Jerimaia 36:32 - Edo Bible (E Baibol Ẹdo) Version 1996

³² Ẹre I na dọlegbe rhie ebe ohian ọvbehe, I na rhie ẹre ne Barọk ne ọgbenbe mwẹ. Ọ keghi gbẹnnẹ emwi ne I talọ ma rẹn ne ọ gbẹnnẹ yotọ. Ọ keghi gbẹnnẹ emwi hia ne ọ gha rre ebe n okaro kevbe avbe uhunmwu ọvbehe ne I vbe talọ ma rẹn ne ọ gbẹnnẹ.

Jerimaia 36:32 ပူးပေါင်းရင်းမြစ်များ

Ẹksọdọs 34:1

E Nọyaẹnmwa keghi tama e Mosis wẹẹ, “Ka Uhanhan okuta eva ni ye vbe nokaro nii, I gha vbe gbẹnnẹ avbe ẹmwẹ ni rre avbe uhanhan ne okaro ne u guọghọ ua yọ.

Jerimaia 36:18

E Barọk keghi wanniẹn wẹẹ, “Te Jerimaia talọ ẹmwẹ ni rre evba hia mẹ ne I gbẹn, ọ re I na ye ẹmu gbẹnnẹ ehia ye ebe ohian.”

Jerimaia 36:23

Ọwarọkpa vbe Jehudi ghi tie ọgbagba eha ra enẹ nẹ, ọba keghi ye ovbi abẹe ne ọ guee giagiae ọ na hẹ ku erhẹn erriọ ọ re ọ wa gha ru ẹe khian, a te do miẹn wẹ ebe nii hia giẹn uan.

Jerimaia 36:4

Rhunmwuda ọnii, mẹ keghi tie Barọk ne ovbi e Neraia, I keghi talọ ẹmwẹ hia ne Nọyaẹnmwa tama mwẹ ma rẹn. E Barọk keghi gbẹnnẹ ehia ye ebe ohian.

Daniẹl 3:19

Ẹre ohu na ghi wa kakabọ mu e Nebukiadneza, aro ẹre kegha kpannọ ugiọnmwẹ erhẹn rhunmwuda e Siedrak, e Mesiak kevbe Abẹdnigo. Ọ na ghi wẹ ne emwa rẹn koko erhẹn nii ne ọ ya ukhukhu ihinrọn sẹẹ vbene ọ te ka baa sẹ yi.

Daniẹl 7:1

Vbe ukpo ne okaro ne Bẹlsiaza rriọba e Babilọn, I minaẹn, I keghi miẹn umian vbe asọn. I gbẹn imina nii yotọ, vbene I miẹn ọẹn.

Levitikọs 26:18

“Deghẹ a ghi miẹn wẹ vbe iyeke ena hia, wa ma ye họn ẹmwẹ mwẹ, I gha fian ukhukhu ihinrọn ba oya ne uwa gha re.

Levitikọs 26:21

“A deghẹ te uwa ye gha ze vbudu khian vbene uwa i na họn ẹmwẹ mwẹ, I gha dọlegbe fian ba oya ne I gha rri uwa ẹre ukhukhu ihinrọn.

Levitikọs 26:24

Ẹghẹ nii, I ghi werriẹ aro da uwa, I gha rri uwa oya ukhukhu ihinrọn sẹ ayọ.

Levitikọs 26:28

Ẹghẹ nii ohu gha mu mwẹ I ghi werriẹ aro da uwa, I ghi dọlegbe rhie ukhukhu ihinrọn ba oya ne I gha rri uwa re.

Ebe ne Pọl gbẹẹn gie emwa Rom 16:22

Mẹ ne Tẹtiọs ne ọ gbẹn ebe na, giotuẹ uwa zẹ vbe ne ọ yayi.

Arhie Maan 22:18

Mẹ ne Jọn wa mobọ tama emwa hia ni họn ẹmwẹ akhasẹ ni rre ebe na, a deghẹ ọmwaikọmwa fian yọ, Nọyaẹnmwa gha vbe ya avbe egboghogbogho ne a guan kaẹn vbe ebe na do ye oya ne a gha rri ọre re.