Jerimaia 38:17 - Edo Bible (E Baibol Ẹdo) Version 1996

¹⁷ Ẹre I na tama e Zedekaia wẹ e Nọyaẹnmwa ne Oghodua, ne Osanobua Izrẹl khare wẹẹ, “U gha tobọ rhie egbe ruẹ ne avbe ekhaẹmwẹ e Babilọn, ai ra gbe uẹ ua, ai ra vbe giẹn ẹvbo na sotọ. Ke uwa kevbe ẹgbẹe ruẹ, a i ra gbele uwa a.

Jerimaia 38:17 ပူးပေါင်းရင်းမြစ်များ

Gẹnẹsis 12:13

Tama iran ighẹ ọtẹn mwẹ nokhuo ọre u khin, ẹghẹ nii, iran ghi rhunmwuda ruẹ sẹ mwẹ rae ye agbọn, iran ghi gha ya obọ esi mu mwẹ.”

II Ọba 24:12

ẹre Jehoiakin ne ọba, kevbe iye ẹe, avbe ivbi ẹre nikpia, avbe ewọe oga ọba ẹre, kevbe avbe ekhaẹmwẹ ọnrẹn, na wa zẹ egbe iran obọ ne ivbi e Babilọn. Ọ ghi rre ukpo erẹnrẹn ne Nebukiadneza rri ọba, o na mu e Jehoiakin oghunmwu.

II Ọba 25:27

Ukpo ne Ivomẹrodak rri ọba e Babilọn, ọ keghi tohan Jehoiakin ne ọba ọghe e Juda, ọ na fan ẹn hin ẹwẹdọ rre. Ikpẹdẹ eha irrọvbọgban ọghe ukpo ne ogiweva ọghe ukpo ne ọ ya gba vbe ukpo eha irrọvbiyeva ne a mu e Jehoiakin oghunmwu.

I Krọnikol 17:24

Otiti ruẹ gha kpolo, emwa hia ghi vbe gha kha rhinrin ẹdẹ wẹẹ, ‘E Nọyaẹnmwa ne Oghodua ọrọre Osanobua iran ne ivbi Izrẹl.’ We gha vbe rhie uniẹn ọba mwẹ lẹre rhinrin ẹdẹ.

Ẹzra 9:4

Evba ọ re I tota yi gha khiẹkhiẹ egbe, ọ te do sẹ ẹghẹ ne a ya zọ ese ota, emwa hia kegha rre, iran na gha do ga mwẹ, avbe emwa ne afianma gha fian rhunmwuda ẹmwẹ ne Osanobua Izrẹl tae vbe ekpa orukhọ ọghe avbe emwa ni ke iwe rre.

Job 23:13

“Rẹn i fi werriẹ, a i miẹn ne ọ sẹtin gu ẹe vẹn. Ra ne ọ da ẹre obọ emwi ne ọ ho ne ọ ru yi.

Psalm 80:14

Werriegbe bu ima rre Osanobua Ne Oghodua ke ẹrinmwi gbearoghe otọ ghe mwa, larre, do miẹn emwa ruẹn fan.

Psalm 80:7

Viọ ima werriegbe gha dee Osanobua Ne Oghodua rhie itohan ruẹn ma mwa a gha miẹn ima fan.

Jerimaia 27:12

Ẹmwẹ vberriọ ọ re I vbe tama e Zedekaia ne ọba e Juda. “Gbe uhunmwu kotọ ne ọba e Babilọn. Ga irẹn kevbe emwa rẹn, u gha gha rre agbọn.

Jerimaia 27:17

Wa ghẹ zẹ ye iran ẹre! Wa gbe uhunmwu kotọ ne ọba e Babilọn wa gha rre agbọn! Vbọzẹ ne ore nọkhua na gha na do khian itowa?

Jerimaia 27:8

“Sokpan, a deghẹ a miẹn ẹvbo ra arriọba ne ọ wẹ rẹn i ga gie ẹe, I gha ye okuo rri uhunmwu ẹvbo ni oya, kevbe ohanmwẹ kevbe emianmwẹ rhinrin a te do miẹn wẹ, I wa rhie ẹghẹ ne Nebukiadneza ya fuẹn ọnrẹn uan fẹẹrẹ.

Jerimaia 38:2

e Nọyaẹnmwa khare wẹẹ, “Ọmwaikọmwa ne ọ tota ye ẹvbo na, okuo, ra ohanmwẹ ra emianmwẹ gha gbe ẹe sokpan, ọmwaikọmwa ne ọ ladian, ọ na ya rhie egbe ẹre ye ivbi e Babilọn obọ, a i ra gbe ẹe rua, ọ gha ghi ba gbe, ọ gha miẹn uhunmwu, rẹn vbe ikpakpauhunmwu ẹnrẹn okpa kẹkan.”

Jerimaia 39:3

(Iran ghi khọn mu e Jerusalẹm nẹ, avbe ekhaẹmwẹ nekhua hia ọghe ọba e Babilọn kegha die Onurho Adesẹ, iran na do totaa, ne usun ọ re iran ye ighe Negal Sareza, Semga Nebo, e Sasiekim deba Negal Sareza ọvbehe.)

Jerimaia 40:9

E Gedalaia keghi tama iran wẹẹ, “Mẹ ọ re ọ tama uwa nian wẹ ne uwa ghẹ fian afianma rhọkpa, ne uwa ya rinmwian ivbi e Babilọn. Wa gbe ẹkun sẹ otọ vbe emwa na, wa gha ga gie ọba e Babilọn.

Jerimaia 44:7

Rhunmwuda ọnii nian, te imẹ ne Nọyaẹnmwa ne Oghodua ne Osanobua Izrẹl ghi nọ nian wẹ, vbọzẹ ne uwa na ru egbe uwa emwi oya vbenian yi. Te uwa ho ne ọkhọ rruan ikpia kevbe ikhuo emọ obọ kevbe emọ owẹ, vbene a gha na miẹn wẹ, ẹ i ghi zẹdẹ kẹe vbe emwa uwa?

Ezikiẹl 8:4

Evba nii i ọ re I na bẹghe ukpa ne wanna ne ọ gbe ebiebi ye ọmwa aro, ne ọ rhie ma ighe Osanobua Izrẹl rre evba, zẹ vbene I wa miẹn ọẹn vbe ọkpẹn Ẹzẹ Kiẹba.

Emọs 5:27

Vbe ẹghẹ ne I gha na viọ uwa gha rrie iwe vbe odẹ vbe a gberra e Damaskọs nẹ.” Erriọ Nọyaẹnmwa ne a tie ẹre Osa ne Oghodua khare.