Jerimaia 38:23 - Edo Bible (E Baibol Ẹdo) Version 1996

²³ Mẹ keghi rhie te ẹe wẹẹ, “A gha viọ avbe amwọ ọn kevbe ivbi uẹ gie ivbi e Babilọn, wẹ tobọruẹ i ra vbe lẹ iran fe. Ọba e Babilọn gha mu uwẹ oghunmwu gha rrie a gha vbe giẹn ẹvbo na muotọ.”

Jerimaia 38:23 ပူးပေါင်းရင်းမြစ်များ

II Ọba 25:7

Vbe Sirra e Zedekaia, a keghi gbele ivbi ẹre ne ikpia a, e Nebukiadneza na wẹ ne iran wọlọ e Zedekaia aro hẹ kua, a keghi ya ọgiọrọ rrọ ẹre mu gha rrie e Babilọn.

Jerimaia 21:10

I wa tae nẹ, wẹ I i ra sẹ ẹvbo na rae sokpan, I fuẹn ọnrẹn ruan. A gha mu ẹẹn ne ọba e Babilọn, ọ ghi vbe giẹn ọnrẹn muotọ. Mẹ ne Nọyaẹnmwa taa ẹe nẹ.”

Jerimaia 32:4

Kevbe we e Zedekaia i ra sẹtin lẹ fe vbo. A gha rhie ẹre ne ọba e Babilọn, ọ gha ye aro kan ẹre aro, ọ gha gu irẹn tobọ ẹre guan vbe ghe aro mwẹ ghe aro ruẹ.

Jerimaia 34:3

Wẹ i ra lẹ fe a gha khu uẹ mu, a ghi mu ẹẹn ne ẹẹn. U gha ye aro kan ẹre aro, u ghi vbe gu irẹn tobọ ẹre guan, iyekọni, u ghi gha rrie Babilọn.

Jerimaia 37:8

Iyekọni, ivbi e Babilọn gha werriegbe rre, iran gha dekun ẹvbo na, iran ghi khọn mu ẹẹn, iran ghi giẹn ọnrẹn sotọ.

Jerimaia 38:18

Sokpan, a deghẹ u ma rhie egbe ruẹ ne iran, ẹghẹ nii, a gha mu ẹvbo na ne ivbi e Babilọn iran gha giẹn ọnrẹn sotọ, wẹ i ra vbe sẹtin lẹ iran fẹe.”

Jerimaia 38:24

E Zedekaia keghi wanniẹn wẹẹ, “Ghẹ gie ọmwaikọmwa họn vbekpa iyẹn ne ima gba ghae na, emwi rhọkpa i ra vbe ru uẹ.

Jerimaia 39:5

Sokpan, ivbiyokuo e Babilọn keghi zẹẹ iran khu, obọ iran keghi vba e Zedekaia vbe otọe ne ọ rriẹe vbe ọkpẹn e Jẹriko. Iran keghi mu ẹẹn gie ọba Nebukiadneza ne ọ gha rre Ribla vbe otọ Hamat, evba nii ọ re Nebukiadneza na bu abe gbe ẹe.

Jerimaia 39:6

Ọ keghi gbele ivbi Zedekaia nikpia vbe Ribla vbe Zedekaia wa rre evba ghe ẹre. Ọ kevbe giagia avbe ekhaẹmwẹ e Juda uhunmwu kua.

Jerimaia 41:10

Iyekọnii, ọ keghi viọ avbe ivbi ọba nikhuo oghunmwu, deba avbe emwa ni ghi dekẹe vbe Mizpa, avbe emwa ne Nebuzaradan ne arowa ivbiyokuo viọ ne Gedalaia ne ọ gha gbearoghe. Ismaẹl keghi viọ ehia oghunmwu, ọ na de yan okhian ghe odẹ otọ Amọn.

Jerimaia 6:12

“A gha viọ owa iran ne emwa ọvbehe, erriọ ọre a ra vbe ru ugbo iran kevbe amwẹ iran. Te I ra wa rri emwa ni rre otọe na oya.

Ezikiẹl 14:9

“A deghẹ akhasẹ ghi vbe khian ne a rẹrẹe, ọ na ya gha rhie ewanniẹn ohoghe ne emwa, emwi ne ọ si ẹe ọrọre wẹẹ, Mẹ ne Nọyaẹnmwa ọ re ọ rẹrẹ ọe. I gha yuo ẹre hin uwu ẹbu ivbi Izrẹl rre.

Ezikiẹl 17:15

Sokpan, Ọba Izrẹl keghi sọtẹ, ọ keghi gie gha rrie Igipt ne iran ya viọ avbe ẹsin kevbe ivbiyokuo nibun gie irẹn. Ọ gha dunna ne ẹẹn ra? Emwi hia gha wa lẹ ọre fe vberriọ ra? Rẹn i sẹtin rra ile ne ọ wa gha khian vbe ne a i na rrioya!

Ezikiẹl 43:3

Umian na keghi yevbe ne i miẹn vbe ẹghẹ ne Nọyaẹnmwa na do fuẹn e Jerusalẹm, kevbe egbe ne I miẹn vbe ọkpẹn Ẹzẹ e Kiẹba. I keghi de mu aro rhuotọ.

Nọmbas 4:18

“Wa ghẹ gia gbele ivbi e Kohat ua,