Jerimaia 36:21 - Edo Bible (E Baibol Ẹdo) Version 1996

²¹ Ẹre ọba na wẹ ne Jehudi ya mu nene ebe ohian rre. Ọ keghi ya mu ẹẹn ke ughugha Elisiama rre, ọ na tie ẹre ma ọba kevbe avbe ekhaẹmwẹ hia ni mudia lẹga ẹre nii.

Jerimaia 36:21 ပူးပေါင်းရင်းမြစ်များ

II Ọba 22:10

“Ghe ebe ọkpa ne Hilkaia mu gun mwẹ.” Ọ keghi tie ẹre ladian ne ọba họn.

II Krọnikol 34:18

Ọ keghi vbe rhie te ẹe wẹẹ, “Ghe ebe ne Hilkaia mu mẹ vbe emwa.” Ọ keghi tie ẹre ladian ne ọba họn.

Jerimaia 23:28

Akhasẹ ne ọ minaẹn, giee kha ighe imina kẹkan nọ, sokpan akhasẹ ne ọ họn urhu mwẹ, we ne ọ ya ta uhunmwu ne I gie kpẹghẹ. De emwi ne a ye ihunhun ru vbe ehe ne ọka ye yi?

Jerimaia 26:2

E Nọyaẹnmwa keghi tama mwẹ wẹẹ, “Ya mudia ye ọgua nọkhua ọghe Ọgua Osa, ne u talọ ẹmwẹ hia ne I wẹ ne u ta ma emwa nii kevbe avbe ẹvbo ni ke Juda rre do ga vbe evba. Ghẹ sẹ ọkpa rae vbọ.

Jerimaia 36:14

Ẹre avbe ekhaẹmwẹ nii na gie Jehudi (ne ovbi e Natanaia, eyẹ Sielemia kevbe ihiẹnhiẹn e Kusi) ne ọ ya tama e Barọk wẹ ne ọ mu nene ebe ohian ne ọ tie ma avbe emwa nii rre. E Barọk keghi mu nene ebe ohian gie iran.

Jerimaia 36:15

Iran keghi tama rẹn wẹẹ, “Tota ne u tie nene ebe ohian ma ima.” Ẹre Barọk na ru vberriọ.