Jerimaia 36:7 - Edo Bible (E Baibol Ẹdo) Version 1996

⁷ Ughaghe, iran gha na erhunmwu ghe Nọyaẹnmwa, ne iran vbe fiwerriẹ hin odẹ dan iran rre, rhunmwuda, e Nọyaẹnmwa niẹn obọ ye emwa rẹn aro nẹ vbe uwu ohu kevbe okuosu ẹre ne ọ mu ohan.”

Jerimaia 36:7 ပူးပေါင်းရင်းမြစ်များ

II Ọba 22:13

“Wa ya gualọ otọe ẹmwẹ emwi ne a gbẹnnẹ ye ebe na, kevbe emwa e Juda, vbe obọ e Nọyaẹnmwa. Ohu ima mu e Nọyaẹnmwa rhunmwuda, avbe erha mwa odede ma ru vbene ẹmwẹ ni rre ebe na wẹ ne a ru.”

II Ọba 22:17

Iran fi iyeke gbe mwẹ, iran keghi ya gha zọ ese ghe avbe ẹbọ ọvbehe, iran keghi rhunmwuda ọnii ya emwi ne iran ru hia gha ya ohu mu mwẹ. Ohu e Jerusalẹm mu mwẹ nẹ, ẹ i ghi dọyọ.

II Krọnikol 34:21

“Wa ya gualọ otọ ẹmwẹ na gun mwẹ kevbe emwa ni ghi ke ẹe vbe otọe Izrẹl kevbe Juda vbe obọ e Nọyaẹnmwa, wa gualọ otọ emwi ne ebe na ma emwa ẹre. E Nọyaẹnmwa mu ohu ima rhunmwuda avbe erha mwa odede ma ya ẹmwẹ e Nọyaẹnmwa ru emwi, iran ma vbe ru vbene ebe na wẹ ne a gha ru.”

Jerimaia 1:3

Ọ keghi vbe dọlegbe guan vbe ẹghẹ ne Josaia ne ovbi e Jehoiakim na vbe rriọba. Vbe iyeke ọnii, e Nọyaẹnmwa keghi vbe dọlegbe gu ẹe guan vbe ẹghẹ nibun rhinrin ya sẹ ukpo ne ogiowọrọ ne ọ yae vbe ẹkete ighẹ Zedekaia ne ovbi e Josaia. Vbe uki nogisẹn, ọghe ukpo ne a viọ ivbi e Jerusalẹm gha rrie iwe.

Jerimaia 16:10

“U gha talọ ena hia ma iran ne, iran gha nọ emwi ne ọ sii ẹe ne I na yan rria ikhi vberriọ. Iran gha nọ emwi ne ọ re awua ne iran ru kevbe orukhọ ne iran ru ghe e Nọyaẹnmwa ne Osanobua iran.

Jerimaia 19:15

Wẹ e Nọyaẹnmwa ne Oghodua, ne ọ re Osanobua Izrẹl khare wẹẹ, “Oya hia ne I khare ighe I gha rri iran re, I ra mu ẹẹn sẹ vbe egbe ẹvbo na kevbe avbe ẹvbo ni sikẹ ọre, rhunmwuda, wa zevbudu gbe, wa i vbe danmwehọ ẹmwẹ ne I ta.”

Jerimaia 21:5

I gha ye ye ẹtin mwẹ hia, ohu mwẹ hia, izohu mwẹ hia kevbe okuosu mwẹ hia gu uẹ gbinna.

Jerimaia 25:5

Iran tama uwa ne uwa fiwerriẹ hin uyinmwẹ dan ne uwa yin rre, kevbe avbe emwi dan ne uwa ru, ne uwa miẹn ehe na gha yin ẹnrẹn khian ighẹ otọe nii ne Nọyaẹnmwa mu ne uwa kevbe avbe erha uwa odede ne ogha re ọghe uwa ẹdẹdẹmwẹdẹ.

Jerimaia 26:3

Ughaghe avbe emwa nii gha danmwehọ, iran ghi mu uyinmwẹ dan iran fua. Iran gha ru vberriọ, I gha fi ekhọe mwẹ werriẹ vbe ọkhọ ne I ra wẹ ne ọ rruan iran rhunmwuda avbe emwi dan ne iran ru.”

Jerimaia 36:3

Ọ gha kẹe, ivbi Izrẹl gha họn ọkhọ ne I khare ighe ọ dee ra do rruan iran, iran gha zobọ vbe emwi dan ne iran ru. Ẹghẹ nii, mẹ ghi ya uyinmwẹ dan kevbe ọkhọ ne iran ru bọ iran.”

Jerimaia 37:20

Banbanna nian, lahọ danmwehọ mwẹ Umogun, ne u vbe ru vbene I ra tama ruẹn. Lahọ ghẹ ghi rhie mwẹ werriegbe gha rrie eghan ne ọ rre owa e Jonatan. U gha rhie mwẹ gha khian, I gha wu ye evba.”

Jerimaia 4:4

Wa ya ile ne uwa gu imẹ ne Nọyaẹnmwa uwa ta gha ru emwi, ne uwa ye egbe uwa fiohan mẹ, wa ne ivbi e Juda kevbe ivbi e Jerusalẹm. Adeghẹ wa ma ru vberriọ, ohu mwẹ gha vẹn zẹ vbe erhẹn rhunmwuda emwi dan hia ne uwa he ru. Ọ gha vẹn, orhunmwu ọkpa ne ọ gha dọ ẹre yọ irrọọ.”

Jerimaia 42:2

iran tama mwẹ wẹẹ, “Lahọ u ghi ru vbene ima tama ruẹn. Na erhunmwu ghe Nọyaẹnmwa Osanobua mwa ne ima. Na erhunmwu ne ima ni miẹn uhunmwu. Ma te ka wa bun yi, u gha miẹn nian wẹ ima ibozẹghẹ ọ re ọ ghi kẹe.

Eve Orriara 4:11

E Nọyaẹnmwa keghi wa tue izohu ẹre ne ọ wegbe ladian; ọ keghi hie erhẹn ye Zaiọn, ne ọ wa gien ọnrẹn sotọ.

Ezikiẹl 12:3

“Banbanna nian, ovbi ọmwa kun emwi zẹ vbe ne ọmwa ne ọ lẹ la ẹvbo ẹrrẹe gha wa ru zẹẹ, ne u deyan okhian vbe ẹdẹ te mu. Gie emwa hia bẹghe ruẹ vbe u a ra kpao ne u gha rrie ehe ọvbehe. Ughaghe, avbe etẹ nii gha bẹghe ruẹ.

Ezikiẹl 13:13

Banbanna nian, vbenian ọ re Nọyaẹnmwa ne Udazi khare: “Vbe uwu ohu ne ọ mu mwẹ, I gha gie okpẹhoho, okpamẹ kevbe isan avan ni dele, ne iran dunmwu ekẹn nii uan.

Ezikiẹl 20:33

“Zẹ vbene aro dae wẹ, mẹ ne Nọyaẹnmwa ne Udazi ọrọre Osanobua ne ọ rrọ, I tama uwa yotọ nẹ wẹ ohu gha mu mwẹ, I gha ya obọ ne ọ tọn mu uwa vbe ẹtin mwẹ hia.

Ezikiẹl 22:20

Zẹ vbene a vbe viọ isan esiliva, oze ẹrọnmwọ kevbe isan ematọn ye erhẹn. Ohu kevbe okuosu mwẹ gha ranran iran zẹ vbene erhẹn ranran isan ematọn zẹẹ.

Ezikiẹl 5:13

“Wa gha họn ẹmwẹ obọ ohu kevbe okuosu mwẹ vbe egbe, a te do miẹn wẹ ẹko ẹre vuọn mwẹ. Ena hia ghẹ ghi sunu nẹ, wa ghi do rẹn wẹ te imẹ ne Nọyaẹnmwa gu uwa guan rhunmwuda ohu mu mwẹ ye uyinmwẹ a ma guobọ ọmwa uwa.

Ezikiẹl 8:18

Obọ ohu mwẹ gha vba iran. I i ra sẹ iran rae, a ma wẹ ne I tohan iran. Iran gha go gboo gha na erhunmwu ghe mwẹ, sokpan I i zẹ ye iran ẹre.”

Daniẹl 9:13

U na rrii ima oya hia ne u gbẹnnẹ ye uhi e Mosis. Uhin ye do sẹ wanwanna nian Nọyaẹnmwa, Osanobua mwa, ma ma he ye hia ne a ru emwi ne ọ yẹ ruẹ.

Daniẹl 9:18

Họn ọghomwa Osanobua, tọn aro mu ghe mwa, ne u miẹn usẹ ne ọ sẹ mwa, kevbe oya ne a re vbe ẹvbo ne a tie ginna eni ruẹn. Ma na erhunmwu ghe ruẹ rhunmwuda ọmwa itohan ọ re uwẹ khin ighe ẹ i re rhunmwuda ighe ma yin ẹse.

Hozia 5:15

“I gha he emwa mwẹ yotọ a te do miẹn wẹ iran rri oya ye orukhọ iran sẹ nẹ, kevbe wẹ te iran ghi vbe gualọ mwẹ. Ogha kẹe, usẹ gha sẹ iran nẹ, iran gha gualọ mwẹ rre.”

Joẹl 2:12

“Sokpan, vbene emwi hia ye ye na, wa fiwerriẹ ne uwa bu mwẹ gha dee, ekhọekekhọe hia, deba aguẹ, kevbe eve kevbe akhiẹ.” Erriọ Nọyaẹnmwa khare:

Joẹl 2:13

“Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Jona 3:8

Wẹ ne emwa ne agbọn kevbe emwirri viọ ukpọn akhiẹ yọ. we ne dọmwadẹ ọghe ọe ye ekhọe hia na erhunmwu ghe Osanobua, ne dọmwadẹ ọghọe sẹ uyinmwẹ dan kevbe emwi dan ne ọ ru rae.

Zẹkaraia 1:4

Wa ghẹ gha ye vbe avbe erha uwa odede. Vbe ẹghẹ ne ọ kpee fua, avbe akhasẹ ta uhunmwu ne I giee gie iran ma iran, wẹ ne iran ghẹ gha ru emwi dan ra ne iran gha yin uyinmwẹ dan, sokpan iran ma zẹ yọ mwẹ re, ra ne iran họn ẹmwẹ mwẹ.

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

Diuteronomi 31:17

Emwi vberriọ gha sunu, ohu iran gha mu mwẹ, I gha he iran ye otọ, a ghi fuẹn iran an. Ọkhọ ni mu ohan hia gha rruan iran, ẹghẹ nii iran ghi do rẹn wẹ emwi na sunu vbe egbe iran rhunmwuda, mẹ ne Osanobua iran i ghi rrọ yaba iran.