Jerimaia 38:27 - Edo Bible (E Baibol Ẹdo) Version 1996

²⁷ Ẹre avbe ekhaẹmwẹ hia na rre do gha nọ mwẹ ọta I keghi tama iran vbene ọba wẹ ne I tama iran zẹẹ. Iran ma ghi miẹn emwi ru, rhunmwuda ọmwa rhọkpa ma họn iyẹn ne ima gba ghae.

Jerimaia 38:27 ပူးပေါင်းရင်းမြစ်များ

II Ọba 6:19

Elaisia keghi bu iran gha khian, ọ tama iran wẹẹ, “Te uwa bibi odẹ na, ọna i re ẹvbo ne uwa rrie, wa lele mwẹ ne I viọ uwa gha rrie ọghe ọmwa ne uwa gualọ.” Ọ keghi viọ iran gha rrie Sameria.

Jerimaia 38:25

Avbe ekhaẹmwẹ gha họn ighẹ I guẹ gha iyẹn, iran gha do nọ ruẹn, ẹmwẹ ne ima tae. Iran gha yan wẹ, u gha talọ ẹmwẹ ne ima tae hia ma iran, iran I ra gbe uẹ ua.

Jerimaia 38:26

U ghi tama iran wẹ te u gha rinmwian mwẹ ne I ghẹ dọlegbe rhie ruẹ gha rrie ẹwẹdọ ne u ya wu ye evba.”

Jerimaia 38:28

Iran keghi sẹ mwẹ rae ye uwu ẹguae ọ te do sẹ ikpẹdẹ ne iran khọn mu e Jerusalẹm.

Iwinna 23:6

Ugbẹn vbe Pọl ghi miẹn wẹ eso vbe uwu emwa ni rre evba re Sadusi, eso vbọ keghi vbe re Farisi, ọ davan vbe adesẹ iko ni wẹẹ, “Etẹn mwẹ, e Farisi ọre I mẹ khin, ovbi Farisi ọre I khin. Emwi ne a gu bu ohiẹn mwẹ na ọrọre wẹ mẹ mwẹ idaehọ wẹ a gha huẹn avbe ni wulo kpaegbe.”