Jerimaia 39:3 - Edo Bible (E Baibol Ẹdo) Version 1996

³ (Iran ghi khọn mu e Jerusalẹm nẹ, avbe ekhaẹmwẹ nekhua hia ọghe ọba e Babilọn kegha die Onurho Adesẹ, iran na do totaa, ne usun ọ re iran ye ighe Negal Sareza, Semga Nebo, e Sasiekim deba Negal Sareza ọvbehe.)

Jerimaia 39:3 ပူးပေါင်းရင်းမြစ်များ

II Ọba 17:30

Emwa ni rre Babilọn keghi mannọ amazẹ ọghe ẹbọ ne a tie ẹre Sukọt Benot, iran ni rre Kut, kevbe mannọ ọghe Negal, emwa ni rre Hamat, amazẹ ọghe Asima,

Jerimaia 1:15

Rhunmwuda te imẹ ghi tie avbe uhunmwu ẹvbo hia ni rre odẹ okuọ wẹ ne iran gha dee. Avbe ọba iran ghi mu ẹkete iran gbọọ ye onurho e Jerusalẹm, kevbe lẹga ekẹn ne a gbe lẹga ẹre, kevbe yan avbe ẹvbo ni dekẹe vbe Juda.

Jerimaia 21:4

Ne iran tama e Zedekaia wẹ e Nọyaẹnmwa ne Osanobua Izrẹl wẹẹ, “E Zedekaia, te I ra khọn iran muotọ ighẹ ivbiyokuo ruẹ ni gue ọba e Babilọn kevbe ivbiyokuo ẹre khọn, I gha si emwi igbinna ọghe avbe iyokuo ruẹ gboo ye adesẹ ore ẹvbo.

Jerimaia 38:17

Ẹre I na tama e Zedekaia wẹ e Nọyaẹnmwa ne Oghodua, ne Osanobua Izrẹl khare wẹẹ, “U gha tobọ rhie egbe ruẹ ne avbe ekhaẹmwẹ e Babilọn, ai ra gbe uẹ ua, ai ra vbe giẹn ẹvbo na sotọ. Ke uwa kevbe ẹgbẹe ruẹ, a i ra gbele uwa a.

Jerimaia 39:13

Rhunmwuda ọnii, e Nebuzaradan, ke ẹe kevbe avbe ọkaokuo ẹre ni kọnkọn ighe avbe Nebuzaradan, e Negal, e Sareza deba avbe ekhaẹmwẹ ọba e Babilọn ni dekẹe hia.

Ezikiẹl 26:10

Ebubẹ ne ẹsin ne iran hin khian gbe, gha gue ruẹ muotọ. Owogho ẹsin iran ni si okotọ kevbe ikẹkẹ okuo khian gha mu ekẹn ẹvbo ruẹ rueghe vbe iran a gha la onurho ẹvbo ne ọ rẹnkhuan nii gbe rra.