Jerimaia 36:24 - Edo Bible (E Baibol Ẹdo) Version 1996

²⁴ Sokpan ke ọba kevbe avbe ekhaẹmwẹ ọnrẹn ne ọ họn ẹmwẹ na hia, ọkpa ne ohan vbe mu, ra ne ọ vbe rhie ma wẹ ọ da iran ẹ i rrọọ.

Jerimaia 36:24 ပူးပေါင်းရင်းမြစ်များ

Gẹnẹsis 37:29

Ugbẹn vbe Riubẹn ghi dọlegbe sẹ uhae nii, vbe ọ ghi miẹn wẹ Josẹf i ghi rre evba, ọ keghi sọ ẹwu ye egbe ẹre ẹkun zẹ vbe orhiema ọghe akhiẹ.

Gẹnẹsis 37:34

E Jekọb keghi sọ ẹwu ye egbe ẹre ẹkun, ọ na mu ukpọn nekhui rhuan zẹ vbe orhiema akhiẹ, ọ keghi ya ẹdẹ nibun khiẹ ovbi ẹre.

II Samuẹl 1:11

E Devid keghi ye akhiẹ sọ ukpọn rẹn uan, emwa rẹn hia keghi vbe sọ ọghe iran an.

I Ọba 21:27

Elaija ghi guan fo nẹ, Ehab keghi sọ ukpọn irẹn uan, ọ keghi kie ẹre viọ kua, ọ na viọ ukpọn akhiẹ yọ. Ọ ma ghi rri evbare, ọ keghi ya ukpọn akhiẹ vbiẹ, ọ kegha khian huẹẹ, vbe ọmwa ne akhiẹ gbe fi otọ.

Job 15:4

Akpawẹ ọ guẹ ru, a i ghẹ gha miẹn ọmwa ne ọ ye mu ohan Osanobua; a i ghẹ gha miẹn ọmwa ne ọ ye na erhunmwu ghe ẹre.

Psalm 36:1

Orukhọ gu ọmwa dan guan vbe uwu ekhọe ẹre, ọ he Osanobua ye otọ, ẹi vbe ya ọghọ ne ẹẹn.

Psalm 36:2

Rhunmwuda ukpo ne ọ yo ne ọ ro egbe ẹre yi, rẹn ro wẹ, Osanobua i ra miẹn otọ orukhọ ẹre, ne ọ bu abe gbẹe.

Psalm 64:5

Iran ghi gha yi egbe ike vbe uma dan ne iran si, iran ghi gha si uma ehe ne iran gha rhuẹ ifi iran yi. Iran ghi gha kha wẹẹ, “Ọmwarhọkpa i miẹn iran.”

Ẹksọdọs 7:23

Ọba keghi fi egbe werriẹ, ọ na gha rrie ẹguae ẹre vbe ne ọ na ma vbe zẹdẹ zẹ ye ona.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Aizaia 36:22

Ẹre Eliaikim, Siebna kevbe Joa na yanghan ukpọn iran an, iran na ya tama Hẹzekaia, ẹmwẹ ne avbe ivbiyokuo Asiria tae.

Aizaia 37:1

E Hẹzekaia ne ọba ghi wa họn ẹmwẹ na, ọ ke yanghan ukpọn rẹn uan, ọ keghi hẹ ukpọn akhiẹ ye egbe, ọ na gha rrie Ọgua Osa e Nọyaẹnmwa.

Jerimaia 36:16

Ugbẹn vbe ọ ghi tie ẹre nẹ, afianma keghi fian dọmwadẹ ọghọe, iran na ya ghe egbe aro, iran keghi tama e Barọk wẹẹ, “Te ima gha ta ọna ma ọba.”

Jerimaia 5:3

Vbe ẹmwata, emwi ne Nọyaẹnmwa gualọ ọrọre ayekhọe ga. Ọ fi uwa emwi sokpan wa ma zẹ yọ, ọ rẹnkhẹẹn uwa, sokpan, wa ma ye mwẹ ẹwaẹn wa keghi yin ehọ, wa ma vbe zobọ vbe orukhọ ne uwa ru.

Jona 3:6

Ugbẹn vbe ọba e Ninevi ghi họn, ọ keghi kpaegbe vbe ẹkete ọ keghi ban ẹwu ẹre mu fua, ọ na viọ ukpọn akhiẹ yọ, ọ na tota ye uwu emuẹn.

Matiu 12:41

Ọ gha sẹ Ẹdẹ Ibuohiẹn, emwa Ninevi gha kpaegbe ba uwa ifi ẹzọ rhunmwuda iran fiwerriẹ vbe iran họn ikporhu e Jona. Ne I tama uwa, emwi ne ọ sẹ Jona rre emwa na.

Ebe ne Pọl gbẹẹn gie emwa Rom 3:18

amawẹ ne iran ruẹ vbene a mu ohan Osanobua hẹ.”