Jerimaia 36:5 - Edo Bible (E Baibol Ẹdo) Version 1996

⁵ Ẹre I na ghi tama e Barọk wẹẹ, “Iran i ghi gunmwẹ la uwu Ọgua Osa sokpan,

Jerimaia 36:5 ပူးပေါင်းရင်းမြစ်များ

Nehimaia 6:10

Vbe uwu ẹghẹ na I keghi ya tuẹ e Siemaia ne ovbi e Delaia, eyẹ Mehetabẹl, ne ọ ma sẹtin kpao vbe owa ẹre rre. Ọ keghi tama mwẹ wẹẹ, “Gie imẹ vbe ruẹ ya lẹre ye Ehe Nọhuanrẹn ọghe Ọgua Osa, ne a khui urho, rhunmwuda, iran de ra do gbe ua. Iran gha rre vbe asọn ne ọ rhirhi a gha khin nian ne iran do gbe ua.”

Psalm 88:8

U gie avbe osẹ mwẹ he mwẹ ye otọ, u yamwẹ khian ne ọ zughu ẹko ne iran, a ke mwẹ ye ako, I i sẹtin lẹfua.

Jerimaia 20:2

Ọ na wẹ ne iran gbe mwẹ, ne a ye ọgiọrọ rrọ mwẹ vbe ọkpẹn Onurho e Bẹnjamin ne ọ ke Ọdọ vbe Ọgua Osa.

Jerimaia 32:12

I keghi viọ eveva ne Barọk, ne ovbi e Neraia kevbe eyẹ e Maasai. I keghi sirra e Hanamẹl kevbe avbe osẹe nii viọ ne ẹẹn, iran ni rhie obọ ye ebe ne a ya do ẹki nii, kevbe avbe emwa ni tota vbe ẹghodo ẹguae.

Jerimaia 32:2

Vbe ẹghẹ ne a kha na, ivbiyokuo ọba e Babilọn keghi gha khọn okuo vbe Jerusalẹm, a keghi mu imẹ khui ye ihọkpa vbe ẹghodo ẹguae ọba.

Jerimaia 33:1

Ehe ne I na rre eghan vbe ẹghodo ẹguae nii, e Nọyaẹnmwa keghi dọlegbe gie uhunmwu gunmwẹ.

Jerimaia 37:15

Ohu mwẹ keghi wa mu iran hia ẹsẹse, iran na giee ne a gbe mwẹ, iran na ya mu mwẹ khui ye owa e Jonatan ne ọgbenbe ẹguae, ne a ghi ya owa ẹre ru ẹwẹdọ.

Jerimaia 38:28

Iran keghi sẹ mwẹ rae ye uwu ẹguae ọ te do sẹ ikpẹdẹ ne iran khọn mu e Jerusalẹm.

Jerimaia 38:6

Rhunmwuda ọnii, iran keghi mu mwẹ. Iran keghi ya irri mu mwẹ fi uwu uhae e Malkaia ne Okoro, ore ẹguae ọ re nene uhae ye. Amẹ i ghi rre nene uhae, ekhuọrhọ okpa ọ re ọ ghi rrọọ, ọ keghi ziẹn mwẹ.

Jerimaia 40:4

Banbanna nian, I ra rhan ọgiọrọ hin ruẹn urhu abọ rre ne I fan an fua. A deghẹ u ho ne u lele mwẹ gha rrie Babilọn, u sẹtin ru vberriọ, I gha gbearoghe ruẹ. Sokpan, a deghẹ u i ho ne u gha khian, ai ra vbe gba ru ẹe. Otọe ẹvbo na hia rre evba ne u gha na zẹ, u sẹtin gha rrie ehe ne ọ yẹ ruẹ.”

II Kọrinti 11:23

Eguọmwadia Kristi iran khin ra? Ẹmwẹ mwẹ khọ ọghe ọmwẹmwẹ sokpan mẹ ru ọguọmwadia sẹ iran. Obọ mwẹ da iwinna sẹ iran. I yo eghan ẹghẹ ni bun sẹ iran, a gbe mwẹ asan sẹ iran ẹsẹse, me ọ he rhie owẹ ye agbanmwẹ idin sẹ iran.

Ẹfisọs 3:1

Rhunmwuda ọnọna, mẹ ne Pọl ne oleghan Kristi Jesu rhunmwuda uwa ne ẹ i re Ju, na erhunmwu ghe Osanobua.

Ẹfisọs 6:20

Iyẹn ne ọ maa na ọre I rhunmwuda ẹre re ukọ, a gha rhe miẹn ighẹ uwu eghan ọre I ye banbanna. Rhunmwuda ọnii, na erhunmwu, ne I gha guan vbe ne a i na fian afianma, zẹ vbe ne ọ kere ne I gha ru.

II Timoti 2:9

Rhunmwuda ighẹ I kpe orhu nene Iyẹn Ne ọ maa, oya i ghi re, u hin ighẹ te a ghi guọ eghan yọ mwẹ obọ, zẹ vbe izigan. Sokpan a ma ya eghan mu ẹmwẹ Nọyaẹnmwa gba.

Hibru 11:36

A ye eso gbe ogiẹ, a gbe iran asan, a keghi munọ eso gbalọ hẹ ku uwu ẹwẹdọ.