọrọre: ‘Iguemwi ẹnrẹn ni hia ghi vbo yi?’

Hibru 2:3

Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.

Arhie Maan 17:13

Emwi ọkpa ọre ọ rre iran igbe na ekhọe, iran keghi vbe rhie ẹtin kevbe asẹ iran ne aranmwẹ oha nii.

Arhie Maan 17:2

Avbe ọba agbọn hia gue nene ogiete ebabotu gbe alama oghẹ, emwa ne agbọn hia keghi khian ne ayọn rẹn ghi gbe vbe iran ghi da nẹ vbe uwu ayọn alama oghẹ ọre.”

Arhie Maan 17:4

Ukpọn ododo ne ọ baa rhanrhanrhan kevbe ne ọ baa rriẹrriẹ, ọre a ya mu ẹre egbe ighẹ nene okhuo, a keghi ye emwi itegbe ọghe igoru han nẹẹn, avbe okuta ighobioye kevbe ikpe ẹrọnmwọ. Ọ keghi mu ukpu igoru mwẹ obọ, ọ vuọn ne emwi awua kevbe ẹwia hia, avbe emwi ne ọ miẹn vbe alama oghẹ ọre.