Jerimaia 38:5 - Edo Bible (E Baibol Ẹdo) Version 1996

⁵ E Zedekaia ne ọba keghi wanniẹn wẹẹ, “Ọ maa khekherriọ, wa ru ẹe vbene uwa ho ne uwa ru ẹe, mẹ I ra da uwa obọ yi.”

Jerimaia 38:5 ပူးပေါင်းရင်းမြစ်များ

II Samuẹl 19:22

Sokpan e Devid keghi khama Abisiai kevbe Joab ne ọtiọnrẹn wẹẹ, “Gha ọ wẹ ne u guan yọ yi? Te u ra si ẹti yọ mwẹ urhu ra? Banbanna nian, mẹ ọ re ọba Izrẹl, ovbi Izrẹl ne a gha gbe ua ẹrẹna, ẹ i rrọọ.”

II Samuẹl 3:39

A gha rhe miẹn wẹ mẹ ọrọre ọba ne Osanobua hannọ zẹ, egbe wa wọ mwẹ yotọ ẹrẹna. Ẹtin mwẹ isẹ ẹmwẹ ọkpankpan ivbi Zeruaia na. Te Nọyaẹnmwa gha ru avbe izigan na emwi ne ọ ma iran.”

Itan 29:25

Emwi dan wa nọ ne a gha mu ẹmwẹ emwi ne ọmwa ọvbehe ro vbekpa ọmwa ro, sokpan, u gha mu ẹtin yan e Nọyaẹnmwa, ẹbe fo.

Jerimaia 26:14

Zẹ vbe ọghe imẹ, I rre uwa obọ nẹ! Wa ru mwẹ emwi ne uwa tobọ uwa rẹn wẹ ọ kere, ọ vbe hẹnhẹn.

Jerimaia 37:17

Ọ ghi kpee kherhe, e Zedekaia ne Ọba keghi gie ne a tie mwẹ, ọ keghi hẹko nọ mwẹ vbe uwu ẹguae wẹẹ, “E Nọyaẹnmwa giee uhunmwu rre ra.” I keghi wanniẹn, I tama rẹn wẹẹ, “Ọ giee rre, ọ wẹ a gha mu ẹẹn rhie ye ọba e Babilọn obọ.”

Daniẹl 6:16

Ẹre ọba ghi na wẹ ne a ya mu e Daniẹl fi uwu uvun ne a viọ avbe oduma vuọn ni. Ọ keghi tama e Daniẹl wẹẹ, “Te Osanobua ni ne u ye ekhọe ruẹ hia ga vberriọ gha miẹn ruẹn fan o.”

Daniẹl 6:17

A keghi werriẹ okuta rhu unu uvun nii, ọba keghi yi ama asẹ ọghọe, kevbe ama asẹ ọghe avbe ekhaẹmwẹ ọnrẹn ye okuta nii zẹ vbene a gha na miẹn wẹ ọmwa ne ọ gha sẹtin ya fan e Daniẹl ẹ i rrọọ.

I Samuẹl 15:24

E Sọl keghi wanniẹn wẹẹ, “I ru orukhọ nẹ, I ma rhie iyi ọghe Nọyaẹnmwa kevbe igiodẹ ne uwẹ ru mwẹ. Ohan avbe emwa mwẹ ọ re ọ gha mu mwẹ, I keghi ru vbene iran ho.

I Samuẹl 29:9

Akis keghi wanniẹn wẹẹ, “I rẹnrẹn, I ka a ba usun emwa ni gie a mu ẹtin yan zẹ vbene odibo Osanobua ye. Sokpan avbe enigie nekpa kha ne wẹ iran i gie uẹ lele ima gha rrie okuo.