Jerimaia 37:9 - Edo Bible (E Baibol Ẹdo) Version 1996

⁹ Mẹ ne Nọyaẹnmwa ọ re ọ tama uwa nian ne uwa ghẹ ya gha rẹrẹ egbe uwa, ne uwa gha ro ighe avbe ivbi e Babilọn i ghi dọlegbe dee rhunmwuda, iran gha rre.

Jerimaia 37:9 ပူးပေါင်းရင်းမြစ်များ

Job 15:31

A deghẹ rẹn wa kọn sẹ vberriọ, ne ọ na mu ẹtin yan ọkhọ, ọkhọ ọrọre ere ne ọ gha vbe re.

Jerimaia 29:8

Mẹ ne Nọyaẹnmwa ne Osanobua Izrẹl tama uwa nian, ne uwa ghẹ gie iran rẹrẹ uwa ighẹ avbe akhasẹ ni rre ehe ne uwa ye, fa avbe iran ni kha ighẹ iran gha sẹtin ta emwi ne ọ gha sunu akhuẹ ma ọmwa. Wa ghẹ vbe zẹdẹ danmwehọ imina ne iran wẹ iran mina.

Obedaia 1:3

Uhiomwẹ ruẹn ọ re ọ rẹrẹ ọ. Igiogbẹ ẹvbo ruẹ, ẹvbo ne a ya okuta ne ọ wegbe gbe odin ga nọ; owa ruẹ yo vbe uhunmwu oke nọkhua wẹ keghi rhunmwuda ọnii tama egbe ruẹ wẹẹ, ‘De ọmwa ne ọ gha sẹtin si mwẹ gbotọ?’

Galatia 6:3

A deghẹ orhiọnkpa tie egbe ẹre ọmwa kpataki, ugbẹn vbe ẹ i mwẹ emwi ne ọ khin, egbe ẹre ọre ọ rẹrẹ.

Galatia 6:7

Wa ghẹ rẹrẹ egbe uwa, ọmwa rhọkpa i sẹtin do Osanobua ọzuọ, emwi ne ọmwa kọe zẹ, ọre ọ gha vbe rhọ.

Ẹfisọs 5:6

Wa ghẹ gie ọmwa rhọkpa ya ẹmwẹ ọzuọ mu uwa rẹrẹ, usun emwi ne ọ si ẹe ne izohu Osanobua gha na rhurhẹ yan iran ne ẹ i họn ẹmwẹ nẹẹn, ọre ena khin.

II Tẹsalonaika 2:3

Wa ghẹ gie ọmwa rhọkpa la odẹikodẹ do uwa ọzuọ. Rhunmwuda Ẹdẹ ni i khian rre vbe ẹ i re te Isọtẹ ne okiekie sunu nẹ, ne Ọmwa Dan nii ya egbe ladian, ọmwa ne a khare ighẹ ẹrinmwi erhẹn ọrọre ọghọe.

Jems 1:22

Wa ghẹ do egbe uwa ọzuọ vbe ekpa ne uwa gha na gha ya ehọ viọ ẹmwẹ ọnrẹn kẹkan. Sokpan wa ya ẹe gha ru emwi.