Jerimaia 37:15 - Edo Bible (E Baibol Ẹdo) Version 1996

¹⁵ Ohu mwẹ keghi wa mu iran hia ẹsẹse, iran na giee ne a gbe mwẹ, iran na ya mu mwẹ khui ye owa e Jonatan ne ọgbenbe ẹguae, ne a ghi ya owa ẹre ru ẹwẹdọ.

Jerimaia 37:15 ပူးပေါင်းရင်းမြစ်များ

Gẹnẹsis 39:20

Ọ na wẹ ne a mu e Josẹf, ne a muẹn ye ehe ne a viọ avbe oleghan ọba yi, ọ na gha rre evba.

II Krọnikol 16:10

Ọna keghi ya ohu akhasẹ nii mu Asa sẹrriọ ne a na wẹ ne a ya ọgiọrọ rrọ ẹre. Ẹghẹ na ọ re Asa na suẹn gha ru emwa eso vbe uwu emwa ni emwi ne ọ wegbe.

II Krọnikol 18:26

Tama iran ne iran mu ẹẹn fi uwu ẹwẹdọ ne a gha ya ebrẹd ke amẹ kokẹe I te do rre hẹnnẹdẹn.”

Jerimaia 18:23

Sokpan, Nọyaẹnmwa, wẹ rẹn emwamwa iran wẹ ne iran ghe mwẹ uan. Ghẹ ye ọkhọ iran bọ iran, ra ne u ya orukhọ iran bọ iran. Mu iran gbotọ ne obọ ke ukhunmwu ne iran, ne u vbe ye obọ mu iran vbe ohu a gha mu uẹn.”

Jerimaia 26:16

Ẹre avbe ọkaolotu na tama avbe ohẹn kevbe akhasẹ wẹẹ, “Eni e Nọyaẹnmwa ne Osanobua mwa ọ re ọmwa na ya gu ima guaan, ọ ma kei na a gbe ẹe rua.”

Jerimaia 32:2

Vbe ẹghẹ ne a kha na, ivbiyokuo ọba e Babilọn keghi gha khọn okuo vbe Jerusalẹm, a keghi mu imẹ khui ye ihọkpa vbe ẹghodo ẹguae ọba.

Jerimaia 37:20

Banbanna nian, lahọ danmwehọ mwẹ Umogun, ne u vbe ru vbene I ra tama ruẹn. Lahọ ghẹ ghi rhie mwẹ werriegbe gha rrie eghan ne ọ rre owa e Jonatan. U gha rhie mwẹ gha khian, I gha wu ye evba.”

Jerimaia 37:4

A ma he mu mwẹ ye eghan ẹghẹ nii, I he ye sẹtin gha khian la ehe ne ekhọe mwẹ ho vbe ehe ne emwa nii ye.

Jerimaia 38:26

U ghi tama iran wẹ te u gha rinmwian mwẹ ne I ghẹ dọlegbe rhie ruẹ gha rrie ẹwẹdọ ne u ya wu ye evba.”

Jerimaia 38:6

Rhunmwuda ọnii, iran keghi mu mwẹ. Iran keghi ya irri mu mwẹ fi uwu uhae e Malkaia ne Okoro, ore ẹguae ọ re nene uhae ye. Amẹ i ghi rre nene uhae, ekhuọrhọ okpa ọ re ọ ghi rrọọ, ọ keghi ziẹn mwẹ.

Jerimaia 39:15

Ẹghẹ ne a na mu mwẹ khui ye ẹguae, e Nọyaẹnmwa keghi giee mwẹ wẹ,

Matiu 21:35

Iran ni keghi munọ eviẹn ọnrẹn nii, iran mama ọkpa vbọ, iran gbe ọkpa vbọ rua fẹẹrẹ, iran keghi filo okuta gbe nọkpa.

Matiu 23:34

Ne I tama uwa nian: I gha gie avbe akhasẹ, umẹwaẹn kevbe emamwaemwi gie uwa. Wa gha gbele eso ua vbọ, wa gha kan eso mu ugbugbe, wa gha gbe eso asan vbe Ọgua ediọn uwa, wa ghi vbe khulo iran ke ẹvbo ọkpa la ọvbehe.

Iyẹn ne ọ Maan Ọghe Luk 22:64

Iran ghẹ ghi gba ẹre aro nẹ, iran ghi wẹẹ, “Ta ọmwa ne ọ fi uẹ emwi!”

Iyẹn ne ọ Maan Ọghe Jọn 18:22

Jesu ghi ta ẹmwẹ na nẹ, ọkpa vbe avbe ọgbalegbe ni rre evba keghi gbe ubi ye ọre aro, ọ wẹẹ, “Ogie Ohẹn wẹ gu guan vberriọ!”

Iwinna 5:18

Iran keghi munọ avbe ukọ, iran keghi khui iran ye ẹwẹdọ.

Iwinna 5:28

“Te ima wa mobọ yan ma uwa wẹ ne uwa ghẹ ghi ya eni ọmwa na ma ọmwarhọkpa emwi. Wa ma miẹn emwi ne uwa ru nian. Wa ya iruẹmwi uwa gba Jerusalẹm hia, te uwa ghi ra gie a lẹ ẹmwẹ uwu ẹre ginna ima obọ.”

Iwinna 5:40

Iran keghi tie avbe ukọ la owa, iran ghi gbe iran asan nẹ, iran keghi dọlegbe yan ma iran ne iran ghẹ ghi ta ẹmwẹ rhọkpa vbe eni Jesu, iran na zẹ iran obọ.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.