Jerimaia 36:2 - Edo Bible (E Baibol Ẹdo) Version 1996

² “Rhie ebe ohian, ne u gbẹnnẹ emwi hia ne I he tama ruẹn vbekpa e Juda, Izrẹl, kevbe avbe uhunmwu ẹvbo hia nekpa yọ. Wa gbẹnnẹ emwi hia ne I he tama ruẹn yọ, ke ẹghẹ ne I na ka wa gha guẹ guan, ẹghẹ ne Josaia na gha re ọba do sẹ ẹdẹ ne ẹre na.

Jerimaia 36:2 ပူးပေါင်းရင်းမြစ်များ

Ẹzra 6:2

Sokpan, Ekbata na ne ẹvbo ne ọ rre otọe Midia, ọ re a na ya miẹn ebe ohian ne a gbẹnnẹ avbe ẹmwẹ na yi wẹẹ,

Job 31:35

“A i miẹn ne ọ gha danmwehọ ẹmwẹ ne I guan ra? I vẹn ihẹn adeghẹ ẹ i re ẹmwata ehia khin. Gie Osanobua ne Udazi zẹ ẹmwẹ wanniẹn mwẹ. “Akpawẹ te a gbẹnnẹ ehia ye otọ nian, ighẹ ifi ẹzọ ne iran ni gunmwẹ gui ba mwẹ re, ne I miẹn ehe na gha bẹghe iran,

Psalm 40:7

Rhunmwuda ọnii, mẹ keghi wanniẹn wẹẹ, “Ghe mwẹ vbe emwana emwi ne u tama mwẹ hia rre uwu nene ẹbe uhi.

Ẹksọdọs 17:14

Ẹre Nọyaẹnmwa na tama e Mosis wẹẹ, “Gbẹn emwi na ye ebe ne a miẹn ehe na gha ye ẹre rre. Tama Jọsua wẹẹ I gha wa fuẹn Amalẹk fo fẹẹrẹ.”

Aizaia 8:1

E Nọyaẹnmwa keghi tama mwẹ wẹẹ, “Mu emwi ne a gbẹn emwi yi ne u gbẹnnẹ emwi gbada gbada yọ vbenian: ‘Ifu emwi ẹgiẹgiẹ, Otueghae okhirhikhirhi.’

Jerimaia 1:10

Vbe ẹdẹnẹrẹ na, I rhie asẹ ne uẹn yan uhunmwu avbe uhunmwu ẹvbo kevbe avbe otọe arriọba, ne u ya gha silo emwi vbọ kevbe ne u ya gha siẹn emwi sotọ, ne u ya gha rẹnkhẹn emwi uan kevbe ne u ya gha dunmwu emwi uan, ne u ya gha bọ kevbe ne u ya gha kọ.”

Jerimaia 1:5

“I zẹẹ uwẹ nẹ, I keghi rhie arrọọ nuẹn, vbe a te do biẹ ọ, I hannọ uwẹ rhie ladian nẹ ne u gha re akhasẹ avbe uhunmwu ẹvbo.”

Jerimaia 1:9

Ẹre Nọyaẹnmwa na niẹn obọ ladian ọ keghi ya ẹe kaan mwẹ akhuarhamwunu, ọ na tama mwẹ wẹẹ, “Danmwehọ, ẹmwẹ ne u ra ta ọ re I tama ruẹn na.

Jerimaia 2:4

Wa danmwehọ uhunmwu ne Nọyaẹnmwa gie rre, wa ne ivbi uniẹn Jekọb wa ne ẹwae Izrẹl.

Jerimaia 25:3

“Ukpo eha yan ugie ọ re ọ ghi ye na, a tie ẹre ukpo iwera ne Josaia ne ovbi Amọn kegha re ọba e Juda gha dee do sẹ ẹdẹnẹrẹ na, ẹre Nọyaẹnmwa ya gha gunmwẹ guan, a ma he vbe miẹn wẹ I ma ta ẹmwẹ ne ọ tae ma uwa. Sokpan wa ma zẹ yọ.

Jerimaia 30:2

Keghi tama mwẹ wẹẹ: “Ẹmwẹ ne I tama ruẹn, gbẹnnẹ ọẹn ye ebe.

Jerimaia 36:14

Ẹre avbe ekhaẹmwẹ nii na gie Jehudi (ne ovbi e Natanaia, eyẹ Sielemia kevbe ihiẹnhiẹn e Kusi) ne ọ ya tama e Barọk wẹ ne ọ mu nene ebe ohian ne ọ tie ma avbe emwa nii rre. E Barọk keghi mu nene ebe ohian gie iran.

Jerimaia 36:18

E Barọk keghi wanniẹn wẹẹ, “Te Jerimaia talọ ẹmwẹ ni rre evba hia mẹ ne I gbẹn, ọ re I na ye ẹmu gbẹnnẹ ehia ye ebe ohian.”

Jerimaia 36:23

Ọwarọkpa vbe Jehudi ghi tie ọgbagba eha ra enẹ nẹ, ọba keghi ye ovbi abẹe ne ọ guee giagiae ọ na hẹ ku erhẹn erriọ ọ re ọ wa gha ru ẹe khian, a te do miẹn wẹ ebe nii hia giẹn uan.

Jerimaia 36:29

E Nọyaẹnmwa keghi tama mwẹ ne I tama ọba wẹẹ, “U giẹẹn ebe ohian ni nẹ, u keghi vbe nọ e Jerimaia wẹ vbọzẹ ne ọ na gbẹn wẹ ọba e Babilọn gha rre do fuẹn ẹvbo ni uan, ọ ghi gbele emwa kevbe aranmwẹ ni rrọọ.

Jerimaia 36:6

I gha ho ne uwẹ gha khian vbe ẹghẹ ne iran gha na dọlegbe gha rre aguẹ. U ghi tie ebe ohian na ladian, ne emwa họn avbe ẹmwẹ ne Nọyaẹnmwa tama mwẹ kevbe wẹ mẹ ọ re ọ talọe nuẹn gbẹnnẹ. U ghi ru emwi na vbe ehe ne emwa hia gha na sẹtin họẹn, ya sẹ egbe avbe ivbi e Juda ni ke ẹvbo iran ladian gha dee.

Jerimaia 45:1

Vbe ukpo ne ogienẹ ne Jehoiakim ne ovbi e Josaia yae vbe ọba e Juda, e Barọk keghi gbennẹẹn avbe ẹmwẹ ne I talọ ma rẹn yotọ. Ẹre I na tama rẹn.

Jerimaia 51:60

I keghi gbennẹẹn avbe ọkhọ ne ọ ra sunu vbe egbe Babilọn, deba avbe emwi nekpa na hia fẹẹrẹ vbekpa e Babilọn.

Ezikiẹl 2:9

I keghi miẹn obọ ne a niẹn da mwẹ, ọ keghi vbe da ebe ohian yi.

Hozia 8:12

A i sẹtin ka emwi ne a ya ma emwa emwi ne I gbẹnnẹ yotọ ne emwa na, sokpan, iran he ehia ye otọ zẹ vbe emwi ẹrrẹe ne a ma rẹn ehe ne ọ ke rre.

Diuteronomi 31:24

E Mosis keghi gbẹnnẹ avbe Uhi Osanobua nii ye ebe. Ọ ma vbe sẹ emwi ọkpa rae.

Hibru 10:7

Rhunmwuda ọnii ọre I mẹ na kha wẹẹ, ghe mwẹ vbe emwa na Osanobua. Ne I ru ne uwẹ ho ne I ru zẹ vbene a gbẹn ọẹn ye otọ mẹ vbe ebe nene Uhi.”