Jerimaia 38:10 - Edo Bible (E Baibol Ẹdo) Version 1996

¹⁰ Ẹre ọba na tama Ẹbẹdmẹlẹk wẹ ne ọ viọ arhin eha ba egbe ne ọ do si mwẹ ladian vbe uhae nii ne I ghẹ wu.

Jerimaia 38:10 ပူးပေါင်းရင်းမြစ်များ

Ẹsta 5:2

Ugbẹn vbe ọba ghi bẹghe oloi ighẹ Ẹsta, vbe ọ mudia ye ore, ọ keghi miẹn aro ne ọ maa vbe obọ ọre, ọba keghi nọ rẹn wẹẹ,

Ẹsta 8:7

E Kzakzis ne ọba keghi tama Ẹsta ne Oloi kevbe Modekai ne Ju wẹẹ, “Ghe, I si e Haman rrọ nẹ rhunmwuda iro dan ne ọ zẹe ghe avbe Ju, I kevbe viọ emwi ẹnrẹn hia ne Ẹsta,

Psalm 75:10

Ọ gha guọghọ ẹtin emwa dan sokpan a gha rhie ba ẹtin ọghe emwa ẹmwata.

Itan 21:1

Vbene ẹ i lọghọ e Nọyaẹnmwa vbe ọ gha ta ehe ne ẹzẹ gha lẹ la, erriọ ẹre ẹ i vbe lọghọ vbe ọ a gha dia ekhọe ọba ye odẹ.

Jerimaia 38:11

Ẹre Ẹbẹdmẹlẹk na viọ emwa nii ba egbe gha rrie uwu aza ẹguae, ọ na ya viọ osọnmwẹ ukpọn eso vbe evba, ọ na viọ ẹre ye irri gun mwẹ.

Jerimaia 38:7

Vbene ọ rhirhi a gha ye hẹ, Ẹbẹdmẹlẹk ne ovbi e Sudan ọghẹrriẹnoguan ne ọ winna vbe ẹguae, keghi họọn wẹ iran mu mwẹ fi uwu uhae. Vbe ẹghẹ ne a kha na, ọba keghi bu ohiẹn emwi vbe onurho e Bẹnjamin.

Jerimaia 38:9

“U gha tọ u kpẹre Umogun, emwi ne iran na ru i maa. Iran ya mu e Jerimaia fi uwu uhae, agbọn hia rẹnrẹn wẹ, te ohanmwẹ ra gbe ẹe rua ye evba rhunmwuda evbare i ghi rre ẹvbo.”