Jerimaia 37:17 - Edo Bible (E Baibol Ẹdo) Version 1996

¹⁷ Ọ ghi kpee kherhe, e Zedekaia ne Ọba keghi gie ne a tie mwẹ, ọ keghi hẹko nọ mwẹ vbe uwu ẹguae wẹẹ, “E Nọyaẹnmwa giee uhunmwu rre ra.” I keghi wanniẹn, I tama rẹn wẹẹ, “Ọ giee rre, ọ wẹ a gha mu ẹẹn rhie ye ọba e Babilọn obọ.”

Jerimaia 37:17 ပူးပေါင်းရင်းမြစ်များ

I Ọba 22:15

Ọ ghi mudia ye odaro ọba, ọba keghi nọ rẹn wẹẹ, “Makaia, ne I mẹ vbe Jehosiafat ya khọn Ramọt ra ne I ma ghẹ yo?” E Makaia keghi kha wẹẹ, “Gha khian ighẹ u gha khọnmiotọ. E Nọyaẹnmwa gha rhie akhọnmiotọ nuẹn.”

I Ọba 22:16

Sokpan, Ehab keghi kha wẹẹ, “Inu igba I gha tama ruẹn yi wẹ ẹmwata ọkpa ọ re u gha ye eni Nọyaẹnmwa tama mwẹ?”

II Ọba 25:7

Vbe Sirra e Zedekaia, a keghi gbele ivbi ẹre ne ikpia a, e Nebukiadneza na wẹ ne iran wọlọ e Zedekaia aro hẹ kua, a keghi ya ọgiọrọ rrọ ẹre mu gha rrie e Babilọn.

Jerimaia 15:11

E Nọyaẹnmwa, adeghẹ ma ma ga uwẹ ẹse, gie ihẹn ne iran tie sẹ mwẹ egbe. I ma he do rinmwian an ne avbe eghian mwẹ ẹdẹ vbe iran rre uwu ibaro kevbe akhiẹ.

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 24:8

“Zẹ vbe ọghe Zedekaia ọghe Juda, iran ni gbinna igbinna ẹvbo ni lẹga ẹre, kevbe emwa nekpa ni rre Jerusalẹm, ni rre otọe na ra ni kpao gha rrie Igipt, Mẹ ne Nọyaẹnmwa gha ru iran zẹ vbe avbe ohọ nii ni i maa, ne ẹ i gia re.

Jerimaia 25:35

Odẹ ọkpa ne uwa gha la miẹn uhunmwu vbọ i rrọọ.

Jerimaia 37:3

E Zedekaia keghi giee Jehukal ne ovbi e Sielemia kevbe Zẹfanaia ne ovbi Maaseia wẹ ne ọ do tama mwẹ ne I na erhunmwu ghe Nọyaẹnmwa Osanobua ne ẹvbo mwa.

Jerimaia 38:5

E Zedekaia ne ọba keghi wanniẹn wẹẹ, “Ọ maa khekherriọ, wa ru ẹe vbene uwa ho ne uwa ru ẹe, mẹ I ra da uwa obọ yi.”

Jerimaia 52:8

Sokpan ivbiyokuo e Babilọn keghi zẹẹ Ọba Zedekaia khu, iran na mu ẹẹn vbe otọe ne ọ rriẹe ne ọ rre ọkpẹn e jẹriko, ivbiyokuo ẹre hia keghi lẹ sẹ ọe rae.

Ezikiẹl 7:26

Ọkhọ okpa gha lele ọvbehe. Iyẹn dan ghi gha gbe usun rre. Wa gha rinmwian avbe akhasẹ ne iran ta emwi ne iran miẹn. Avbe ohẹn i ghi ra miẹn emwi ma emwa ẹre, avbe eniwanrẹn i ra vbe miẹn ude bu.

Nọmbas 23:17

Ọ re ọ na werriegbe, ọ keghi do vba e Balak vbe ọ ye mudia ke ese na giẹn uan ọghe ọe ke ẹe kevbe avbe ọkaolotu ivbi e Moab. E Balak keghi nọ rẹn vbene Nọyaẹnmwa kha hẹ,

Iyẹn ne ọ Maan Ọghe Mak 6:20

Ohan Jọn kevbe mu e Hẹrọd rhunmwuda ọ rẹnrẹn ighe ọmwa ẹmwata ne ọ huanrẹn ọre Jọn khin, ọ na tan ifuẹn gue ẹre. Ẹghẹ hia ọre ọ ya ho ne ọ gha danmwehọ ẹmwẹ ne ọta, a gha rhe miẹn wẹ ẹghẹ ne ọ rhirhi ya danmwehọ hia, ọre ọ ya zẹ afianma ye ọre egbe.