Jerimaia 4:16 - Edo Bible (E Baibol Ẹdo) Version 1996

¹⁶ Iran rre do tama avbe uhunmwu ẹvbo nii yotọ, iran ke tama Jerusalẹm wẹ avbe eghian wa ke ẹvbo ne ọ rrei okpa dee. Avbe eghian na gha go ye avbe okpẹvbo e Juda uhunmwu,

Jerimaia 4:16 ပူးပေါင်းရင်းမြစ်များ

Aizaia 34:1

Wa larre, wa ne emwa ni rre uhunmwu ẹvbo hia. Wa do si koko, ne uwa danmwehọ. Gie uhunmwu otọ agbọn hia kevbe emwa ni rrọọ si koko ne iran danmwehọ.

Aizaia 39:3

Ẹre Aizaia ne akhasẹ na bu e Hẹzekaia gha khian, ọ nọ rẹn wẹẹ, “De ehe ne avbe emwa na ke rre yi, vbe iran tama ruẹn hẹ?” E Hẹzekaia keghi wanniẹn wẹẹ, “Ehe ne ọ rrei ọ re iran ke rre, e Babilọn.”

Jerimaia 1:15

Rhunmwuda te imẹ ghi tie avbe uhunmwu ẹvbo hia ni rre odẹ okuọ wẹ ne iran gha dee. Avbe ọba iran ghi mu ẹkete iran gbọọ ye onurho e Jerusalẹm, kevbe lẹga ekẹn ne a gbe lẹga ẹre, kevbe yan avbe ẹvbo ni dekẹe vbe Juda.

Jerimaia 16:6

Ke avbe ọdafẹn kevbe avbe ivbiogue ni rre otọe na, ehia gha wulo, sokpan, a i miẹn ọmwa ne ọ gha khiẹ iran ra ne ọ re iran. A i miẹn ọmwa ne ọ gha ya emwi valọ egbe ẹre ra ne ọ khiokhio eto akhiẹ.

Jerimaia 2:15

Iran vannọ mu ẹẹn zẹ vbe oduma, iran ya otọe ẹre khian ato, avbe okpẹvbo ni rrọ khian itowa ne emwa na lẹ kpao fẹẹrẹ.

Jerimaia 31:10

E Nọyaẹnmwa khare wẹẹ, “Wa ne uhunmwu ẹvbo, wa danmwehọ mwẹ, ne uwa ta uhunmwu ne I gie vbe eghute ne ọ rrei, I zagha avbe emwa mwẹ kua, sokpan, I gha vbe si iran koko. I ghi gha su iran vbene ọsuohuan su avbe ohuan rẹn.

Jerimaia 39:1

Vbe uki ne ogigbe ọghe ukpo ne ogihinrin ne Zedekaia kegha re ọba e Juda, e Nebukiadneza ne ọba e Babilọn keghi viọ avbe ivbiyokuo ẹre gha die Jerusalẹm, ọna do gha khọn rẹn.

Jerimaia 4:17

iran ghi vbe lẹga e Jerusalẹm zẹvbe emwa ni khẹ ugbo; rhunmwuda, iran sọtẹ ghe Nọyaẹnmwa nẹ. E Nọyaẹnmwa tae nẹ.

Jerimaia 5:15

Wa ne ivbi Izrẹl, e Nọyaẹnmwa gie emwa ke ehe ne ọ wa rrei dee ne iran do gu uwa gbinna. Uhunmwu ẹvbo nẹdẹ, kevbe ne ọ wegbe nọ, uhunmwu ẹvbo ne uwa i họn ẹvbo ne iran zẹ.

Jerimaia 5:6

Onii ọ sii ẹe ne oduma gha na ke uwu ẹgbo rre do gbele iran an. Akpakomiza gha ke uwu ato rre do yanghan iran an, atalakpa ghi do gha ru ohuẹ vbe ore iran. Avbe emwa nii gha ladian, a gha yanghan iran an, rhunmwuda orukhọ iran bun. Iran keghi fi iyeke gbe Osanobua yan egbe yan egbe.

Jerimaia 50:2

“Na iyẹn ni ma avbe uhunmwu ẹvbo hia! Ya ẹe go! Mu igiemwi ẹnrẹn ladian ne u vbe ya ẹe na iyẹn! Ghẹ rhie ẹre lẹre zẹ vbe emwi oro! E Babilọn dee guọghua nẹ! E Madok ne ẹbọ ne ọ gho, a duẹ ọre ua nẹ! A fa iran an ighẹ avbe amazẹ e Babilọn! Avbe emwi ne a mannọẹn ne ọ hu ọmwa ẹko, a dunmwu ehia a!

Jerimaia 6:18

Rhunmwuda ọnii, e Nọyaẹnmwa keghi kha wẹẹ, “Wa danmwehọ, wa ne avbe uhunmwu ẹvbo, ne uwa ruẹ ẹwaẹn vbe emwi ne ọ ra sunu vbe egbe emwa mwẹ.

Jerimaia 6:19

Otọ agbọn, danmwehọ! Zẹ vbe emwi ne I ra ya rria iran ikhi ye uma ne iran si, I ra gie ọkhọ rruan iran na, rhunmwuda, iran he iruemwi mwẹ yotọ, iran ma vbe ya ẹmwẹ mwẹ ru emwi.

Jerimaia 6:22

E Nọyaẹnmwa khare wẹẹ, “Emwa ke ẹvbo ne ọ rre odẹ okuọ dee, uhunmwu ẹvbo nọkhua okpa ne ọ mwẹ ẹtin gha mu egbe okuo.

Jerimaia 6:23

Iran viọ uhanbọ kevbe umozo iran nẹ, emwa ni mwẹ ekhọe ne ọ rri kevbe ne ẹ i mwẹ itohan ọre iran khin. Urhu iran yevbe ọghe okun ne ọ davan vbe iran hin ẹsin iran khian. Iran mu egbe ne iran ya khọn e Jerusalẹm.”

Jerimaia 8:19

Wa danmwehọ! I họẹn vbe emwa mwẹ wa go vbe otọe na hia. I họn vbe emwa mwẹ wa go ladian wẹẹ, “E Nọyaẹnmwa i ghi rre Zaiọn ra? Ọba e Zaiọn I ghi rre evba ra?” E Nọyaẹnmwa ne ọba keghi wanniẹn wẹẹ, “Vbọzẹ ne uwa na ye ohu mu mwẹ rhunmwuda ẹbọ uwa ne uwa ga? Kevbe ne uwa na ya uhunmwu rhanmwẹ otọ ne ẹbọ ẹrrẹe ne ẹ i mwẹ esa.”

Ezikiẹl 21:22

Ẹn hẹn! Obọ erha ọmwa rẹn gua ifẹnmwẹ ne a gbẹn ‘Jerusalẹm’ yi rhie. Ọ tama rẹn wẹ ne ọ ya yọ emwi igbinna, ne ọ ya go ugomwẹ okuo, ne ọ mwamwa emwi igbinna yo odẹ ne a la larọ, ne ọ tọnnọ ekẹn gbe odẹ ke ne ọ tọnnọ uvun yọ.