Jerimaia 37:20 - Edo Bible (E Baibol Ẹdo) Version 1996

²⁰ Banbanna nian, lahọ danmwehọ mwẹ Umogun, ne u vbe ru vbene I ra tama ruẹn. Lahọ ghẹ ghi rhie mwẹ werriegbe gha rrie eghan ne ọ rre owa e Jonatan. U gha rhie mwẹ gha khian, I gha wu ye evba.”

Jerimaia 37:20 ပူးပေါင်းရင်းမြစ်များ

Psalm 119:170

Họn erhunmwu mwẹ, ne u miẹn mwẹ fan zẹ vbene u yan rẹn!

Jerimaia 26:15

Sokpan, wa gie ọna gha rre uwa ekhọe wẹ adeghẹ wa gbe mwẹ uan, wa gha rria abe, kevbe emwa ni rre ẹvbo na wẹ wa gbe ọmwa ne ọ ma rukhọ ua, rhunmwuda, e Nọyaẹnmwa ọ re ọ gie mwẹ ne I do ta ẹmwẹ na yotọ ma uwa.”

Jerimaia 36:7

Ughaghe, iran gha na erhunmwu ghe Nọyaẹnmwa, ne iran vbe fiwerriẹ hin odẹ dan iran rre, rhunmwuda, e Nọyaẹnmwa niẹn obọ ye emwa rẹn aro nẹ vbe uwu ohu kevbe okuosu ẹre ne ọ mu ohan.”

Jerimaia 38:26

U ghi tama iran wẹ te u gha rinmwian mwẹ ne I ghẹ dọlegbe rhie ruẹ gha rrie ẹwẹdọ ne u ya wu ye evba.”

Jerimaia 38:28

Iran keghi sẹ mwẹ rae ye uwu ẹguae ọ te do sẹ ikpẹdẹ ne iran khọn mu e Jerusalẹm.

Jerimaia 42:2

iran tama mwẹ wẹẹ, “Lahọ u ghi ru vbene ima tama ruẹn. Na erhunmwu ghe Nọyaẹnmwa Osanobua mwa ne ima. Na erhunmwu ne ima ni miẹn uhunmwu. Ma te ka wa bun yi, u gha miẹn nian wẹ ima ibozẹghẹ ọ re ọ ghi kẹe.