Jerimaia 4:28 - Edo Bible (E Baibol Ẹdo) Version 1996

²⁸ Otọ agbọn gha khiẹ, iso gha so ebiebi, erriọ Nọyaẹnmwa khare, ẹ i ra fi ẹe werriẹ. Ọ ta emwi ne irẹn ra ru ne, ẹ i ghi vbe kie werriegbe vbọ.

Jerimaia 4:28 ပူးပေါင်းရင်းမြစ်များ

Aizaia 24:4

Agbọn na kae, ọ vbe luẹluẹ otọ agbọn khian ne mitanmitan, otọ kevbe iso, ehia kẹkẹ ua.

Aizaia 34:4

Avbe owẹn, uki kevbe orhọnmwẹ hia gha rẹnkhuan khian ebubẹ, iso gha khian ne a ho bẹkun zẹvbe ebe ohian ne a kiri, avbe orhọnmwẹ ghi kharha kua zẹvbe ebe azara ra ebe ohọ.

Aizaia 5:30

Ọ gha sẹ ẹdẹ nẹdẹrriọ, iran gha da van yan Izrẹl zẹ vbe uvanmwẹ okun. Wa ghe ọna ighe ẹvbo! Ebiebi kevbe akhiẹ. Ebiebi gbe uwanmwẹ ne ọ rrọọ re.

Aizaia 50:3

I gha sẹtin wẹ ne iso so ebiebi, vbene a gha kha wẹ te ọ khiẹ emwa ni wulo.”

Jerimaia 12:11

Iran ya ẹe khian otọe ne ọ gbe ẹvbi ọ wa dihoi rua ye odaro mwẹ, otọe ni hia wa khian ato, a ma vbe miẹn ọmwa ne ọ zẹ yọ.

Jerimaia 12:4

Inu ẹghẹ ọ re otọe mwa ra ye hiahia a hia la? Ne irunmwu ni rre oha hia ra na luẹluẹ? Aranmwẹ kevbe ahianmwẹ gha wulo, rhunmwuda ekhọe dan ọghe emwa ima, iran ni kha wẹẹ, “Osanobua i dẹghe emwi ne ima ru.”

Jerimaia 14:2

“Juda rre akhiẹ avbe okpẹvbo ẹre hia wulo khian, emwa rẹn lovbiẹ lele otọ iran gha khiẹ, e Jerusalẹm gha go gualọ iyobọ.

Jerimaia 23:10

Otọe na vuọn ne emwa, emwa ne ẹ i mu ohan e Nọyaẹnmwa; uyinmwẹ dan ira yin iran ghi gha lo ẹtin iran la ihan. Rhunmwuda ne Nọyaẹnmwa na fi ẹre unu, te otọ ghi khiẹ, ehe ne aranmwẹ na rria hia kaka a.

Jerimaia 23:20

Ẹ i ra vbe dobọyi vbe ọ te do ru emwi ne ọ wẹ rẹn ra ru hia fo. Ọ gha sẹ ẹdẹ ne ọ dee, emwa rẹn gha wa rẹn emwi ne a ya ọna kha ẹsẹse.”

Jerimaia 51:12

Wa tama iran ne iran dekun ekẹn e Babilọn. Wa viọ ẹvbo ba iran ni ba odẹ, wa gie iran ni khẹ odẹ gha khian, wa gie emwa ni gha lẹre gbakhẹ iran vbe odẹ.” E Nọyaẹnmwa ru emwi ne ọ wẹ rẹn gha ru ivbi e Babilọn re nẹ.

Jerimaia 7:16

E Nọyaẹnmwa keghi kha wẹẹ, “Jerimaia, ghẹ na erhunmwu ne iran na, ghẹ viẹ ra ne u na erhunmwu ne iran, ghẹ rinmwian mwẹ rhunmwuda, mẹ i ra zẹ ye uẹ ẹre.

Eve Orriara 2:17

E Nọyaẹnmwa ye ru ẹe vbene ọ wẹ rẹn re ru ẹe: Ọ fuẹn ima an vbe ne a i na mwẹ itohan, zẹ vbene ọ taa ẹe yotọ ke ẹghẹ nii gha dee. Ọ gie obọ avbe eghian mwa ke ukhunmwu, ọ keghi ye ọyẹnmwẹ sẹ iran ye udemwẹ mwa.

Ezikiẹl 24:14

Mẹ ne Nọyaẹnmwa guaan nẹ. Ẹghẹ sẹẹ nẹ ne I gha ya guan yọ. I ra ghi fi aroa vbe orukhọ ruẹ ọvbehe, ra ne I mwẹ itohan ra ẹnina. A gha rri ọ oya ye emwi ne u ru.” E Nọyaẹnmwa ne Oghodua guan nẹ.

Hozia 13:14

Mẹ i ra miẹn emwa na fan hin ẹvbo emwa ni wulo nẹ rre, ra ne I wọlọ iran ke urodẹ uwu ladian! Wa viọ egboghogbogho uwa rre, uwu, wa viọ ọfuan uwa rre, ẹvbo emwa ni wulo nẹ. I i ghi tohan emwa na ọvbehe.

Hozia 4:3

Rhunmwuda ọnii, otọe nii gha kakaa, emwi hia ni rrọọ gha vbe wulo. Avbe aranmwẹ oha hia, kevbe avbe ahianmwẹ kevbe avbe ehẹn, ehia gha wulo.”

Joẹl 1:10

Ugbo hia dihoi rua; otọe gha khiẹ, rhunmwuda, a dunmwu avbe ọka a, avbe alimo ayọn kaka a avbe erhan oliv vbe luẹluẹ.

Zẹkaraia 8:14

E Nọyaẹnmwa ne Oghodua khare wẹẹ, “Ẹghẹ ne avbe erha uwa odede na rukhọ ghe mwẹ, I keghi mwamwa emwi ne I gha ru iran re, I ma kie werriegbe vbọ, te I wa ru ẹe vberriọ.

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Matiu 27:45

Owẹn ghi wa sẹ adesẹ ukhunmwu, ebiebi keghi wa so vbe ẹvbo ni hia, ọ keghi so ya omwa ẹgogo eha.

Iyẹn ne ọ Maan Ọghe Mak 15:33

Ọ ghi sẹ ogiavan, ebiebi keghi wa so vbe ẹvbo ni hia, ọ keghi ya ẹgogo eha vbe otọ.

Iyẹn ne ọ Maan Ọghe Luk 23:44

Ọ ghi sẹ odẹ ẹgogo iweva, ovẹn ma ghi yunmwu, ebiebi keghi so gba ẹvbo hia rhinrin ya sẹ ẹgogo eha.

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.

Ẹfisọs 1:9

Osanobua keghi wa ru zẹ vbe ne ọ ye ekhọe mwamwa ẹn, ọ keghi gie ima rẹn emwamwa ne irẹn mwamwa ẹn vbe ẹkhokho, ne ọ wẹ rẹn gha la ekpa Kristi ya khian ne a ru gba.

Hibru 7:21

Sokpan, la ekpa eyan rre, ọre Jesu ya khian ohẹn vbe Osanobua tama rẹn wẹ, “Nọyaẹnmwa yan nẹ, ẹ i ra vbe fi ekhọe werriẹ: ‘Ohẹn ọre u ra gha khin ẹdẹdẹmwẹdẹ.’ ”

Arhie Maan 6:12

I kevbe ya bẹghe vbe Oteghe Ohuan rhan emwi ne a gbae ne ogiehan. Igbohiotọ ọhanabe keghi wa gha rrọọ, owẹn keghi sie rua, ọ ye vbe ukpọn nekhui ne khuarakhuara, uki keghi wa fi werriẹ khian ne ọ baa fẹẹrẹ vbe esagiẹn.

I Samuẹl 15:29

Ọba Oghodua ugborrirri ọghe Izrẹl i ta ohoghe ra ne ọ gha fi ekhọe werriẹ, rẹn i re ọmwa kẹkan, ẹ i gbe yo gbe rre.”