Jerimaia 37:10 - Edo Bible (E Baibol Ẹdo) Version 1996

¹⁰ Gia kha i ghẹ te uwa gele sẹtin khọn ne obọ uwa ke ukhunmwu ne ivbiyokuo e Babilọn sẹrriọ wẹ iran ne a kuanrẹn okpa ọ re ọ ghi kẹe ye uwu owa ukpọn iran ne iran lovbiẹ yi, te iran na ye kpaegbe, iran ghi giẹn ẹvbo na muotọ.”

Jerimaia 37:10 ပူးပေါင်းရင်းမြစ်များ

Aizaia 10:4

Iran gha gbele uwa a vbe okuo ra iran ghi silo uwa viọ gha rrie zẹ vbe oghunmwu. Ọ gha rhe ye rrio, ohu e Nọyaẹnmwa i he ye fo, obọ ẹre gha ye niẹn ladian ne ọ ya rria ikhi.

Aizaia 13:15

Ọmwaikọmwa ne obọ a rhirhi vba, a gha ye agbada bi ẹre gbua.

Aizaia 14:19

sokpan wẹ i mwẹ idin, a mu ikun ruẹn fi fua ne ọ kẹkẹ ua. A silo ikun avbe ivbiyokuo ne a gbele vbe okuo rhu uẹ ginna otọ, a fi ẹe lele iran ku uwu uvun okuta, a na ya owẹ mamaẹn ginna otọ.

Aizaia 30:17

Arriaisẹn vbe uwu uwa gha lẹ vbe iran a bẹghe ovbiyokuo avbe eghian ọkpa. Ivbiyokuo isẹn sẹe ne ogha ya uwa hia lẹ kua. Ọkpa ne ọ gha kẹe vbe uwu avbe ivbiyokuo uwa i rrọ gberra ukperhan ọkpa ne a ya tan afiala vbe uhunmwu oke.

Jerimaia 21:10

I wa tae nẹ, wẹ I i ra sẹ ẹvbo na rae sokpan, I fuẹn ọnrẹn ruan. A gha mu ẹẹn ne ọba e Babilọn, ọ ghi vbe giẹn ọnrẹn muotọ. Mẹ ne Nọyaẹnmwa taa ẹe nẹ.”

Jerimaia 32:29

Iran ghi vbe mu erhẹn yọ. Iran gha giẹn ọnrẹn sotọ, deba avbe owa nii ne emwa na ya gha ye ohu mu mwẹ vbekpa ne iran na gha giẹn eturari ne Baal vbe okpo, kevbe ne iran na gha sa ayọn imuohan kua ne avbe ẹbọ.

Jerimaia 37:11

Ivbiyokuo e Babilọn keghi kpao hin e Jerusalẹm rre rhunmwuda ighe ivbiyokuo Igipt dee.

Jerimaia 37:8

Iyekọni, ivbi e Babilọn gha werriegbe rre, iran gha dekun ẹvbo na, iran ghi khọn mu ẹẹn, iran ghi giẹn ọnrẹn sotọ.

Jerimaia 49:20

Rhunmwuda ọnii, danmwehọ vbene I khuan khẹ ivbi Idọm hẹ kevbe emwi ne I ra ru ivbi ẹvbo e Tẹman re. Te a ra silo ivbi iran kpao, izegbe ghi zẹ emwa hia.

Jerimaia 50:45

Rhunmwuda ọnii, danmwehọ vbene I khuan khọ e Babilọn hẹẹ, kevbe ne I ho ne I ru emwa rẹn hẹ ya sẹ egbe avbe ivbi iran, te a ra kpolo ehia gha rrie dọmwadẹ ọghọe ghi runran.

Jerimaia 51:4

“Obọ gha vba iran, iran ghi vbe wulo ye adesẹ ore ẹvbo iran.

Eve Orriara 1:15

“E Nọyaẹnmwa gie ivbiyokuo mwẹ ni wegbe sẹẹ hia ọ gie ivbiyokuo do fuẹn avbe igbama mwẹ ọ keghi piẹnpiẹn avbe emwa mwẹ gbe ua vbene a minọ alimo vbe okọ ayọn.

Joẹl 2:11

E Nọyaẹnmwa ghi davan gie ivbiyokuo ẹre uhunmwu, otu iyokuo ni ru vbene ọ khare, wa bun ẹsẹse, iran vbe wegbe. U miẹn vbe ẹdẹ e Nọyaẹnmwa mu ohan hẹ. De ọmwa ne ọ gha miẹn uhunmwu vbọ?