Jerimaia 38:20 - Edo Bible (E Baibol Ẹdo) Version 1996

²⁰ Mẹ keghi kha wẹẹ, “A i ra rhie ruẹ ne iran. I rinmwian ne u danmwehọ uhunmwu ne Nọyaẹnmwa gie rre, emwi hia ghi wa gha ma ne uẹn, ai ra vbe gbe uẹ ua.

Jerimaia 38:20 ပူးပေါင်းရင်းမြစ်များ

Gẹnẹsis 12:13

Tama iran ighẹ ọtẹn mwẹ nokhuo ọre u khin, ẹghẹ nii, iran ghi rhunmwuda ruẹ sẹ mwẹ rae ye agbọn, iran ghi gha ya obọ esi mu mwẹ.”

Gẹnẹsis 19:20

U ma bẹghe ẹvbo nekherhe nii? Ọ sikẹ emwa ẹsẹse rhunmwuda I gha sẹtin sẹ evba. Gun mwẹ gha rrie evba, u gha miẹn wẹ ovbi ẹvbo kherhe nọ, I gha miẹn uhunmwu”

II Krọnikol 20:20

Owiẹ vbirrivbirri vbe ẹdẹ ne ọ lelẹe, emwa nii hia kegha rrie uwu ẹgbo ne ọ rre ọkpẹn Tẹkoa. Iran ghi ra wa ladian gha khian, e Jehosiafat keghi tama iran wẹẹ, “Ivbi e Juda kevbe Jerusalẹm, wa mu ẹtin yan e Nọyaẹnmwa ne Osanobua uwa, wa ghi vbe mudia gbain. Wa ya avbe ẹmwẹ ne akhasẹ ẹre tama uwa yi, ọ gha vbe dinnodẹ ne uwa.”

Itan 4:4

erha mwẹ gha ma mwẹ emwi, ọ ghi kha wẹẹ, “Ye ẹmwẹ ne I tae rre ghẹ mianmian ẹẹn. Gha ru vbene I tama ruẹn, u gha diagbọnya.

Itan 7:2

Ru vbene I khare, u gha di agbọn ya. Rhiegba ye ẹmwẹ ne u gha ru vbene I ma ruẹn re, zẹ vbene u rhiegbe ye ẹmwẹ wẹ ne emwi i ghẹ degbe uẹ aro.

Aizaia 55:3

“Wa ne emwa mwẹ, wa danmwehọ nian ne uwa bu mwẹ gha dee, wa bu mwẹ gha dee, wa gha fe! I gha gu uwa ta ile ne ọ tọ vbotọ, I ghi vbe rhie afiangbe ne I ve Devid re ne uwa.

Jerimaia 11:4

Ile ne I gu avbe erha iran odede taa nọ, vbe ẹghẹ ne I na viọ iran ke Igipt ladian, otọe nii ne ọ yevbe ogidi erhẹn ne iran. I tama iran wẹ ne iran gha họn ẹmwẹ mẹ, kevbe ne iran gha ru emwi hia ne I tama iran. I keghi tama iran wẹ, iran gha họọn ẹmwẹ mẹ, iran ghi gha re emwa mwẹ, mẹ ghi vbe gha re Osanobua iran.

Jerimaia 11:8

Sokpan, iran ma danmwehọ ra ne iran ya ẹẹ ru emwi. Sokpan, dọmwadẹ ọghọe keghi wa gha ze vbe udu khian, iran na gha ru emwi dan, vbene iran ka ru de ẹdẹ. I tama iran ne iran gha ya ile nii ru emwi, sokpan, iran hee. Rhunmwuda ọnii, I keghi rri iran oya hia ne a ya unu kan vbe uwu ẹre.”

Jerimaia 26:13

Wa fi uyinmwẹ uwa werriẹ, kevbe emwi ne uwa ru, ne uwa gha họn ẹmwẹ ne Nọyaẹnmwa ne Osanobua uwa. Wa gha ru vberriọ rẹn gha vbe fi ekhọe werriẹ vbekpa ọkhọ ne ọ wẹ ọ gha rruan uwa.

Jerimaia 38:21

Sokpan, e Nọyaẹnmwa rhie ma mwẹ nẹ vbe umian emwi ne ọ gha sunu adeghẹ u ma rhie egbe uẹ ne iran.

Jerimaia 7:23

Sokpan, I wa tama iran wẹ ne iran gha họn ẹmwẹ mẹ, ne I miẹn ehe na gha ru Osanobua iran, kevbe ne iran vbe gha re emwa mwẹ. I keghi vbe tama iran wẹ ne iran gha ru vbene I tama iran, ne emwi miẹn ehe na gha dunna ne iran.

Daniẹl 4:27

Rhunmwuda ọnii nian, Umogun, u ghi rhie ude ne I bu ruẹ re. Da obọ orukhọ ne a ru yi, gha ru emwi ne ọ kere, vbe gha tohan avbe ivbiogue. Ẹghẹ nii, agbọn ghi gha ma ruẹn khian.”

Emọs 5:4

E Nọyaẹnmwa tama ivbi Izrẹl wẹẹ, “Wa bu mwẹ gha dee, wa gha di agbọn ya.

Emọs 5:6

Wa bu e Nọyaẹnmwa gha khian, wa gha di agbọn ya. Adeghẹ wa ma yo, ọ gha hẹ rhu ivbi Izrẹl zẹvbe erhẹn. Erhẹn nii gha giẹn iran an ighe iran ni rre Bẹtẹl, a i ra vbe miẹn ọmwa ne ọ gha sẹtin dọ ẹre yọ.

Iwinna 26:29

E Pọl keghi wanniẹn wẹ, “Ọre vbe ovbi ẹghẹ kherhe nọ ra ẹghẹ ne ọ taẹn nọ, erhunmwu ne I na ghe Osanobua ọrọre wẹ ne uwẹ kevbe emwa hia ni danmwehọ mwẹ ẹrẹna dọ khian vbene I mẹ yi, sokpan ẹ i re ọghe ọgiọrọ na I kha vbọ!”

II Kọrinti 5:11

Ma rẹn emwi ne a yae kha wẹ, ne a gha mu ohan Nọyaẹnmwa, ma keghi rhunmwuda ọnii ho ne a gha bọ emwa yọ. Osanobua rẹn ima fo fẹẹrẹ, mẹ vbe yayi wẹ, vbe uwu ekhọe uwa, wa vbe rẹn mwẹ.

II Kọrinti 5:20

Eban nian, te ima ghi guan ne Kristi khekherriọ, vbene a miẹn wẹ Osanobua tobọ ẹre ọre ọ wa la uwu ima gha gu uwa guan ne Kristi. Ma rinmwian uwa, wa gie Osanobua fi uwa werriẹ hin eghian rre ghe ọse.

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

Jems 1:22

Wa ghẹ do egbe uwa ọzuọ vbe ekpa ne uwa gha na gha ya ehọ viọ ẹmwẹ ọnrẹn kẹkan. Sokpan wa ya ẹe gha ru emwi.