Jerimaia 4:11 - Edo Bible (E Baibol Ẹdo) Version 1996

¹¹ Ẹghẹ dee, ne a gha na tama ivbi e Jerusalẹm ighe ẹhoho ne ọ kaka emwi ruan hoho ke odẹ ato bu iran dee. Ẹ i re ẹhoho ne wẹlẹẹ ne ọ hoho ihunhun kua kẹkan.

Jerimaia 4:11 ပူးပေါင်းရင်းမြစ်များ

Psalm 11:6

Ọ ghi rhurhẹ erhẹn ẹyin ne ọ giẹn kevbe isonwẹn ne ọ tọn yan emwa dan. Ọ ya ẹhoho ne ọ tọn rri iran oya.

Aizaia 22:4

Banbanna nian, wa hẹko sẹ mwẹ rae ne I viẹ eve orriara ne avbe iran ni wulo vbe emwa mwẹ. Wa ghẹ zẹdẹ hia ne uwa fu mwẹ ẹko rre.

Aizaia 27:8

Te Nọyaẹnmwa rri emwa rẹn oya vbene ọ na hẹ iran gha rrie iwe. Okpẹhoho dan ne ọ ke ọlarre ovẹn rre, ọ re ọ ya hẹ iran kpao.

Aizaia 41:16

Wa gha fi iran ghe ẹhoho ẹhoho ghi hoho iran gha rrie. Okpẹhoho ghi zagha iran an. Ẹghẹ nii, ẹko uwa gha rhiẹnrhiẹn rhunmwuda ighe mẹ ọrọre Osanobua uwa wa gha rho mwẹ vbe uyi, mẹ ne Osanobua nọhuanrẹn ọghe Izrẹl.

Aizaia 64:6

Te ima hia wa vuọn ne orukhọ, uhin ighẹ uyinmwẹ ne ọ ghi maa sẹẹ, iku kevbe ẹkẹkhẹrhẹ nọ. Rhunmwuda orukhọ mwa, te ima ghi yevbe ebe ne ọ kakae ne ẹhoho hohoo kua.

Jerimaia 13:24

Te Nọyaẹnmwa ra zagha uwa a zẹ vbe ebe ne ọ kakae ne ẹhoho ato hoho kua.

Jerimaia 14:17

E Nọyaẹnmwa keghi yan tama mwẹ wẹ ne I ta ẹmwẹ akhiẹ mwẹ ma emwa nii, ne I tama iran wẹẹ: “Te ameve gha lẹ vbe aro mwẹ ke avan kevbe asọn I i gha dobọ eve ne I viẹ iran re yi rhunmwuda ẹwẹn ne ọ da ọ re a fian avbe emwa mwẹ re, obọ wa vbe daa iran.

Jerimaia 23:19

Okpẹhoho ọ re ohu ẹre khin, ẹhoho ne ọ wegbe ne ọ gha khọn la uhunmwu avbe emwa dan.

Jerimaia 4:12

Ẹhoho ne Nọyaẹnmwa ra gie rre gha wegbe sẹ ọnii ẹsẹse! E Nọyaẹnmwa tobọ ẹre ọ re ọ bu ohiẹn emwa rẹn.

Jerimaia 8:19

Wa danmwehọ! I họẹn vbe emwa mwẹ wa go vbe otọe na hia. I họn vbe emwa mwẹ wa go ladian wẹẹ, “E Nọyaẹnmwa i ghi rre Zaiọn ra? Ọba e Zaiọn I ghi rre evba ra?” E Nọyaẹnmwa ne ọba keghi wanniẹn wẹẹ, “Vbọzẹ ne uwa na ye ohu mu mwẹ rhunmwuda ẹbọ uwa ne uwa ga? Kevbe ne uwa na ya uhunmwu rhanmwẹ otọ ne ẹbọ ẹrrẹe ne ẹ i mwẹ esa.”

Jerimaia 9:1

Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!

Jerimaia 9:7

Rhunmwuda ọnii, e Nọyaẹnmwa ne Oghodua khare wẹẹ, “I gha fan emwa mwẹ zẹ vbe ematọn I ghi vbe danmwẹ iran ghe. Emwa mwẹ ru emwi dan nẹ, vbe I a ghi ra ye ya iran ru ọvbehe?

Eve Orriara 2:11

Aro mwẹ so oze ba ẹmwẹ eve, orhiọn mwẹ vbe rre uwu obalọ nọkhua. Akhiẹ ugbelemwẹ emwa mwẹ gbe mwẹ fi otọ. Ke emọ obọ kevbe emọ owẹ ehia gha sahẹ vbe adesẹ ore ẹvbo.

Eve Orriara 3:48

Ẹzẹ ameve lẹ vbe aro mwẹ, vbe I miẹn vbene a lọkọ emwa mwẹ hẹ.

Eve Orriara 4:10

Ọkhọ ne ọ rruan emwa mwẹ ugborrirri ọ re ọ si rre; iye ni te ho ẹmwẹ emọ kegha le ivbi iran re.

Eve Orriara 4:3

Te Akpakomiza ne ọ biẹe ye koko ọmọ, sokpan, avbe emwa mwẹ yevbe ugomugo, ne ọ ru ọmọ ne ọ biẹe emwi dan.

Eve Orriara 4:6

A rri avbe emwa mwẹ oya, ne ọ gberra ọghe ivbi e Sọdom, emwa ne Osanobua rrua gbotọ vbe udomwurri.

Ezikiẹl 17:10

Ẹmwata nọ wẹ a gbọ ẹre sokpan, ọ gha sẹtin gha rrọ ne ọ vbe wan ra? Ẹ i re te ọ ra luẹ luẹ vbe ẹhoho odẹ ahọ a dekun ẹnrẹn. Ẹ i re te ọ ra luẹluẹ ye ehe ne ọ na wan khian nii?”

Ezikiẹl 19:12

Sokpan avbe obọ ne ohu mu keghi sii ẹe vbọ, iran fi ẹe fi otọ. Ẹhoho odẹ ahọ keghi kaka ẹre ọmọ uan. Iran bunnọ ẹre abọ kua, ehia kaka a, a keghi gien ọnrẹn uan.

Hozia 13:15

Ọ gha khọn Izrẹl ne ọ vẹ gba ehe hia zẹ vbe irunmwu. I gha gie ẹhoho ne ọ tọn ne ọ ke odẹ ahọ ke uwu ato rre, ọ ghi do si uhae kevbe ivbi ẹzẹ iran hia ka. Ọ gha viọ emwi ne ọ ghi gia lo hia gha rrie.

Hozia 13:3

Rhunmwuda ọnii, a gha ho iran na bẹkun vbe evbu owiẹ ne ọ wa khian ne a ma ghi miẹn vbe ẹdẹ ma he khian hiehiere. Iran gha yevbe ebe ne ọ kakae ne ẹhoho hoho kua vbe ehe ne a na wiẹn ọka, zẹ vbe ighogho ne ọ ke ukoni ladian.

Hozia 4:19

Iran gha kpolo iran gha rrie zẹ vbene ẹhoho ru, ẹmwẹ ese emwa ni ga ẹbọ ne iran zọ ghi do gha mu iran ekhue.

Habakọk 1:11

Iyeke ọnii, iran ghi bi gha khian vbe ẹhoho, iran rrie; ighe avbe emwa na ne ẹtin iran re ẹbọ ne iran gho.”

Habakọk 1:6

I ra dọlegbe viọ ivbi e Babilọn ye ukpo ẹtin, iran ne isanmwisan kevbe ekpakpasusu nii. Iran wa ladian, ne iran gbe agbọn na dunmwu, ne iran ya gha khọn ẹvbo ọvbehe khian.

Matiu 3:12

Ọ rhie ahẹn ne ọ ra ya khan ọka mwẹ obọ, ọ gha viọ ọka la owa, ọ ghi ya erhẹn ne ẹ i dọyọ giẹn ihunhun ni rrọọ.”

Iyẹn ne ọ Maan Ọghe Luk 3:17

Ọ rhie ahẹn ne ọ ra ya khan emwiokọ ẹre mwẹ obọ, ọ gha viọ ọka ni rrọọ la aza, ọ ghi ye erhẹn ne ẹ i dọyọ giẹ ihunhun ni rrọọ.”