Jerimaia 38:6 - Edo Bible (E Baibol Ẹdo) Version 1996

⁶ Rhunmwuda ọnii, iran keghi mu mwẹ. Iran keghi ya irri mu mwẹ fi uwu uhae e Malkaia ne Okoro, ore ẹguae ọ re nene uhae ye. Amẹ i ghi rre nene uhae, ekhuọrhọ okpa ọ re ọ ghi rrọọ, ọ keghi ziẹn mwẹ.

Jerimaia 38:6 ပူးပေါင်းရင်းမြစ်များ

Gẹnẹsis 37:24

iran keghi muẹn fi uhae ne amẹ i ye.

Psalm 109:5

Iran ya ọkhọ ha ọmaa mẹ iran ya ikhuiwu ha osa ahoẹmwọmwa mẹ.

Psalm 40:2

Ọ si mwẹ ke uwu uye dan ladian hin uwu odin amẹ ekhae ne ọ gbe ọmwa an. Ọ mu mwẹ mudia yan uhunmwu okuta vbe ne ai na mwẹ ẹbe, ọ keghi gbe mwẹ ẹkun sẹ otọ.

Psalm 69:2

Te I dinmwi ye uwu ọrho ne ọ dinmwi otọe ne ọ kae i rrọ, uwu odin ọ re I wa ye te ubimwẹ amẹ ghi ra gbe mwẹ ye ẹzẹ.

Jerimaia 32:2

Vbe ẹghẹ ne a kha na, ivbiyokuo ọba e Babilọn keghi gha khọn okuo vbe Jerusalẹm, a keghi mu imẹ khui ye ihọkpa vbe ẹghodo ẹguae ọba.

Jerimaia 36:26

Ẹre ọ na wẹ ne Okoro ighe Jeramil, kevbe Seraia ne ovbi Azriẹl kevbe Sielemia ne ovbi Abdil munọ imẹ kevbe ọgbenbe mwẹ ighe Barọk, sokpan, e Nọyaẹnmwa keghi viọ ima lẹre.

Jerimaia 37:16

Iran keghi mu mwẹ ye ugha oleghan ne ọ rre uwu otọ, a keghi gun mwẹ kpee vba ẹsẹse.

Jerimaia 37:21

Rhunmwudọnii, e Zedekaia ne ọba na ghi wẹ ne a khui mwẹ ye ẹwẹdọ ne ọ rre ọre ẹguae. Evba ọ re I ghi gha ye, iran keghi gha mu ududu ẹbrẹd ọkpọkpa ke ehẹn ne a na le gunmwẹ ẹdẹgbegbe, a te miẹn wẹ ebrẹd fo vbe ore ẹvbo na hia fẹẹrẹ.

Jerimaia 38:13

Iran keghi sii mwẹ ladian hin uwu uhae nii rre. Vbe iyekọni, a na ghi da mwẹ yi ye uwu ẹguae.

Jerimaia 38:22

“Vbe umian nii, I keghi bẹghe vbe a viọ avbe ikhuo ne a sẹrae vbe ẹguae Juda bu ekhaẹmwẹ e Babilọn khian. Danmwehọ emwi ne iran gha ta vbe iran khian: “ ‘Avbe ọse ọba ni sikẹ ọba sẹẹ ọ re ọ bibi ẹre odẹ, iran keghi khuan ẹre ẹmwẹ uan, eban na, owẹ ọre ghi ziẹn ye uwu ọrho nẹ, avbe ọse ọre lẹẹ sẹ ọe rae.’ ”

Daniẹl 6:16

Ẹre ọba ghi na wẹ ne a ya mu e Daniẹl fi uwu uvun ne a viọ avbe oduma vuọn ni. Ọ keghi tama e Daniẹl wẹẹ, “Te Osanobua ni ne u ye ekhọe ruẹ hia ga vberriọ gha miẹn ruẹn fan o.”

Zẹkaraia 9:11

E Nọyaẹnmwa khare wẹẹ, “Rhunmwuda ile ne I gu uwa ta, ne a ya esagiẹn izọese ye ẹre okhi, I gha fannọ emwa ruẹn kua. Lahin otọe uvun iwe ne amẹ i ye rre.

Iwinna 16:24

Ugbẹn vbe avbe eseghan ghi họn iyi na nẹ, iran keghi viọ iran ye uwu ugha ne ọ dinmwi sẹ vbe uwu ẹwẹdọ, ọ na ye eghan ro iran owẹ mu avbe ike erhan nekhua.

Hibru 10:36

Te uwa gha mwẹ iziengbe, erriọ ọre uwa gha na sẹtin winna iwinna Osanobua, ne emwi ne ọ ve gha na sẹ uwa obọ.