Jerimaia 38:22 - Edo Bible (E Baibol Ẹdo) Version 1996

²² “Vbe umian nii, I keghi bẹghe vbe a viọ avbe ikhuo ne a sẹrae vbe ẹguae Juda bu ekhaẹmwẹ e Babilọn khian. Danmwehọ emwi ne iran gha ta vbe iran khian: “ ‘Avbe ọse ọba ni sikẹ ọba sẹẹ ọ re ọ bibi ẹre odẹ, iran keghi khuan ẹre ẹmwẹ uan, eban na, owẹ ọre ghi ziẹn ye uwu ọrho nẹ, avbe ọse ọre lẹẹ sẹ ọe rae.’ ”

Jerimaia 38:22 ပူးပေါင်းရင်းမြစ်များ

Job 6:15

Sokpan wa ne avbe ọse mwẹ, wa keghi he mwẹ zẹ vbe ẹzẹ ne ọ kae vbe amẹ ma rhọ.

Psalm 41:9

Uhin wẹ osẹ mwẹ ne ọ sikẹ mwẹ sẹẹ, ọmwa ne I mu ẹtin yan sẹẹ ọmwa ne ọ re vbe evbare mwẹ te ọ ghi mu aro da mwẹ.

Psalm 69:14

Miẹn mwẹ fan ne I ghẹ dinmwi ye uwu ọrho, miẹn mwẹ fan vbe obọ avbe eghian mwẹ, ne I fe vbe obọ odin amẹ.

Psalm 69:2

Te I dinmwi ye uwu ọrho ne ọ dinmwi otọe ne ọ kae i rrọ, uwu odin ọ re I wa ye te ubimwẹ amẹ ghi ra gbe mwẹ ye ẹzẹ.

Aizaia 42:17

Iran hia ni mu ẹtin yan avbe amazẹ ni tie avbe amazẹ emwi ne iran gho ekhue gha mu iran, a gha fa iran an.”

Jerimaia 13:21

A deghẹ avbe emwa ne u tie ẹre ọse ruẹ ghi khọn ruẹn, iran na gha khaemwisẹ yan ruẹn, vbe u a ra kha hẹ. U ghi do gha rre uwu obalọ, zẹ vbe okhuo ne emwi ubiẹmwẹ ru.

Jerimaia 20:10

I ghi họn vbe agbọn hia tae wẹẹ, “Ohan gba ehe hia, wa gia ya gu ẹe gui ma iran ni khaemwisẹ.” Uhin ghe te avbe ọse mwẹ ni sikẹ mwẹ sẹẹ, khẹ ẹghẹ ne I gha ya de, iran wẹẹ, “Wẹ wẹ ẹ ghi gia rẹrẹ, ẹghẹ nii, obọ ima ghi vba ẹre ne a rria ẹre ikhi.”

Jerimaia 27:14

Ghe zẹ ye avbe akhasẹ ni tama ruẹn ne u ghẹ de igue ne ẹẹn re. Te iran rẹrọ ọ.

Jerimaia 27:15

E Nọyaẹnmwa tobọ ẹre tae nẹ wẹ rẹn ma gie iran, ighẹ te iran ya eni irẹn ta ohoghe ma ruẹn. Rhunmwuda ọnii, ọ gha khu uẹ ladian, iran gha gbe uẹ ua, ke uwẹ kevbe avbe akhasẹ ni ta ohoghe na ma ruẹn.”

Jerimaia 38:19

Sokpan, ọba keghi wanniẹn wẹẹ, “Ohan avbe ivbi ẹvbo ima ni he lẹ bu ivbi e Babilọn mu mwẹ, iran sẹtin rhie mwẹ ne iran, ne iran rriọmwẹ oya ẹkẹkhẹrhẹ.”

Jerimaia 38:21

Sokpan, e Nọyaẹnmwa rhie ma mwẹ nẹ vbe umian emwi ne ọ gha sunu adeghẹ u ma rhie egbe uẹ ne iran.

Jerimaia 41:10

Iyekọnii, ọ keghi viọ avbe ivbi ọba nikhuo oghunmwu, deba avbe emwa ni ghi dekẹe vbe Mizpa, avbe emwa ne Nebuzaradan ne arowa ivbiyokuo viọ ne Gedalaia ne ọ gha gbearoghe. Ismaẹl keghi viọ ehia oghunmwu, ọ na de yan okhian ghe odẹ otọ Amọn.

Jerimaia 43:6

Avbe ikpia kevbe ikhuo, ibiẹka kevbe avbe ivbi ọba nikhuo. Iran keghi viọ emwa hia ne arowa ivbiyokuo ighe Nebuzaradan te sẹrae ne Gedalaia gha gbearoghe, kpao kevbe Barọk, kevbe imẹ.

Jerimaia 46:21

Uhin avbe ivbiyokuo ne ọ ve ẹre igho viọ ba egbe, egbe wọ ehia yotọ nẹ zẹ vbe ivbi ẹkhuia ẹmila. Iran ma kpaegbe ne iran gbinna iran hia fi iyeke gbe, iran na lẹẹ ẹdẹ ne iran ra khian rhie sotọ nẹ, ẹdẹ ne iran ra la ọrhiae rrie.

Jerimaia 46:5

“Sokpan, de emwi ne I ghi bẹghe?” erriọ Nọyaẹnmwa nọrẹn. “Ehia ye ohan lẹ werriegbe. Iran khulo iran, avbe ivbiyokuo iran zẹ ulẹ ua udu iran kpan fi ẹko, iran keghi lẹ vbene okhian sẹtin kẹ iran sẹ, iran ma vbe gbe aro ghe iyeke.

Jerimaia 6:12

“A gha viọ owa iran ne emwa ọvbehe, erriọ ọre a ra vbe ru ugbo iran kevbe amwẹ iran. Te I ra wa rri emwa ni rre otọe na oya.

Jerimaia 8:10

Rhunmwuda ọnii, I gha munọ ugbo iran ne emwa ọgbọn ọvbehe, I ghi vbe viọ amwẹ iran ne ikpia ọvbehe. Emwa hia fẹẹrẹ, ke ọ kpọlọ kevbe ọkanmwa, wa ni gha hia ne iran gha la odẹ ne ọ ma khuia khuan igho. Uhin ighe te avbe akhasẹ kevbe avbe ohẹn ghi mu emwa ni ru.

Eve Orriara 1:13

“Ọ gie erhẹn ke odukhunmwu rre, erhẹn ne ọ gha yọn vbe uwu imẹ. Ọ khuẹẹn ifi khẹ mwẹ ọ keghi sii mwẹ gbotọ. Iyeke ọnii, ọ keghi hee mwẹ yotọ ọ na sẹ mwẹ rae ye obalọ ne ẹ i mwẹ erọkhọrọkhọ.

Eve Orriara 1:2

Te ọ wa viẹ ne ẹdẹ gbe ameve ghi gha rhọ kua vbe aro ẹre. A ma miẹn ne ọ ghi kẹe ne ọ do fu ẹre ẹko rre vbe uwu avbe ọse ne ọ te ka mwẹ. hia. Iran ni te ga gie ẹe hia hiẹ ọre te ehia ghi mu aro da irẹn na.

Eve Orriara 5:11

A mu avbe amwẹ ima yagha vbe Oke Zaiọn tobọ ẹre, iran ghi ya ẹtin mu avbe ivbi ima ne ikhuo ne iran kue vbe igue hia ni rre otọ e Juda.

Maika 7:5

Ghẹ ya ẹmwẹ ọmwa ẹdogbo ruẹ yi ra ne u mu ẹtin yan ọse ruẹ. Gha rẹn vbene u gu emwa guan hẹ, ya sẹ egbe amwọn.