Jerimaia 38:14 - Edo Bible (E Baibol Ẹdo) Version 1996

¹⁴ Ọ ghi vbe sẹ ẹghẹ ọvbehe, e Zedekaia ne ọba keghi giee ne a tie mwẹ gha die onurho Ọgua Osa ne ogieha ọ keghi tama mwẹ wẹẹ, “I ho ne I nọ ruẹn ota okpa, u ghi wa ta ẹmwata ne ọ rrọ ma mwẹ.”

Jerimaia 38:14 ပူးပေါင်းရင်းမြစ်များ

II Samuẹl 14:18

Ọba keghi wanniẹn wẹẹ, “I khian nọ ruẹn ọta ọkpa, u ghi ta ẹmwata ne ọ rrọọ hia ma mwẹ.” Okhuo nii keghi wanniẹn wẹẹ, “Nọ mwẹ ọta ne ọ rhirhi khọn ruẹn, Umogun.”

I Ọba 10:5

evbare ne ọ mu ye otọ, kevbe ewọe ni winna vbe ẹguae ẹre, owa esiesi ne ọ bọlọe ne emwa iwinna rẹn, iguemwi kevbe ukpọn esiesi ne eguọmwadia ẹre hẹ ye egbe, iran ni sa ayọn ne ẹẹn kevbe ese ne ọ zọ vbe Ọgua Osa. Ose avbe emwi na hia keghi gbe okhuo nii fi otọ.

I Ọba 22:16

Sokpan, Ehab keghi kha wẹẹ, “Inu igba I gha tama ruẹn yi wẹ ẹmwata ọkpa ọ re u gha ye eni Nọyaẹnmwa tama mwẹ?”

II Ọba 16:18

Ne ọ miẹn ehe na ru emwi ne ọ gha ye ọba Asiria, Ehaz na mu emwi ne a mu ẹkete ọba yan hin Ọgua Osa rre, ọ keghi gbe urho ne ọba ọkpa te la lao Ọgua Osa.

II Krọnikol 18:15

Sokpan, Ehab wanniẹn tama rẹn wẹẹ, “U gha ya eni e Nọyaẹnmwa gun mwẹ guan, gha ta ẹmwata! Inugba I gha tae ma ruẹn yi?”

Jerimaia 15:11

E Nọyaẹnmwa, adeghẹ ma ma ga uwẹ ẹse, gie ihẹn ne iran tie sẹ mwẹ egbe. I ma he do rinmwian an ne avbe eghian mwẹ ẹdẹ vbe iran rre uwu ibaro kevbe akhiẹ.

Jerimaia 37:17

Ọ ghi kpee kherhe, e Zedekaia ne Ọba keghi gie ne a tie mwẹ, ọ keghi hẹko nọ mwẹ vbe uwu ẹguae wẹẹ, “E Nọyaẹnmwa giee uhunmwu rre ra.” I keghi wanniẹn, I tama rẹn wẹẹ, “Ọ giee rre, ọ wẹ a gha mu ẹẹn rhie ye ọba e Babilọn obọ.”

Jerimaia 42:20

Ighẹ uwu abakuru nọkhua ọ re uwa wa ye na. Wa ọ re ọ tama mwẹ ne I na erhunmwu ghe e Nọyaẹnmwa ne Osanobua ima ne uwa, wa na vbe yan wẹ, emwi ne ọ rhirhi a khama uwa ne uwa ru, wa gha ru ẹe.