Jerimaia 4:12 - Edo Bible (E Baibol Ẹdo) Version 1996

¹² Ẹhoho ne Nọyaẹnmwa ra gie rre gha wegbe sẹ ọnii ẹsẹse! E Nọyaẹnmwa tobọ ẹre ọ re ọ bu ohiẹn emwa rẹn.

Jerimaia 4:12 ပူးပေါင်းရင်းမြစ်များ

Psalm 11:6

Ọ ghi rhurhẹ erhẹn ẹyin ne ọ giẹn kevbe isonwẹn ne ọ tọn yan emwa dan. Ọ ya ẹhoho ne ọ tọn rri iran oya.

Jerimaia 1:16

I gha rri avbe emwa mwẹ oya rhunmwuda iran ru orukhọ ne, iran he mwẹ yotọ. Iran zọ ese ghe avbe ẹbọ ọvbehe, iran mannọ avbe amazẹ, iran keghi gha gho iran.

Jerimaia 4:11

Ẹghẹ dee, ne a gha na tama ivbi e Jerusalẹm ighe ẹhoho ne ọ kaka emwi ruan hoho ke odẹ ato bu iran dee. Ẹ i re ẹhoho ne wẹlẹẹ ne ọ hoho ihunhun kua kẹkan.

Jerimaia 4:13

Ghe vbe eghian nii wa dee zẹ vbe ubimwẹ amẹ. Avbe ikẹkẹ okuo ẹre yevbe ẹhoho ẹziza, okhian kẹ avbe ẹsin okuo ẹre sẹ oghohọn. Ma wiri, ọghe ima fo.

Jerimaia 51:1

E Nọyaẹnmwa khare wẹẹ, “I ra gie ẹhoho omurhia gie Babilọn kevbe emwa ẹnrẹn.

Ezikiẹl 5:8

Rhunmwuda ọnii, te imẹ ne Nọyaẹnmwa ne Udazi ghi tama ruẹn nian ighe oghian an ọ re I khin. Igha bu ohiẹn ruẹn vbe ehe ne aro uhunmwu ẹvbo hia gha na sẹ ọe.

Hozia 13:15

Ọ gha khọn Izrẹl ne ọ vẹ gba ehe hia zẹ vbe irunmwu. I gha gie ẹhoho ne ọ tọn ne ọ ke odẹ ahọ ke uwu ato rre, ọ ghi do si uhae kevbe ivbi ẹzẹ iran hia ka. Ọ gha viọ emwi ne ọ ghi gia lo hia gha rrie.

Habakọk 1:11

Iyeke ọnii, iran ghi bi gha khian vbe ẹhoho, iran rrie; ighe avbe emwa na ne ẹtin iran re ẹbọ ne iran gho.”