Jerimaia 38:19 - Edo Bible (E Baibol Ẹdo) Version 1996

¹⁹ Sokpan, ọba keghi wanniẹn wẹẹ, “Ohan avbe ivbi ẹvbo ima ni he lẹ bu ivbi e Babilọn mu mwẹ, iran sẹtin rhie mwẹ ne iran, ne iran rriọmwẹ oya ẹkẹkhẹrhẹ.”

Jerimaia 38:19 ပူးပေါင်းရင်းမြစ်များ

II Krọnikol 30:10

Iran na gie ẹre uhunmwu keghi wa la ẹvbo ni rre otọ Ifreim kevbe Manasẹ fo, kevbe ya sẹ Zẹbulọn vbe odẹ Okuọ, sokpan emwa nii kegha giẹ iran, iran na gha ya iran gbogiẹ.

Nehimaia 4:1

E Sanbọlat ghi họn wẹ ma ne Ju suẹn gha dọlọ ekẹn nii bọ nẹ, ohu dan keghi mu ẹẹn, ọ na suẹn gha ya ima gbe ogiẹ.

Job 31:34

Ohan ẹmwẹ ne emwa gha ta ma he mu mwẹ ẹdẹ, I ma he hunwan ẹdẹ ra ne I khui egbe ye owa, rhunmwuda ighẹ ohan ogie iran mu mwẹ.

Itan 29:25

Emwi dan wa nọ ne a gha mu ẹmwẹ emwi ne ọmwa ọvbehe ro vbekpa ọmwa ro, sokpan, u gha mu ẹtin yan e Nọyaẹnmwa, ẹbe fo.

Aizaia 57:11

E Nọyaẹnmwa khare wẹẹ, “Vbe avbe ẹbọ na ye ne afianma rẹn fian uwa na yi, ne uwa na ta ohoghe ma mwẹ, wa na vbe mianmian mwẹ fẹẹrẹ? Rhunmwuda ne I na hunwan la ẹghẹ ne ọ taẹn vberriọ ọ re uwa na dobọ uyi ne a rhie mẹ yi ra?

Jerimaia 20:7

E Nọyaẹnmwa, u mu mwẹ rẹrẹ nẹ, mẹ keghi khian ne a mu rẹrẹ. U wegbe sẹ mwẹ, obọ ruẹ keghi ke ukhunmwu mẹ. Te emwa hia ghi ya mwẹ gbe ogie te iran ghi gie mwẹ ne ebi ro.

Jerimaia 38:22

“Vbe umian nii, I keghi bẹghe vbe a viọ avbe ikhuo ne a sẹrae vbe ẹguae Juda bu ekhaẹmwẹ e Babilọn khian. Danmwehọ emwi ne iran gha ta vbe iran khian: “ ‘Avbe ọse ọba ni sikẹ ọba sẹẹ ọ re ọ bibi ẹre odẹ, iran keghi khuan ẹre ẹmwẹ uan, eban na, owẹ ọre ghi ziẹn ye uwu ọrho nẹ, avbe ọse ọre lẹẹ sẹ ọe rae.’ ”

Jerimaia 38:5

E Zedekaia ne ọba keghi wanniẹn wẹẹ, “Ọ maa khekherriọ, wa ru ẹe vbene uwa ho ne uwa ru ẹe, mẹ I ra da uwa obọ yi.”

Jerimaia 39:9

Vbe okiekie ehia, e Nebuzaradan ne arowa ivbiyokuo keghi viọ avbe emwa ni ghi kẹe vbe ẹvbo nii gha rrie e Babilọn, deba avbe emwa ni ka lẹ bu ẹre.

Iyẹn ne ọ Maan Ọghe Jọn 12:42

Ọ rhe ye vberriọ, eso vbe uwu avbe olotu avbe Ju ye ya Jesu yi, sokpan rhunmwuda avbe Farisi, ohan ma gie iran tae vbe azagba, ne a ghẹ ya khulo iran hin uwu ọgua ediọn re.

Giọgis 9:54

Rẹn keghi zegiẹgiẹ tie igbama ne ọ viọ emwi igbinna rẹn mwẹ ọnrẹn, ọ tama rẹn wẹẹ, “Si umozo ruẹ ladian ne u gbe mwẹ uan. Mẹ i ho ne a gha ta ẹe khian wẹ okhuo ọre ọ gbe mwẹ.” Ẹre igbama nii na bi umozo ye ọre egbe, ọ keghi wu.

I Samuẹl 15:24

E Sọl keghi wanniẹn wẹẹ, “I ru orukhọ nẹ, I ma rhie iyi ọghe Nọyaẹnmwa kevbe igiodẹ ne uwẹ ru mwẹ. Ohan avbe emwa mwẹ ọ re ọ gha mu mwẹ, I keghi ru vbene iran ho.

I Samuẹl 31:4

Rhunmwuda ọnii, rẹn keghi tama igbama ne ọ hẹ emwi igbinna mwẹ ọnrẹn wẹẹ, “Yuo umozo ruẹ ladian ne u gbe mwẹ uan ne avbe Filistin ni ma rẹn Osanobua na ghẹ ya ya mwẹ gbogiẹ, iran ke gbe mwẹ uan.” Sokpan ohan ma gie igbama nii ru emwi vberriọ. Ẹre Sọl ghi na rhie umozo ọghe irẹn, ọ na tobọ ẹre ziẹn egbe yọ.